1 TIMOTHI 4:1 - PATHIAN LEKHABU THIANGTHO (BSI)

¹ Thagau chun, “Hun nunung lam leh mi khenkhatte’n puimanna thagaute leh, thitha lam ah thuhilna ngaisak ziakin, ginna hun haisan in au,” ti kichian tak in a gen hi;

1 TIMOTHI 4:1 Referans Kwoze

2 PETER 2:1

Himaleh, mite lak ah jawlnei lêmte a hung pawt gual un, la lak unle thu diklo hilte hung intin uh, amau chun amau chawpa a puu hial chule kiheisan in, mi susiathei gindan chuamte a gûk in hun paw lut intiu in, amau chung in thakhat in manthaina tung in a.

JUDA 1:18

“Hun nunung ah chun Pathian ngaisak lo lam ah a nopna gual gual ua um ziang, nuisan hatte hung um in au,” ti’n la kiang un a gen tangal un.

2 PETER 3:3

Zia hi he masau in: Ninunung lam leh mi simmaw hâtte chu amau nopna dungzui in simmaw ah ho kawm in hung intiu in:

JUDA 1:4

Mi kuate a hem a gûk in la lak un a hung lut un, amau chu malai ah kipat thiamlo chang ding ah guatsa, Pathian ngaisak lo mi, I Pathian uh hepina chu hûkna chansakte leh I Hotuu leh I Lalpau, Jesu Khrista kihiatlosakte a hiu hi.

2 KORINTH 11:3

Ahi’n la, gûl chun dawha thiam ah Evi a thep gual khan, Khrista ah takna leh thianthona ah kipat la lungthim uh susia kha’n au ti ka lauthawng hi.

2 TIMOTHI 3:13

Ahi’n, migilote leh miphalêmte chu hung khawk zaw deu deu intiu in; mi thêm in, amau le thep zaw in um in au.

1 JOHAN 4:6

Ei uh vang, Pathian ah kipat I hiu hi. Pathian he taphot chun I gen uh a ngai un, Pathian ah kipat hilote chun I gen uh a ngai nuam puau hi. Zia hin Thagau dik leh thagau dik lo chu I hekhen thei ui.

JOHAN 16:13

Banghilehle, ama Thagau thutak chu a hung tun tak leh, thutak zosia’n hun pui lût intin, ama phuak kawm in thu gen pua’n tin, a het tapote chu gen intin, thil hung tung dingte chu hun hiatsak in a.

1 JOHAN 2:18

Chate haw, hun nunung chu ahi tai! Khrista dodâlte chu hung ding a hiu ti la hiatsa gual un, tu’hin Khrista dodâl tam tak a hung tau hi. Zia ah kipat hin hun nunung ahi, ti I hethei ui.

DANIAL 10:14

ni tawp lam leh la mite chung ah bang gual thil hung tung ding a hem, ti hiatthiamsak ding ah la kiang ah hung ka hi,” ti’n a hun gen a.

THUPUAN 2:11

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu thinina chun bangma law ta pua’n ah, atii, ti in.

2 TIMOTHI 4:4

thutak chu ngaitha lo ding ah nusia in, tuanthute lam ah pêtmang in au.

THUPUAN 20:10

Amau thêm zotu Diabol chu, sahâng leh jawlnei lêm a pailutnau mei leh kât ah kang meidil ah chun a pai lut tau a: Zia tak ah chun kumtuang in gim thuak in um ta’n au.

THUPUAN 3:6

Thagau in kochuamte kiang ah thu a gen hi, nakhang nei taphot chun he tau hen, a tii, ti in.

THUPUAN 2:29

Thagau in kochuamte kiang ah thu a gen hi, nakhang nei taphot chun he tau hen, a tii, ti in.

EZEKIEL 38:16

sûmpi’n lei chung a khû gual in, ka mipi Israelte do dingin hung kuan in lau. Hun nunung lam leh, ka gam do ding in hun pui ing ka tin, ka thiantho’na a muthei ding ua nang chung ah ka hun hilat phat leh, aw Gog, namtin in Keima ei hun he ta’n au.

1 PETER 1:20

Ama chu leilung siam masang ah guatlawk hisa, hun nunung lam ah nang uh ziak ah hilat ahi tai.

THUPUAN 18:2

Aw ngai tak in a hung kiko a: “Babulon khawlopi chu a chim tai! a chim tai! Thithate chênna leh thagau buak zosia kikhopna leh, vacha buak leh huat umte chênna, gamsa buak leh huat umte chênna a suak tai.

KOLOSSA 2:18

Kuama’n amau doilam thu bep ah kingainiam leh, vansawlchâkte biakna’n la kipakman uh hun lâkpiak kiu hen, a thil mu teu chu pansan in a taksa lam lungthim ua kisathei in,

1 KORINTH 10:20

Hilo e, Jentelte thillat chu Pathian kiang ah hilo in, thithate kiang ah ahi zawi ti hi ahi. Thithate la kikoppiu ka dawi puai.

MIKAH 4:1

Tu’nung tak leh Lalpa In umna tâng chu, tângte lak ah a sâng pen, mualte chung lam ah chun sukdet in hung um in a. Namtin zia chun chia khawm in,

JEREMIAH 49:39

Himaleh, hun nunung lam leh, Elamte vangphatna chu tungding kit ing ka, Lalpa‘n a tii.

JEREMIAH 48:47

Ahi’n la, ni nunung lam tak leh, Moab vangphatna tungding kit ding ka hi, Lalpa‘n a tii.

ISAI 2:2

Tu’nung lam leh Lalpa In umna tâng chu, tâng sâng pen hung hi’ntin; tâng dang zosia sâng ah chawisa’n in um ta’n a; chuleh, namtin hung kitawl lut ta’n au.

DAN LEKHABU 32:29

Pilna nei hileu vang, zia hi hechian ta’n au; bang gual ah hung tawp ding a hem, ti ngaitua ta’n au.

DAN LEKHABU 4:30

Tu’nung ah buaina zosia la hun tuak ua, la hung lungkham phat ua leh, Lalpa la Pathian lam ua hung kihei kit in, a thu zawm ta’n lau.

KISIMNA LEKHABU 24:14

Ziaziakchun, tu’hin, ka mite kiang lam ah chia kit ta’ng ka; zia mite hin tu’nung leh la mite bang hun law ding a hiu em ti hun hil ing ka,” a ti’n.

THILSIAM THU 3:13

Ziaphatchun, Lalpa Pathian in numei kiang ah chun, “La thil hi hih bangtidan ahi em?” a ti’n. Numei chun, “Gûl in ei thêm ah, ka la nêk mai ahi,” ti’n a dawnhu tai.

THUPUAN 20:8

lei chung kil li um namte, Gog leh Magog thêm in kido dingin pui khawm in a; a tam dan uh chu tuisuagiat piaunêl jat hi’n a.

THUPUAN 19:20

Sahâng chu a man ua, jawlnei lêm a ma-âng ah thilmak bawl sek leh, sahâng tepte’na nei ding ah mi thêm zo sek kha, a paniu in mei leh kât ah kâng meidil ah chun a hing in a pai lut tau a.

THUPUAN 18:23

Chuleh, la sung ah hin thaumei him him le vâk kit ta pua’n tin; la sung ah hin mo leh moneipa aw git ti le kihe ta pua’n tin; la sung ah sumkol veite kha lei miliante a hiu a, la dawi thiamna nam zosia thep zaw a um a hiu kha.

THUPUAN 13:14

Sahâng mit mu ah thilmak hi’theina ama piak ahi dungzui in, lei ah umte chu a thêm zo a; lei ah umte kiang in chemjam ah sat liam, dam kit ta, sahâng lim chu siam dingin thu a pia’n.

THUPUAN 9:20

Zia gawtna thi lo sunte chun a khut nasepteu, thithate, sana milimte, dangka milimte, sum-eng milimte, thing milimte, khua mu theilo, hethei lo leh chia theilote chu ho lo dingin a lung uh a hei diak puau a.

THUPUAN 3:22

Thagau in kochuamte kiang ah thu a gen hi, nakhang nei taphot chun he tau hen, a tii, ti’n a gen a.

THUPUAN 3:13

Thagau in kochuamte kiang ah thu a gen hi, nakhang nei taphot chun he tau hen, a tii, ti’n a gen a.

THUPUAN 2:17

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu manna sêlgûk chu pia’ng ka tin, suang val le pia ding ka hi; zia suang chung ah chun min thak, a chang dingte bep longal in a het lo diu chu a kizik hi, a tii, ti in.

THUPUAN 2:7

Thagau in kochuamte kiang ah thu a gen hi, nakhang nei taphot chun he tau hen. A zo tapo chu Pathian paradis ah a nêk dingin hinna thingga pia ding ka hi, a tii, ti in.

1 KORINTH 12:11

Zia zosia hin Thagau pakhat ma chun mi zosia kiang in a nop gual gual ah hawm in a sêm sek hi.

NASEPTE 28:25

Tichun, a kithutuak theilo phat un, a peljak masang un Paul in thu kam khat a gen a, Thagau Thiangtho in jawlnei Isai mang ah la pu leh pateu kiang ah a la gen kha a dik ngei hi:

NASEPTE 17:18

Epikuria mi leh Stoik mite lak ah mithiam khenkhat inle a hung kinialpiu a. A kim khat in, “Zia mi kamtampa hin bang a hem a gennop?” a tiu a; a dangte chun Jesu leh thawkitna thu a gen ziak ah chun, “Gamdang pathiante thu genpa hi’n a,” a tiu a.

NASEPTE 13:2

Amau chun Lalpa ho ah an a ngol lai un, Thagau Thiangtho chun a kiang un, “Barnaba leh Saul kha ka kona lam ah nasem dingin ei koichuam piak un,” a hun tia.

EZEKIEL 1:3

Kaldaite gam ah Khebar lui pang ah um, Buzi chapa thiampu Ezekiel kiang in Lalpa‘n thu a hun gen a; zia tak ah chun Lalpa khut a chung in a um ta’n.

THUPUAN 16:14

Ziate chu thithate thagau thilmak hi’sekte kha a hiu a; amau chu Bangkim Hi’thei Pathian tawh a kidopinau ni ah gâldo ding ah lei ah lalte leh, khawvel pumpi mite kaikhawm ding ah hung kuandok a hiu hi.

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

1 LENGTE 13:18

Ziaphatchun, pakhat zawk chun a kiang in, “Keile nang tawh bang tho ah jawlnei khat ka hi’n, vansawlchâk pakhat in Pathian thu’n ka kiang in: La kiang ah an ne, tui dawn dingin ama chu la In ah vapui kit in, ei ti ahi,” a tia. Himaleh, ama chun a lepbawlna a hi’n.

JEREMIAH 23:26

A zuau thu phuak kawm un ka mipite hi, zia jawlneite chun bang chan pui chavai nalai ding a hiu em?

MATTHAI 18:7

Pûknate ziakin khawvel chung a gik hi! Pûknate vang a umlo theilo ahi; himaleh pûkna hun umsak sekte chu a chung uh a gik hi!

LUKA 17:1

Jesu’n a nungzuite kiang in, “Pûksanna hi a umlo thei ahi puai; himaleh, pukna umsakte chung a gik hi.

NASEPTE 20:23

Thagau Thiangtho in, khawtin in kânna leh sukgentheina’n a hun ngâk zing hi,” ti bep ei hiatsak hi.

NASEPTE 21:11

A hung tun phatin, Paul kawnggâk chu a la, a khut leh a keng a kikân a, “Thagau Thiangtho chun, ‘Zia kawnggâk neipa Jerusalem ah Judate chun zia gual hin kân intiu in, Jentelte khut in pedok ding a hiu,’ a tii,” ti’n a hun gen a.

1 KORINTH 2:10

Zia chu Pathian in a Thagau ah chun I kiang un a tâklang tai; Thagau chun bangkim a hawldok sek ah; ahi, Pathian thugil takte le.

1 KORINTH 11:19

La lak ua a tak takte a kilat theina dingin, kikhenna le a um ding him ahi.

JAKOB 3:15

Zia tawhbang pilna chu chung lam ah kipat hung suk a hipua’n, khawvel leh lei thil, diabol ah kipat ahi zawi.