1 TIMOTHI 3:4 - PATHIAN LEKHABU THIANGTHO (BSI)

⁴ Ama Insung pha tak ah pawtûp in, a chate chu kawng bangkim ah thumang leh ja’um tak ah a thunun zaw ding ahi;

1 TIMOTHI 3:4 Referans Kwoze

TITA 1:6

mi kuale dem kâi lo, ji pakhat nei, a chate ginum, noptatna lam ah dem kâi lo, danlo gual ah talo a hi’nâk ua leh,

1 TIMOTHI 3:12

Kochuam ah hotute chu ji pakhat bep nei hiu hen la, chuleh, a chateu leh amau Insung ngei pha tak ah pawtûp zo ahi diu ahi.

THILSIAM THU 18:19

Lalpa lampi a hawtheina ding un, a nung ah a chate leh a Inkuante, thil dik tak ah hiding leh, vaihawm gual ah um ding ah thu a piak theina dingin ama chu ka guat ta’ngal in; a chungchâng thu Lalpa’n a gen chu Abraham chung ah a tunsak theina dingin,” a ti’n.

TITA 2:2

Upate chu kisûm ding, ja’um, a hun tiang he, ginna dik tak nei, hepina leh thok-hatna nei ding in;

NASEPTE 10:2

Ama chu Pathian ngaisak tak, a sunghawu ah Pathian lau tak ah khawsa mi, migentheite kiang ah le thilpiak chîng mi, Pathian kiang ah pauchap zing mi ahi.

JOSHUA 24:15

Tu’hin Lalpa nasep ding chu nuam lo la hiu leh, tu’ni ma ma hin kua pen na sêm ding la hiu em, la pu leh pateu in Luipi gâl lam ah pathiante na a la sep piak uh kha ahi em; ahiloleh, la luanau gam ah Amorte pathiante a hizaw diam, ti têl ngâl un. Kei leh ka Inkuante’n vang Lalpa na bep sêm ing kau, ti’n a dawnhu a.

TITA 2:7

Bangkim ah thilpha lam taphot ah, mi etton dingin kisiam inla; la thugen ah chun la lunglut zia leh la ti’takna a kilat a;

PHILIPPI 4:8

A tawp pen ah chun, suapite haw, a dik tapo, a za-um tapo, a fel tapo, a thiangtho tapo, a doi um tapo, a kithang mêlpha tapo, thil phazaw him him, pâkchâk ding him a um chun ziate chu ngaituau in.

EPHESA 5:24

Kochuam chu Khrista thunuai ah a um gual hin, jite le bangkim ah a pawsalteu thunuai in a um diu ahi.