1 TIMOTHI 2:6 - PATHIAN LEKHABU THIANGTHO (BSI)

⁶ ama chu mi zosia tatna dingin a hung kipe tai, zia thu chu a hun tak ah taklat in a um tai.

1 TIMOTHI 2:6 Referans Kwoze

MATTHAI 20:28

Mihing Chapa hial hile min a na a sep piak ding ah hung a hipua’n, nasem ding leh, mi tam tak tatna ding ah a hinna pia ding ah hung ahi zawi, a tia.

1 PETER 3:18

Pathian kiang ah ei pui theina dingin, Khrista chun gitlo ziakin kumtuang dai dingin a thuak ta’n; midik chun midik lo thasâng in a thuak ahi. Taksa ah thalup in a um ta’n, thagau ah suk-hin in a um tai.

GALATIA 4:4

himaleh, a hunbî a hung tin phatin, Pathian in a Chapa, numei suan in, dan nuai ah hung piang in a hun sawl tai.

THUPUAN 1:5

Jesu Khrista, hiatpitu ginum leh, mithite lak ah suakdok masa pen leh, lei ah lalte vaihawm piak ding pa ah kipat chun, hepina leh chamna la chung un um ta hen.

1 JOHAN 4:10

Zia hin hepina chu a um hi, ei un Pathian I hepiu hilo in, ama’n ei hepi ah, I gitloteu thupha choina dingin a Chapa a hun sawl hi.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

1 KORINTH 1:6

Khrista chanchin ka hiatsakteu kha nangmau ngei ah sukdet a hita’n;

1 TIMOTHI 6:15

Zia chu a hun tak in pâk tâk leh Thuneipa bep, lengte Leng, lalte Lalpen chun hun tunsak ding ahi.

EPHESA 5:2

Khrista’n ei hepi ah, ei uh â ding ah gimtui ah Pathian kiang ah thillat ah a kipiak gual khan, hepina nei zing tau in.

JOB LEKHABU 33:24

ama lainat in doisak ma ma in, “Thi’na ko’tang ah kipat in hun hukdok un, ama kitatna ding ka mudok tai;

1 PETER 2:24

Gitlona thi’san ah, dikna ah I hin zawk theina ding un, ama ngei chun kros ah khan a taksa ah chun I gitlonateu a paw tai. Ama beliamte ziak ah sukdam in la um tau ahi.

TITA 1:3

himaleh, I Pau Pathian thupiak dungzui ah ka kiang ah piak ah um, a hun tak ah thugen sek pa hin,

2 KORINTH 5:21

Ama ah chun Pathian dikna I hi’theina ding un, gitlo him him helo chu Pathian in ei uh ziak in gilo in a siam tai.

ROMTE 5:6

I hatlo lai uh khan, a hun tak in Khrista chu Pathian helote a dingin a hung thi ta’n.

JOHAN 10:15

Pa chun keima ei het ziakin, ken le Pa chu ka hia’i; chuleh, belamte â dingin ka hinna ka pia’i.

JOHAN 6:51

Keima hi vaithum hing, van ah kipat hung suk chu ka hi. Zia vaithum ne tapo chu kumtuang in hing zing intin; zia vaithum, khawvel hinna ding ah ka piak ding chu ka taksa hi ahi,” a tia.

MARKA 10:45

Mihing Chapa hial hile mite’n ama na a sep piak ding ua hung ahi puai; mi nasep piak ding leh mi tam tak tatna ding ah a hinna pia ding ah hung ahi zawi,” a tia.

ISAI 53:6

I leng un belam gual in I la vâk mang zo tau ah; eimau nopna lam chiat in I la vâk mang zo tau hi; himaleh, Lalpa‘n I leng ua dukdaklona zosia chu, ama chung in a nga tai.

THUPUAN 5:9

La thak a hun sau a: “Nang, Lekhabu chu la ah, a teptênate tham ding ah ting pen chu la hi; tha inla um ah, chitin, namtin, pautin leh mipite lak ah chun, la thisan inla tandok a, Pathian kiang la tut ta’n;

HEBRAITE 9:12

Kelte leh bawngnote thisan hilo in, ama thisan ngei in Mun thiangtho pen ah chun khatvei thu’ lut in, kumtuang tatna chu a siam ta ahi.

2 TIMOTHI 1:8

Chutichun, I Lalpau thu hiatsak leh, keima ama min ah suangkul ngâkpa hile ei jachatpi kin la; chanchinpha ziak ah thokgimna hi, Pathian thilhitheina dungzui in ei thokpi zaw’n.

2 THESSALONITE 1:10

a mithiangthote suklopi ah um ding leh, ka hun thu hiatsak uh gin ziak ah a gingtute zosia lamdang sak ah um ding ah a hung phat leh,

ROMTE 16:26

ahi’n la, tu’hun ah hung kipuangdok leh kumtuang Pathian thupiak dungzui ah, jawlneite’n lekha zik mang ah, ginna thuzopna um dawsak theina ding a ti, Jentelte kiang ah hiatsak ah um, a hun hi’hat thei Pathian–

EPHESA 1:17

I Lalpau Jesu Khrista Pathian, lopina Pa chu, ama hetna lam thu ah, pilna leh hiatsakna thagau a piak theina dingin.

EPHESA 1:7

A hepina hau dungzui in, a thisan ah tatna chu chang in, I gitlonateu ngaidamna chu I chang tau ahi.

EPHESA 3:5

Zia chu tu’lai ah sawlchâk thiangthote leh jawlnei thiangthote kiang ah, Thagau hiatsak ah a um gual ah hin, tu’ma lam ah khan mihing chate kiang ah hiatsak ahi ngai pua’n; zia thu chu zia hi ahi:

MARKA 1:15

“A hun a buting ta hen, Pathian gam chu a nai tai, la gitlo uh haisan unla, chanchinpha hi ging tau in,” ti’n a gen pan a.

GALATIA 1:4

Ama chun I Pathian leh I Pau doigual ah, tu’lai khawvel gilo tak lak ah kipat ei hukdaw theina dingin, I gitlonateu ziakin ama ngei chu a hung kipiak tâk ziak in,