1 TIMOTHI 1:11 - PATHIAN LEKHABU THIANGTHO (BSI)

¹¹ pakchat tâk Pathian chanchinpha lopi tak ka kiang ah vopsak ah um, zia thugin chu tawh kikãl thil dang him himte â ding ah chun bawl ahi.

1 TIMOTHI 1:11 Referans Kwoze

GALATIA 2:7

chutinâk sâng chun, zektante kiang ah chanchinpha chu Peter kiang ah vopsak ahi gual in, zektanlote kiang ah chanchinpha chu kei kiang ah vopsak in a um hi ti a het phat un,

TITA 1:3

himaleh, I Pau Pathian thupiak dungzui ah ka kiang ah piak ah um, a hun tak ah thugen sek pa hin,

1 TIMOTHI 6:15

Zia chu a hun tak in pâk tâk leh Thuneipa bep, lengte Leng, lalte Lalpen chun hun tunsak ding ahi.

2 KORINTH 4:4

Khrista Pathian kibatpi, a lopi dan chanchinpha vâk in a salvâk theilona dingin, amau chu ahileh zia khawvel pathian hin ginglote lungthim chu a sukthûm piak ahi.

ROMTE 2:16

Ka chanchinpha gen gual ahin, zia ni phat chuleh, Pathian in mihing lunggil ngaituana zosia chu, Jesu Khrista ah chun vaihawm piak ding ahi.

2 TIMOTHI 2:2

hetpi tam takte lak ah ka kam ah thu la hiatte kha, mi ginum, midang hilsawn thei dingte kiang in pesawn in.

2 TIMOTHI 1:14

Eimau ah chêng Thagau Thiangtho kithuapina’n, nangma ah vopsak hita go thilpha tak chu chingpha ta’n.

2 TIMOTHI 1:11

Zia chanchinpha â ding ah chun, tângsam leh sawlchâk leh thuhilpa hiding ah guat ka hi’n,

1 TIMOTHI 6:20

Timothi, la kiang ah vopsak ah um chu vêngpha ta’n. Diklo tak ah pilna a tiu, thu kigen mai mai leh kinialnate chu kiheimang san in;

1 TIMOTHI 2:7

Zia ding ah chun thugen ding leh sawlchâk ding, (thutak ka gen ahi, juau ka gen puai,) ginna leh thutak ah Jentelte thu hil ding ah guat ka hi.

1 THESSALONITE 2:4

Chanchinpha vopsak ding ah Pathian phasak mi ka hi gual ngei un, mihing kipaksak ding gua hilo in, ka lunggilteu pateppa Pathian kipaksak dingin ka gen uh ahi zawi.

KOLOSSA 1:25

Pathian thu chu bukim tak ah het a hitheina dingin, nanghaw ziak ah Pathian in mawpuakna ei piak dungzui in, nasem ah pang ka hi tai;

EPHESA 3:10

Chutia, Pathian pilna zosia chu van mun ah lalna leh thuneinate kiang ah, kochuamte mang ah tu’hun ah hiatsak ahi’na dingin.

EPHESA 2:7

Chutichun, hun hung tung kit ding ah te chun Khrista Jesu ziak ah I chung ua nunnem in, a hepina lopi hau dan te’gual lo chu ei musak theina ding in.

EPHESA 1:12

Ei haw Khrista ah ginna a la nga masate hi a lopina pâkna I hung hi theina ding un.

EPHESA 1:6

A hepina chun ama’n ei la lut ah, zia a hepina lopi chu I chawihoina ding un.

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

1 KORINTH 9:17

Zia chu keima thu ah ka hi chun, kipakman ka nei hi; himaleh, keima thu ahiloleh chu sawl ah um hiding ka hi.

LUKA 2:14

“Chungnung pen ah Pathian chu, lopi tak in um hen la, lei chung ah a doisak ma ma mihingte kiang hin, chamna um ta hen!” a tiu a.

SAM 138:2

la tempul thiangtho lam nga’n, chibai hun bûk ing ka tin; la ngilneina leh la thutak ziakin, la min pâk ing ka; nang in la min leh la thu chu, thil zosia chung in la chawisâng ta’ngal a.