1 SAMUEL 8:6 - PATHIAN LEKHABU THIANGTHO (BSI)

⁶ Himaleh, “Ka chung ua vaihawm ding leng ei pia’n,” a ti ziak un Samuel chu a lungawi ta pua. Samuel chu Lalpa kiang in a pauchap a;

1 SAMUEL 8:6 Referans Kwoze

1 SAMUEL 15:11

“Leng ding ah Saul ka la guat hi ka kisik hi, ka thupiakte zui lo hial in ei kinungheisan ta’ngâl a,” a tia. Samuel chu lungna tak kawm in jankhua’n Lalpa chu a ko ta ahi.

JAKOB 1:5

La lak ua kua’n le pilna a tâksap chun, mi zosia kiang ah phal tak leh îtcha lo ah pepa Pathian kiang in don un, tichun piak in um in lau.

1 SAMUEL 12:17

Tu’ni hi gehu bu-ât hun hilo a hem? La chung ua vaihawm ding leng la kidot ziang uh hi Lalpa mit mu ah thil huaisia tak ahi ti la het ua, la mutheina ding un, Lalpa chu ko ing ka tin, van-gi leh gawpi hun zuksak ding ahi,” a tia.

SAM 109:4

Amau ka hepi ziak ah ka pauchap piak sapi’nle, ei hêk un.

KISIMNA LEKHABU 16:46

Mosi chun Aron kiang in, “La gimtui hâlna kuang khan mâichâm ah kipat meiâm luak inla, gimtui buak khum inla, mipite kiang lam ah kin tak in chawi in; a gitlonau thoidamna ding bawl piak kin in, Lalpa ah kipat in lungnatna a pawt ta’n, thi’na hisia a leng pan tai,” a tia.

KISIMNA LEKHABU 16:22

Ziaphatchun, a maichang ua leitual si hial ah bokkhup ah pauchap in: “Aw Pathian, taksaphe leh vo nei zosiate hinna Pathian, mi pakhat gitlona ziakin mipi zosia chung ah lungna ziang ding la hi em?” a tiu a.

KISIMNA LEKHABU 16:15

A chung un Mosi a lungna ma ma ta’n, Lalpa kiang in, “A thillat uh bang ma pom piak kin. A sabiltung uh khat chale ka lâkpiak kha pua’n, a lak ua mi pakhatle ka gentheisak kha diak puai,” a tia.

PAWTDAWNA THU 32:32

ahi’n la, tu’hin a gitlonau la ngaidam thei ding leh–ahi theilo ding leh vang la lekhabu ka min la ziksa kha nuaimang kit zaw mai in,” a tia.

PAWTDAWNA THU 32:21

Mosi chun Aron kiang in: “Zia mipite hin la chung ah bang a bawl ziak ua, zia gual lawm lawm ah gitlona huaisia hi a chung ua la tunsak ziang a hem?” a tia.

PHILIPPI 4:6

Bangmalo mai mai in lungkham kiu inla, bangkim ah pauchap leh don in, kipak thu gen kawm in, la dotnateu chu Pathian kiang in hiatsak zaw tau in.

1 SAMUEL 7:5

Ziaphatchun, Samuel in, “Israel mipi zosia chu Mizpah ah hun ko khawm unla, Lalpa kiang ah hun dot piak ing ka,” a tia.

1 SAMUEL 10:19

Himaleh, tu’ni hin la Pathian uh, la haksatnau leh la buainau zosia lak ah kipat hukdokpa lei dawi puau ah, nanghaw’n a kiang in, ‘Ahipuai, ka chung ua vaihawm ding leng pakhat ei pia’n,’ la tiu in. Zaziakchun, tu’hin la nam leh phung dungzui un Lalpa kiang ah hung kipechiat un a tii,” ti’n a gen a.

1 SAMUEL 12:12

Himaleh, Ammonte lengpa Nahash in hung do ding ahi ti la mu phât un, Lalpa la Pathian uh la chung ua lengpa um zing hi’napi’n, ‘Ahipuai, leng pakhat in ka chung un vaihawm hen,’ la tiu a.

HOSEA 13:10

Nang hun hukdok ding la lengpau chu tu’hin khoitak ah um a tam? “Lal leh vaihawm ding ei pia’n,” la ti sek, khawpi sung ah lal leh vaihawmtu chu, khoi lam tung ahi tam?

1 SAMUEL 12:19

Mipi zosia chun Samuel kiang in, “Thi lo ah ka umtheina ding un, la suakte â ding hin Lalpa la Pathian kiang ah ei pauchap piak in; ka gitlonau belapna dingin, ka chung ua vaihawm ding leng ka la don nalai sêt un,” a tiu a.

1 SAMUEL 12:23

Kei ka hileh chu, nanghaw â ding ah pauchap haisan in Lalpa chung ah gitlo bawl pua’ng ka tin; chuleh, lampi dik leh pha chu hun hil zing ding ka hi.