1 SAMUEL 3:12 - PATHIAN LEKHABU THIANGTHO (BSI)

¹² Zia ni phat chuleh, Eli Inkuan chung ah tung ding ah ka la gensa zosia kha, a bul ah kipat a tawp tiang in tun kimsak ding ka hi.

1 SAMUEL 3:12 Referans Kwoze

LUKA 21:33

Lei leh van chu mangthai intin, ka thu hi vang mangthai pua’n a.

ZEKARIAH 1:6

Ka dante leh ka thute khan ka suak jawlneite kiang ah ka la piak haw kha, la pu la pateu a la makhel man ta hilo a hem? Tichun, a kisik ua: Sepai honte Lalpa chun I chung ua bawl ding a guanggal gual tak in, I umdan leh I thilbawl dungzui tak un ei soisa ta ahi,’ a tiu kha,” a tiu a.

JOSHUA 23:15

Lalpa la Pathian un, thilpha la chung ua tung ding ah a la tiamsa gual ah, a guitunsak zaw tâk ziak hin, zia gam pha, Lalpa la Pathian un a hun piakna mun ah kipat hin la manthai suak masiau, Lalpa‘n la chung un thil phalo zosia hun tunsak ding ahi.

KISIMNA LEKHABU 23:19

Pathian chu mihing gual ah lepchia a hipua’n; eihaw thitheite gual ah a ngaidan theng ngai lo ahi. A mualsua lo dingin a kitiam ngai em?

EZEKIEL 21:5

chuleh, mi zosia’n keima Lalpa hin, ka chempâi ah kipat chemjam jukdok ka hi ti he ta’n au; a pâi ah thun kit hipua’n a.

VAIHAWMTE 4:24

Kanaan lengpa Jabin chu a thalup hial masiau, Israelte khut chu Kanaan lengpa Jabin khut in a hi’hat deu deu tai.

1 SAMUEL 4:11

Pathian thuthung thingkuang chule a lâkpiak tauah; Eli chate Hophni leh Phinehas le a thi tau hi.

1 SAMUEL 4:17

Thangko’pa chun, “Philistinte âng ah Israelte a jamsia tauah; sepai hon lak ah mi tam tak a thiu hen, la chate Hophni leh Phinehas le a thi tau ah, Pathian thuthung thingkuang le ei lâkpiak tau hi,” ti’n a hun dawnhu tai.

1 SAMUEL 4:21

Nausen min dingin Ikhabod a phuak ah, zia chu, “Lopina chun Israelte a nusia tai,” ti’na ahi. Pathian thuthung thingkuang lâkpiak a hitauah, a talpupa tawh a pawsal le a thi tâk ziak uh ahi.

1 SAMUEL 4:22

Ama chun, “Pathian thuthung thingkuang lâkpiak ahi tâk ziak un, lopina chun Israel a nusia tai,” a ti ahi.