1 SAMUEL 24:4 - PATHIAN LEKHABU THIANGTHO (BSI)

⁴ David sepaite chun a kiang in, “Tu’ni hivang Lalpa‘n la kiang ah, ‘La gâlte chu la khut ah hun pia’ng ka tin, la nop nop la law ding ahi,’ ti ah a genna hun chu hung tung a hita hi,” a tiu a. Ziaphatchun, David awlchân a chia ah, Saul puanâk chual mong neukhat a va âttha tai.

1 SAMUEL 24:4 Referans Kwoze

1 SAMUEL 26:23

Lalpa‘n a dik leh ginum taphotte chu kipakman a pesek in; tu’ni’n la hinna Lalpa‘n ka khut in ei pia ta’n; himaleh, Lalpa sathaunu’ chung ah ka khut ka thanuam puai.

1 SAMUEL 24:10

Tu’ni ma ma hin la hinna Lalpa‘n kawlhawm ah khan ei la pia ta ahi, ti la mit ngei in la mu tai; mi khenkhat in that ziang in ei tiu ah; ahi’n, la hinna ka hawi piak la hi. A kiang un, ka hotupa chung in ka khut tha pua’ng ka, ama chu Lalpa sathaunu’ ahi ngâl in, ka ti ahi.

1 SAMUEL 24:18

Tu’ni ka hinna Lalpa‘n la khut ah a hun piak lai inle ei that lo ah, pha tak ah lei khawtua dan lei etsak zaw ta’ngâl a.

1 SAMUEL 23:17

David kiang ah chun, “Lau him him kin; ka pa Saul in hun mai kha ngai ngai lo ding ahi’n; nang hi Israelte chung ah leng ah pang ding la hi; zia tak chuleh, nang zathuap ah pang ding ka hi; ka pa Saul inle zia gual chu hung hiding la hi, ti a henai,” a tia.

1 SAMUEL 23:7

David chu Keilah khua’n a chia hi ti Saul a hil un. Chuleh, Saul in, “Khawpi kulpi leh thik dâi ah ki-ûm sung ah hung tai lut ahileh, David chu Pathian in ka khut ah ei pia a hita chu,” a ti’n.

JOB LEKHABU 31:31

ka puanbûk sung ah um te chunle, “Ama an ne kha lo kua a um ah a hem!” a la tiloleu chu vang;

2 SAMUEL 4:8

Ishbaal luchang chu Hebron ah David kiang in a hun puau ah, lengpa kiang ah chun, “Zia hi la mêlmapa chapa Ishbaal luchang a hi; Saul in nangma thalup guan a la delzui zing ta maleh, tu’ hin, nang ka lengpau leh ka lal uh phuba chu Lalpa‘n, Saul leh a suante chung in a la ta ahi,” a ti tau hi.

PAWTDAWNA THU 21:13

Ahi’n, kua’nle tup mawng hilo ah Pathian in ama bawl ding him him a la bawl khaksak ahi chun, a tailutna ding, a bitna mun ding guat piak ing ka.

1 SAMUEL 22:1

David in zia tak chu nusia in Adullam kawlbûk lam in a taidok ta; a suapite leh a chanaute zosia’n a het phat un, zia mun ah chu ama mu dingin a chia suk tau a.

SAM 57:1

Ei lungsiat inla, aw Pathian, ei lungsiat in; ka hinna’n nangma a hun bêl in, siatna huipi a kithial masia, la thalîm nuai hun bêl ing ka.

SAM 142:1

Ka aw’n Lalpa chu ka ko ah, ka aw’n Lalpa kiang ah lungsiatna ka don ah.