1 SAMUEL 2:8 - PATHIAN LEKHABU THIANGTHO (BSI)

⁸ Chaga chu leivui lak ah kipat in a kaitho in, mi tasam chu leivui lakah kipat dom sâng in, leng chate lak in a kichutsak in, lopina chutpha a luasak hi. Lei kingakna khuamte chu Lalpa â a hia, khawvel chu a chung un a nga ahi.

1 SAMUEL 2:8 Referans Kwoze

DANIAL 2:48

Tichun, lengpa chun Danial chu a koisâng ta’n, thilpiak thupi tak tak le a pia’n, Babulon lenggam zosia chung ah vaihawm ding leh, Babulon mipilte zosia chung ah thunei in a koi tai.

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?

DANIAL 6:3

Danial in ngaituana thagau pha tak a nei ziakin, a vaihawmpi teni leh gambung tin ah vaihawmte zosia sâng ah, sep leh bawl bangkim ah chungchuang ahi’na a hi’lang pai ta’n; tichun, lengpa chun a lenggam pumpi vaihawm ding ah koi a gaw tai.

THUPUAN 1:6

Chuleh, ei hepi ah, gitlona kipat a thisan in ei tandok ta’n, a Pa leh a Pathian lam ah lal leh thiampu ei siampa kiang ah chun, lopina leh thuneinate kumtuang in um ta hen.

THUGENTU 4:14

A lenggam sung ah migenthei pen hiziang leh le, suangkul ah kipat in vaihawm dingin a hung pawt thei tho hi.

1 SAMUEL 15:17

Tichun, Samuel in, nangma kingai dan ah neucha’n kikoi male chin, Israel nam pumpi luchang hilo la hem? Lalpa‘n Israelte chung ah leng hi ding ah sathau a hunnu’ la hi.

THUPUAN 22:5

Jan um ta pua’n tin; thaumei vâk leh nisa vâk le ngai ta pua’n tin; Lalpa Pathian in amau chu salvâk ta’n tin; kumtuang in vaihawm ta’n au.

THUPUAN 5:10

Pathian lam ah lal leh thiampu’n la siam a; lei chung ah vaihawm dingte a hitau hi,” ti in.

2 SAMUEL 7:8

Ziaziakchun, tu’hin, sepai honte Lalpa chun, ka suak David kiang in zia gual hin la gen ding ahi: Gancha chinna mun, belam hon la chinna mun ngei ah kipat hin, ka mipi Israelte chung ah Leng hiding in ka hun teldaw la hi’n,

THUPUAN 3:21

Kuale a zo te chu, keima’nle ka zaw ah, ka Pa kiang ah lalchutpha ka chut gual hin, ka lalchutpha kiang ah chutsak ding ka hi.

HEBRAITE 1:3

Ama chu Pathian lopina vâk kilatna leh Pathian hina mêl taklangpa ahi’n, a thu thilhitheina chun bangkim a tungding ah, ama chun I gitlonateu a sukthian nung in, chungnung pen leh lopi pen chang lam in a hang kichu tai.

SAM 104:5

Leilung a kilînlona ding in a kingakna chung in la lem hi.

SAM 102:25

Masanglai ah kipat khan leilung kingakna hi, la phûmsa a hita’n; vante khi la khutsuak ahi.

SAM 24:2

tuisuagiat chung in a lemdok in, luipi tuite chung ah a phudet ahi ngal a.

THILSIAM THU 41:14

Ziaphatchun, Pharaoh chun Joseph chu a vakosak ngal ah; kin-gang tak in suangkul ah kipat chun a puidok tau a. Ama le a kimetnâm ah, a puansil a theng ah, Pharaoh kiang in a lût ta’n.

JOB LEKHABU 2:8

Job chun a kikhuatna dingin bêlhal a la’n, vut lak in a kichu ta mai a.

THILSIAM THU 41:40

nang hi ka lal In sung ah hotu hi’n la tin; ka mipi zosia hi la thu thu’n um uh hen la: lalchutpha ah chut thu bep ah hin nangma sâng in lal ing ka,” a ti tai.

DANIAL 4:17

Zia thu hi mi thiangthote thupukna dungzui ah, vêngtute thupuan chu ahi; tichun, Hatchungnung pen in, mihingte lenggam zosia chung in thu a nei hi; ama’n a nop tapote â dingin lenggam a pia, mi niampente chule a chung un a koi sek hi, ti hi mi zosia’n a hiattheina ding un,’ ti’n a hung kiko tai.

1 LENGTE 16:2

“Zia gual lawm lawm ah hin leivui lakah kipat in ka hun ladok ah, ka hun chawilian ah; ka mipi Israelte chung ah leng in ka hun koi ah; nang in Jeroboam umdan zui ah, a gitlonau ah ei lungnatsak dingin; Ka mi Israelte la gitlosak ahi.

2 LENGTE 9:6

Tichun Jehu a ding ah sunglam in a valut ah; tangval chun a luchung ah sathau a sung ta’n, “Lalpa, Israel Pathian in zia gual hin a gen hi: Lalpa mipi, Israelte chung ah leng dingin sathau ka nu’ la hi.

JOB LEKHABU 1:21

“Ka nu sul ah kipat ngawnchang in ka hung pawtdok in, ngawnchang ma ma’n kile’kit ding ka hi; Lalpa‘n ei pia’n, Lalpa‘n a la kit tai; Lalpa min chu pâk in um ta hen,” ti in.

SAM 75:3

Lei leh a sung ah um zosia a kilîn phat leh, keima ngei hi ka hi a khuamte phudetpa chu. (Selah)

SAM 75:7

vaihawmna thukhentu chu Pathian ahi’n; pakhat a sawn niam ah, a dang a dom sâng sek hi.

SAM 107:41

himaleh, genthei liangvaite chu, a haksatnau ah kipat in, gan honte gual in Inkuante a siam piak sek hi.

ISAI 22:23

Kungbul det tak ah kihên gual in hi’det ing ka tin, pu leh pate â ding ah ja’umna lalchutpha hung hita’n a.

SAM 75:4

Mi kisatheite kiang ah chun: “Kisathei kin,” ka ti hen; mi nunsiate kiang inle: “Kilâm sâng kiu inla,