1 SAMUEL 2:3 - PATHIAN LEKHABU THIANGTHO (BSI)

³ Kisathei tak in pau ta kiu inla, la kam ua kipat êngpauna him him pawt ta ki’hen; Lalpa chu hetna Pathian ahi ngâlah, ama chun I thilbawl dan zosiau a te’tuak sek hi.

1 SAMUEL 2:3 Referans Kwoze

THUPILTE 8:13

Lalpa launa chu thil phalo huatna ahi. Chapona leh kihisakna leh, thil phalo chîngte leh a kalek ah thugente hi, ka huat lam tak ahi.

1 LENGTE 8:39

la chênna vân ah ngaitha’n la ngaidam in, mi tin a lungthim uh la het gual in dit in; mi tin a umdan tawh kigûn chiat in thuk in; nang bep in mihing lungthim la he ngâl a;

THUPILTE 24:12

“Zia hi ka la he’kha dang e!” la ti chun, thinlung bûkpa chun helo ding a hem? La hinna voppa chun zia chu helo ding a hem? Mi tin a thilbawl tawh kigûn in thuk lo ding a hem?

HEBRAITE 4:12

Pathian thu hi a hing ah, thil ahi’thei ah, chemjam hiamtua zosia sâng inle a hiam zaw’n, hinna leh thagau, gutua leh theng kikhen khop hial ah sun thei ahi; lungthim ah ngaitua leh tupte chu a hethei ngal ahi.

THUPILTE 16:2

Mitin in amau lampi chiat dik a sau in; maleh, Lalpa‘n lungthim lam a bûk sek hi.

ISAI 37:23

La simmaw ah la hosiat chu kua a hem? Kua dodâlna ding ah la aw khati sânsak ah, la mit kha khati têt sânten la hem? Israel Mithiangtho dodâlna ahi kha lam!

SAM 147:5

I Lalpau chu a lopi hen, thilhitheina lam ah le nasa tak ahi; a pilna chu tawp nei lo ahi.

SAM 94:4

Amau chun kisathei tak in thu a gen un, a thil phalo bawl zosiau a kisuanpiu hi.

SAM 44:21

Pathian in zia chu ei mudok lo ding a hem? Ama’n lungthim gûk zosia a hesuak ngal a.

JOB LEKHABU 31:6

bûkna dik tak in ei te’ unla, Pathian in ka dik zia he hen!

1 SAMUEL 16:7

Himaleh, Samuel kiang ah Lalpa‘n, “A mêl latdan a hem leh a din sândan in en kin la, zia gual mi chu ka paithâk ahi, Lalpa chun mihingte et dan in a en puai; mihingte chun a paw lam mêl latdan a en sek un, Lalpa‘n vang lunggil lam a en sek hi,” a tia.

THUPUAN 2:23

chuleh, a chate chule that ding ka hi. Kochuam zosia chun keima hi ngaituana leh lungthim zosia enchianpa ka hi ti hun he ta’n au; tichun, la nasep dungzui un hun thuk ta’ng ka.

MALAKI 3:13

Keima demna thu khau tak tak in la gen tau hi, Lalpa‘n a tii. Ahi’n, nang un, “Bang gual bep in ka hun dem tau em?” la tiu a.

DANIAL 5:27

TEKEL chu, Bûkna ah bûk in la um in, la ting zo ta puai;

DANIAL 4:37

Tichun, keima Nebukadnezar in van ah Lalpa chu pâk ah, chawihoi in ja’na ka pia tai: “A thilbawlte chu a dik in, a lampite le vaihawmna dik ahi ngal a; chuleh, kisathei tak ah umte chu a hi’niam thei hi,” ka ti tai.

JEREMIAH 17:10

A umdan dungzui ua thuk ding leh, a nasep gau tawh kigûn ah pia ding in, keima Lalpa hin lungthim chu patep in, ka enchian zing ahi.

ISAI 26:7

Midiktatte lampi chu a nâm ah, Nang Midikpa chun midikte lampi chu, la hi’ngil piak sek hi.

SAM 17:10

A lungthim un lainatna a nei puau; a kam un kihisak tak in thu a gen sek ui.

SAM 31:18

Muk zuauthei kisathei tak leh, engsia tak ah mi diktatte gensete chu, thip bek in um tau hen.

SAM 75:5

kilâm sâng ten kiu inla, chapo tak in thu gen kiu in,” ka ti hen.

JOSHUA 22:22

“Lalpa, pathiante Pathian! Lalpa, pathiante Pathian! Ama’n a henai; Israelte’n le he tau hen! Lalpa kihei mangsan gua ah a chung ah ka hel ziak ua, zia mâichâm hi bawl ka hiu chun, tu’ni ma ma hin ei that gam ziang unla,

VAIHAWMTE 9:38

Ziaphatchun, Zebul in, “Nangma, ‘Abimelekh chu kua a hia a hem a na I sep piak ding uh,’ ti pa; tu’hin la kisuanna kha khoilam tungzo ahi tam? Zia a sepaite khi bangma la ngailote kha hilo maw? Kuan inla, amau haw saw tu’hin vado ta’n la,” a ti piak ta’n.

EZEKIEL 35:13

Kiletsak tak in keima kãl in thu la gen un, lei demna thuu la gen tam ma mau hi; zia zosia chu ka he tai,” a tia.