1 SAMUEL 12:2 - PATHIAN LEKHABU THIANGTHO (BSI)

² Ngai un, la lengpau chun ma a hun pui ta’n; kei ka hileh vang têksia samkâng ka hi tai; himaleh, ka chapate chun a hun umpi zing ui. Ka naupan lai ah kipat in tu’ni chan hi ka hun kaihuai la hiu hi.

1 SAMUEL 12:2 Referans Kwoze

1 SAMUEL 8:5

a kiang in, “Nang la têk ta’n, la chate’n la umchan a zui puau in; namdangte gual ah ka chung ua vaihawm ding leng pakhat ei guat piak in,” a hung tiu a.

1 SAMUEL 8:20

namdangte gual hung hi’ng ka tiu in, ka lengpau chun ka chung un vaihawm intin, ei malat piak in, gâl ei dopi ding ahi,” a tiu a.

1 SAMUEL 8:1

Samuel a hung têk phatin, a cha pawsalte chu Israelte chung ah vaihawm dingin a guat a.

1 SAMUEL 8:3

Himaleh, a chate hin ama umchan zui lo in, amau lawkna ding bep a ngaituau ah; golgûkna a lau ah, diklo tak in vai a hawm tau hi.

KISIMNA LEKHABU 27:17

a ma âng ua chia ding leh lût dingin; amau puidok ah, pui lût dingin; tichun, Lalpa mipite chu chingtu nei lo belam hon gual ah a um ziang lona ding un,” a ti’n.

2 PETER 1:14

I Lalpa Jesu Khrista ei hiatsak gual in, zia ka phokbawk hi chawn mang hun chu tung pai ta’n ah ti ka he ngal a.

2 TIMOTHI 4:6

Kei vang tu’hin le latdaw ah um zing ka hita’n; ka chia hun a hung tung tai.

SAM 71:18

Aw Pathian, ka teksiat ah, ka samkâng hun tiang inle, la hatna thu hi khangthak, hung um nalai dingte zosia kiang ah, ka tâklat masangsia ei nusia kin.

1 SAMUEL 3:16

Himaleh, Eli in Samuel chu a ko ah a kiang in, “Ka chapa Samuel,” a tia. Ama’nle, “Zia hin ka um hi,” ti’n a dawnhu a.

1 SAMUEL 3:13

A chate’n Pathian a gensiatnau hezing ngâl in, a khawlo’nau haisan ding ah a hil lo ziakin, a In sung chu kumkhua’n gawt ding ka hi, ti ka la hilsa ahi tai.

1 SAMUEL 2:29

Bang dingah ka thupiak dungzui ah ka mipi Israelte kithoina leh thillatte chu enlâ nalai ah, la chate kivâk thauna ding chu keima sâng ah ngaikhawk zaw la hi em?’

1 SAMUEL 2:22

Ahi’n Eli chu a têk ma ma tai. A chate’n Israelte zosia chung ah a thilbawl dan uh leh kikhopna biakbûk kotkhak bul ah numei a la luppi danteu haw zosia le a he suak a.

1 SAMUEL 3:10

Ziaphatchun, Lalpa a hung ah, zia tak ah chun a hung ding ta’n; tu’ma lam ah a hun ko gual khan, “Samuel, Samuel!” ti’n a hun ko kit a. Samuel in a dawnhu ngâlah, a kiang in, “Gen in, la suak hin ka la ngai thai,” a tia.

JOSHUA 23:1

Lalpa‘n Israelte chu a kîmvêl ua a mêlmateu ah kipat gâl muang tak ah kum sawt tak a umsak zaw phatin, Joshua chule a hung upa ta’n, a têk ma ma ta’n;

JOSHUA 23:2

tichun, Joshua’n Israel mipi zosia, a upateu leh a Inkuan tin luchangteu, a vaihawmteu leh a hotuteu zosia a ko khawm ah, a kiang un, “Keima ka upa ta’n, têk le ka têk ma ma tai” a ti’n;