1 SAMUEL 10:6 - PATHIAN LEKHABU THIANGTHO (BSI)

⁶ Ziaphat chuleh, Lalpa thagau in hun man intin, amau chu tawh thagau chang khawm ta’n la tin, mi danglam tak hung suak ta’n la.

1 SAMUEL 10:6 Referans Kwoze

1 SAMUEL 10:10

Zia mun ah kipat chu Gibeah khua a hung tun phat un, jawlnei hon khat in a hun kituakpiu ah; tichun, Pathian thagau in a man ah, jawlnei dangte chu tawh thagau a chang khawm chiat tau a.

KISIMNA LEKHABU 11:25

Tichun, Lalpa chu sûm lak in a hung suk ah, a kiang in thu a hun gen ta’n; chuleh, a chung ah thagau khen khat chu a ladok ah, upa sawm sagite chung in a koi ta’n; chuleh, a chung ua thagau a um phatin thu a genlawk tau ah; ahi’n la, zia gual chun a gen kit ta puau hi.

1 SAMUEL 16:13

Ziaphatchun, Samuel in sathau bûk sakî chu a hun la, a suapite mit mu ah chun sathau a nu’ tai; zia ni kipat chun Lalpa thagau a chung in a hung um ziang tai. Tichun, Samuel le a kipandok ah Ramah lam in a chia kit tai.

VAIHAWMTE 14:6

Lalpa thagau in a hun thuam ah, pawsal hat tak in kêlno a puaitel gual mai in, a khutngawn in sakeibaknei chu a puaitel ta mai ah. Himaleh, a thilbawl chu a nu hileh, a pa hileh bangma a hil puai.

VAIHAWMTE 3:10

Lalpa thagau a chung in a um ah, Israelte chung in vai a hawm tai; gâl do in a kuandok ah, Lalpa chun Aram ah lengpa Kushan-rishathaim chu a khut in a pia tai; chuleh, a khut in Kushan-rishathaim chu a zo tai.

MATTHAI 7:22

Zia ni tak chuleh mi tam tak in, “Lalpa, Lalpa, la min in thute ka gen sek in, la min in thithate ka deldok sek in, la min in thilmak tam tak le ka hisek hilo a hem?” a la ti’n au.

KISIMNA LEKHABU 11:17

Hung suk ing ka tin, zia tak ah chun nangma hun ho ding ka hi; chuleh, nangma ah thagau um chu la khen ing ka tin, amau chung ah le koi ing ka; tichun, amau in mipite puakgik hun puakpi intiu in, nangma ngen in puakgik paw ta pua’n la.

KISIMNA LEKHABU 11:26

Giamun ah chun mi pani a um den un, khatpa min chu Eldad ahi’n, khatpa min chu Medad ahi; a chung un thagau a hung um ta’n, a min kikhumte lak ah pang himaleu, biakbûk ah pawtdok lo a, giamun ah thugen a la hiu a.

KISIMNA LEKHABU 11:29

Ahi’n, Mosi’n a kiang in, “Ka thasâng ah amau chu thangsia la hem? Lalpa mipi zosia hi jawlnei hiu hen la, a leng ua chung in Lalpa‘n a thagau koi chiat leh I ti’siat tawh!” a tia.

1 SAMUEL 10:9

Samuel nusia ding ah Saul a kihei mang zaw phatin, Pathian in lungthim chuam pakhat a hun pia ta’n; chuleh, zia teptênate haw zosia chu a hung bukim tai.

1 SAMUEL 19:20

ziaphatchun, Saul in David man dingin mi a sawl ah. Samuel makaina a kiang ah jawlnei um zosia chu Thagau ah a dim lai tak uh a vamu phât un, Pathian Thagau in Saul mi sawlte chule a hun man ta mai a.

VAIHAWMTE 15:14

Chun, Lehi khua a hung tun phat un, Philistinte chu kipak ma ma ah kiko in, amau dawn dingin a hung kuan tau a; chuleh, Lalpa thagau in a hun thuam ah, a khut a kânnau khauhualte chu mei in a kâk tan gual mai in a jetan tan; a khut ah thikkhaute chule a tuitha zo ta mai a.

1 SAMUEL 11:6

Saul in zia thu chu a het phat in, Pathian thagau chu hat tak in a chung in a hung tung ah, a lungna ma ma ziang ta’n.