1 PETER 5:8 - PATHIAN LEKHABU THIANGTHO (BSI)

⁸ Pilvâng tak in chingthei un; la mêlmau Diabol chu sakeibaknei kitum gual in a nêk ding hawl in a vâk vêl vêl hi.

1 PETER 5:8 Referans Kwoze

EPHESA 6:11

Diabol tawh kidona chu la zaw theina ding un, Pathian gâlvan bukim in kivan un.

JAKOB 4:7

Tichun, Pathian kiang in kitulut un. Diabol chu dodâl un, tichun hun jamsan in a.

JOB LEKHABU 2:2

Lalpa chun, Setan kiang in, “Khoi lam ah kipat hung la hem?” ti’n a dong a. Setan in Lalpa kiang in, “Lei chung ah ka vâk tawl tawlna lam leh, ka vâk suk ka vâk tona lam ah hung kipan ka hi,” ti’n a dawnhu a.

EPHESA 4:27

Diabol chu panmun pekiu in.

1 PETER 1:13

Ziaziakchun, nasem dingin la lungthim uh kisazo unla, kisawizoi un; Jesu Khrista kilâk phat leh hepina hung tung ding chu lungthuai lo in kineppi zing un.

1 PETER 4:7

Himaleh, thil zosia tawpna chu a nai tai, ziaziakchun, la pauchap theina ding un lungthim dik tak pu’n chingthei un.

LUKA 21:36

Kiging zing unla, zia haw zosia chu la pumpel ua, Mihing Chapa âng ah la din theina ding un pauchap zing un, a tia.

LUKA 22:31

Lalpa chun, “Simon, Simon, ngaitia, Setan in bungel ah a hun ngel theina ding a hawl hi,

TITA 2:12

zia chun Pathian ngaisak lona leh khawvel nopnate nusia ah, kisûm ah, diktat ah, tu’lai khawvel ah hin Pathian ngaisak ding leh,

THUPUAN 12:12

Ziaziakchun, nanghaw vante leh a sung ah umte haw, kipak un; chuleh, lei leh tuisuagiat ah chêngte chung chu a gik hi! Diabol chun hun chomcha bep nei ahi ti a kihiat tâk ziakin, lungna tak in lei lam ah a hung suk tai,” a tia.

JOHAN 8:44

La pau diabol mite la hiu in, la pau doigual bawl la nuam ui. Ama chu a lim ah kipat tualthat ahi’n, thu tak in a um ngai puai; ama ah chun thu tak him him a um puai. Zuau a gen tak leh ama mizia dungzui in a gen sek a; ama chu zuauthei ahi’n, zuauthei te pa le ahi.

MATTHAI 13:39

Mêlma a la the’pa chu diabol ahi’n, bulâk hun chu khawvel tawpna chu ahi; a âtte chu vansawlchâkte a hiu.

THUPUAN 12:9

Dragon lian, zia gulpitêk Diabol, Setan kiti, khawvel ah mi zosia thêmpa chu lei lam ah a nawtha tau a; chuleh, a sepaite le a nawtha khawm tau hi.

MATTHAI 24:42

Ziaziakchun, kiging zingin um un; la Lalpau chu bangtik ah hung ding ahi la hepaw ngal un.

THUPUAN 20:10

Amau thêm zotu Diabol chu, sahâng leh jawlnei lêm a pailutnau mei leh kât ah kang meidil ah chun a pai lut tau a: Zia tak ah chun kumtuang in gim thuak in um ta’n au.

LUKA 21:34

La lungthimteu chu nêk papna leh zu duna leh, zia khawvel dam sung ngaituanate ah la kisukbuai lai tak ua leh, la kigin lo lai tak ua a hung tun phut ziang lona ding in, kiging zing in um un.

ZEKARIAH 3:1

Chuleh, thiampu lianpen Joshua, Lalpa vansawlchâk âng ah ding leh, ama dodâl ding Setan chule a changlam ah ding chu ei etsak a.

TITA 1:8

mi lopdan thiam, a phalam dawi, ama kithuzaw mi, midik, mithiangtho leh mi kisûmthei;

2 TIMOTHI 4:17

Himaleh Lalpa‘n ei dinpi in, ei hi’hat a; chutia, keima ziak ah chanchinpha gen kim ah um ding leh, Jentelte zosia’n a hettheina ding un. Tichun, sakeibaknei kam ah kipat hukdaw in ka um tai.

AMOS 3:8

Sakeibaknei kitum lau lo kua a hem um ding? Lalpa Pathian in a gen ta’n, kua a hem îm thei ding?

TITA 2:6

Zia gual ma chun pawsal khanglaite chule kisûmthei dingin thu hil in.

TITA 2:2

Upate chu kisûm ding, ja’um, a hun tiang he, ginna dik tak nei, hepina leh thok-hatna nei ding in;

HOSEA 11:10

Sakeibaknei gual ah kitum Lalpa chu hun zui ta’n au; a hung kitum phat leh a chate chu, tumlam ah kipat in lau ah kithing kawm in hung in au.

ISAI 50:8

ka chung ah vaihawmtu chu a nai hi. Kua a hem ei nial thei ding? Kua la hiu em ei nial ngam? Hung un kimaitua hitiu. Ei hun he him him tiam un.

THUPILTE 20:2

Lengpa lungnatna chu sakeibaknei kitum gual ahi’n; kuale a chok lungna taphot chun a hinna chân in a.

SAM 104:21

Sakeibaknei vanglaite’n, samat ding hawl in a ngîk un; Pathian ah kipat nêk ding a hawl sek ui.

1 TIMOTHI 2:15

Himaleh, ginna leh hepina leh thianthona ah, a kilawm bep ah a um chun, ama chu nau hin ziakin hukdam hi’n a.

THUPUAN 20:2

Dragon, gulpitêk, Diabol leh Setan a tiu chu a man ah, kum sâng khat sung â dingin a kân tawm a.

TITA 2:4

amau inle, numei khangdawng nalaite chu a pawsalteu hepi ding leh a chateu hepi dingin,

1 TIMOTHI 3:11

Zia gual ma chun a jiteu le mi titak, mi gensiat chîng lo, kisûm thei, bangkim ah ginum ahi diu ahi.

JOEL 3:16

Zion ah kipat in Lalpa a kiko ah, Jerusalem ah kipat in aw a sua hi; tichun, lei leh vante chu a kilîng ui. Himaleh, Lalpa chu a mite â ding ah kisêlna ahi’n, Israel mipite â ding ah kulpi sâng ahi.

1 TIMOTHI 2:9

numeite chu a hun bepcha leh nîk leh puan kilawm tawk tiang bep in kivan uh hen; samphêk a hem, tuikep suang a hem leh puan man tam tak tak a hem ah kijem lo in,

MATTHAI 4:1

Ziazaw chun, Jesu chu diabol thep ah um dingin gamthip ah Thagau pui lût in a um ta’n.

HOSEA 13:8

Savom no kiluak gual in amau chu man ing ka tin, a lungchang tuamnau chu puai thêk piak ing ka; sakeibaknei in a nêk zaw gual in, amau chu val zo ing ka tin, gamsa’n a puaitel gual in hun puaitel ding ka hi.

1 TIMOTHI 3:2

Chutichun, kochuam hotulian chu dem kâi lo, ji pakhat nei, kisûm thei, lungthim navak, mi ja’um, mi lop thiam, mi hil thiam;

MATTHAI 25:41

Chun, ah veilam ah umte kiang ah chun, nanghaw hânsedawlte haw, diabol leh a sawlchakte â ding ah kiguanggal kumtuang meipi lam ah chun chia tau in;

MATTHAI 4:11

Ziazaw chun, diabol chun a nusia ta’n; vansawlchâkte a hung un, a na a hung sep piak tau hi.

AMOS 3:4

Gammâng ah sakeibaknei in mat ding nei lo in, bangti’n kitum ding a hem? Bangma that lo in sakeibaknei vanglai a kul sung in, a mawk ngîk ngai em?

DANIAL 6:24

Lengpa thupiak in, Danial hêk ah pangte zosia kha, a jiteu, a chateu tawh sakeibaknei kul sung in a pai lut tau a. Kul sung ah tual chu man lo in, sakeibakneite chun a guu leh a chângteu a puaitel zo tau hi.

EZEKIEL 22:25

A sung ah miliante chu, sakeibaknei in a sa nêk ding puaitel ah ngîk tawhbang a hiu; mihing a ne zo un, go thil lûl zosia a kilâk un; a sung ah mi tam tak a meithâisak ui.

THUPILTE 19:12

Lengpa siatsona chu sakeibaknei kitum gual ahi’n, a doisakna ahileh vang hampa chung ah dâi kia gual ahi.

ESTHER 7:6

Esther in, “Ka kilanpiu leh ka mêlmapau chu zia migilo Haman hi ahi!” ti’n a hun dawnhu a. Ziaphatchun, Lengpa leh Lengnu âng ah chun lau in a kithing ta.

VAIHAWMTE 14:5

Ziaphatchun, Samson chu a nu leh pa tawh Timnah khua’n a chia suk tau a. Timnah mun ah grep huan khat a hung tun phatin, sakeibaknei pakhat in a la ngîk ta mai a.

ZEKARIAH 11:3

Belampute lopina suam a hiziak ah, a kâ thawm uh chu ngai un! Jordan gammâng suksiat ahi tâk ziak ah, sakeibaknei kitum git chu ngai un!

EZEKIEL 19:7

A kulpiteu a phia’n, a khawpiteu a susia gam tai; a ngîk git lau ziakin gam leh, a sung ah chêng zosia lau in a lungdong zo tau hi.

JEREMIAH 51:38

Sakeibaknei gual in kitum khawm intiu in, sakeibaknei note gual in ngîk ta’n au.

JEREMIAH 2:15

Sakeibakneite’n a ngîk un, ngai tak in a hâm khum tau hi. A gam uh a hisiat piak tau a, a khawpiteu chule suchim in, kuama a chêng ta puau hi.

SAM 109:6

“Amau kãl dingin migilo guat inla, a changlam in hêktu dinsak zing in.

AMOS 1:2

Amos in: “Zion tâng ah kipat in Lalpa a kitum ah, Jerusalem ah kipat in a aw a sua hi; Belam chingte gan tatna hambuk a vuai in, Karmel tângvûm chu a keugawp tai,” a tii.

THUPILTE 28:15

Migentheite chung ah vaihawmtu gilo chu, sakeibaknei hâm leh savom hâng mi del tawhbang ahi.

MARKA 4:15

Lam pâm ah kethate chu ziate hi a hiu: Thu chu amau ah the’ in a um ah; himaleh, thu chu a het phat uh leh Setan chu kin tak in a hung ah, a lung sung ua thu kithe’ chu a hung lâkmang piak ta sek hi.

2 KORINTH 2:11

Chutilochun Setan in lemchâng mu kha’n ah, a dawha chu la I hemaw pawngal un.

THUPUAN 12:10

Chun, van ah kipat aw ngai tak ka he: “Tu’hin a hung tung tai; I Pathian Hukdamna, thilhitheina leh, a Khrista thuneina’n; I suapite hêkpa, I Pathian ma ah sûn leh jan ah amau hêkpa kha, paithâk in a um tangal in.