1 PETER 5:5 - PATHIAN LEKHABU THIANGTHO (BSI)

⁵ Zia gual ma chun, khangdawng nalaite haw, upate nuai ah kitulut un. Ahi, la leng un na kiseptua piak chiat dingin thunuaigolna’n kivan unla: “Pathian in kiletsakte chu a dodâl in, kingaitawmte vang hepina a pesek hi,” ti ahi ngal a.

1 PETER 5:5 Referans Kwoze

JAKOB 4:6

Himaleh, hepina tam zaw diak a pesek hi; ziaziakchun, “Pathian in mi kilestsakte a do in, mi kingaitawmte chu doisakna a pesek hi,” ti ahi.

THUPILTE 3:34

Mi nuaisiate chu a nuaisia sek in, mi kingaitawmte chu a doisak sek hi.

EPHESA 5:21

Khrista la jana ziak un, nanghaw le kilutcha tua chiat un.

ROMTE 12:10

Unau kihepina tak tak chu nei in, nunnem tak in kingaina tua chiat unla; kijatua dan thiam tak in um khawm chiat tau in;

PHILIPPI 2:3

Kikhenna ding a hem, kilopisakna ziak a hem ah bangma bawl lo in, mi zosia’n kingaitawm tak in, ama sâng ah mi dang phazaw’n guat chiat uh hen.

KOLOSSA 3:12

Chutichun, Pathian mi têl, mithiangtho leh doitakte gual in lainatna lungthimte, hepinate, kingaitawmnate, thunuaigolnate leh thok-hatnate chun kivan tau in;

ISAI 66:2

Zia zosia hi ka khut in a bawl ahi, zia gual tho ah chun zia thil zosia hi kei â ahi, Lalpa‘n a tii. Himaleh, kingainiam ah, lungthim ah thasia ngawi ngawi leh, ka thu lau ah kithingte chu ka hawl ahi.

ROMTE 13:14

Lalpa Jesu Khrista ah chun kithuam zawu inla, taksa utna te pitin dingin bangma bawl kiu in.

1 PETER 4:5

Amau chun mihing leh mithite vaihawm piak ding ah kisazosa kiang ah chun kipuang in au.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

HEBRAITE 13:17

La hotuteu thu mang unla, a nuai un kitulut un; amau in la thagau uh hun vêng bit ah, la chanchin uh hil ding ahi ngal un. Zia chu kipak tak leh thatho tak in sêm zawu hen, achutiloleh, nanghaw â dingin khawk zaw ding ahi.

THIAMPUTE LEKHABU 19:32

Têksete leh la sâng ah upa zaw te la jabawl ah, la Pathian la lau ding ahi: Keima hi Lalpa chu ka hi.

1 PETER 4:1

Chutichun, Khrista chun taksa ah a thok ziakin, nanghaw le zia gual lungthim ah chun kivan un; (taksa’ thuak ta chun gitlo a haisan tangal a.)

SAM 132:9

La thiampute dikna’n kivan uh hen la, la mi ginum chu kipak in kiko hen.

JOB LEKHABU 29:14

Dikna puan in ka kithuam ah, ei cheimawi un; ka thudikna chu puanâk chual leh, dialkop in ka mang hi.

JOB LEKHABU 22:29

Mite tawden ah a um phat ua leh, a kiletsak ziak ahi la tiu ah; mi kingainiamte ama’n a hukdok sek ngâl a.

ISAI 61:10

Lalpa ah chun nasa tak ah kipak in, ka pumpi’n ka Pathian chawihoi ing ka; ama’n hukdamna puan in ei thuam in, dikna puan ei khû ta’n, pâkkhi vui ah mopa a kithuam gual leh, mo chu sana kijem gual in, ei jem ta’ngal a.

2 KHANGTHU 6:41

Tu’hin, Aw Lalpa Pathian, nang leh la hatna thuthung thingkuang hi tawh, la umna mun ah kipat in hung thodok ta’n. Aw Lalpa Pathian, la thiampute chu, hukdamna puan in kithuam tau hen; la mi ginumte chu, la phatna ziakin lim tau hen!

SAM 132:16

A thiamputeu chu hukdamna’n thuam ing ka tin; a mi ginumteu chu lim in kiko in au.

SAM 138:6

Lalpa chu sâng tak in um maleh, mu tawm ah umte chu a ngaitua sek hi; michapote vang gamla tak ah kipat in a muchian hi.

EZEKIEL 26:16

Ziaphat chuleh, tuisuagiat pang ah lal zosia’n a lalchutphau nusia’n, a lalpuanteu leh puanjem hoi takte liptha’n, lau ah kithing in lei tual ah kitung ta’n au; kithing den intiu in, mak hun sa’n au.

LUKA 22:26

Nanghaw vang zia gual ah chu la umlo diu ahi; la lak ua a lopi pen ding chu, a naupang pen gual ah a um ding ahi; a lalpen ding chu a nasem pen ah a pan ding ahi.

1 TIMOTHI 5:1

Upate chu vau thaw kin la, pa gual in hil zaw’n; tangval zaw te chu suapite gual in;

1 PETER 3:8

A tawp pen in, la leng un lungthim munkhat nei in, kilainattua leh suapite kihepina leh thunuaigolna nei in um un.

THUPILTE 25:7

mi ja’umte âng ah hi’niam ah la um sâng in, “Zia lam ah hin hung to in,” ti ah ko’na chu nang â dingin a phazaw ngal a.

DANIAL 11:12

Mi tam tak sal ah a pui mang lai in, a lungthim in kiletsak ma ma intin; chuleh, a mun sâng sawm sang za tawden ta’n a; himaleh, gual zo zing diak pua’n a.