1 PETER 4:7 - PATHIAN LEKHABU THIANGTHO (BSI)

⁷ Himaleh, thil zosia tawpna chu a nai tai, ziaziakchun, la pauchap theina ding un lungthim dik tak pu’n chingthei un.

1 PETER 4:7 Referans Kwoze

1 PETER 1:13

Ziaziakchun, nasem dingin la lungthim uh kisazo unla, kisawizoi un; Jesu Khrista kilâk phat leh hepina hung tung ding chu lungthuai lo in kineppi zing un.

1 PETER 5:8

Pilvâng tak in chingthei un; la mêlmau Diabol chu sakeibaknei kitum gual in a nêk ding hawl in a vâk vêl vêl hi.

2 TIMOTHI 4:5

Nang vang chingthei tak in umzing in, haksatnate thuak inla, chanchinpha gen in pang zing inla, la nasepna chu mualsua ta’n.

LUKA 21:34

La lungthimteu chu nêk papna leh zu duna leh, zia khawvel dam sung ngaituanate ah la kisukbuai lai tak ua leh, la kigin lo lai tak ua a hung tun phut ziang lona ding in, kiging zing in um un.

HEBRAITE 10:25

Mi khenkhatte gual in I kikhopnateu haisan lo in, kitîlhat tua chiat hitiu, ni chu a nai tai ti la het ua leh kitîlhat tau in.

KOLOSSA 4:2

Pauchap zing unla, kipak thu gen kawm in ngâk zing un.

TITA 2:12

zia chun Pathian ngaisak lona leh khawvel nopnate nusia ah, kisûm ah, diktat ah, tu’lai khawvel ah hin Pathian ngaisak ding leh,

EZEKIEL 7:6

Tawpna a hung tung in, a tawpna a tung tai. Nang kilanpi dingin a hung tho hi; en in, a hung tung hi!

ROMTE 12:12

Kinepna lam ah chun kipak tak ah um in; thokna lam ah chun thuakzo tak in; gunchu tak in pauchap zing un.

PHILIPPI 4:5

La nunnemnau chu mi zosia hiat hi hen. Lalpa chu a nai tai.

LUKA 22:46

“Bangatia, ipmu la hiu em? Hung tho unla, thepna la lut lona ding un pauchap un,” a tia.

THUPUAN 16:15

(Ngai un, gucha gual in ka hung hi. Kuale kiging zing ah umte leh puanchêng zingte chu mi hampha a hiu. A la kiginglote chu ngawnchang in um intiu in, mualpho in au.)

1 PETER 3:7

Pawsalte haw, zia gual ma chun, numei chu bêl kêk vak zaw leh, hepina hinna gochanpite a hiu hezing kawm in chawihoi un; tichun, la pauchapnateu dâl in umlo ding ahi.

EPHESA 6:18

Thagau ah chun pauchapna leh dotna zosia’n huntin in pauchap un. Zia ding ah chun, mithiangtho zosia â dingin phatchuamngai tak thuak zo tak ah don in hu’ngai zing un.

1 KORINTH 15:24

Vaihawmna zosia leh lalna leh thuneina zosia a suksiat zaw phat leh lenggam chu, Pa Pathian kiang ah pedok ta’n tin, ziaphat chuleh, tawpna chu tung ta’n a.

1 KORINTH 7:29

Suapite haw, hun a chom tai ka ti’na ahi; tu’kipat in ji neite chun a neilo gual in um uh hen la,

MATTHAI 24:42

Ziaziakchun, kiging zingin um un; la Lalpau chu bangtik ah hung ding ahi la hepaw ngal un.

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

LUKA 21:36

Kiging zing unla, zia haw zosia chu la pumpel ua, Mihing Chapa âng ah la din theina ding un pauchap zing un, a tia.

MATTHAI 25:13

Zia gual chun, kiging zing in um un, Mihing Chapa hung ding ni leh, a hun ding bangma la he pawngal un, a tia.

THUGENTU 7:2

Luaithe’na In ah chia sâng in, lusûnna In ah chia a pha zawi; zia chu mi zosia tawpna ding ahi ngal in; zia chu hing leh dam ah um zosia’n, lung ah gêl ding chu ahi.

THILSIAM THU 6:13

Pathian in Noah kiang in, “Taksa zosia subei ding ka hi tai, amau haw ziakin lei chung hi kipawngbawlna’n a dim ah; ziate ziak ah chun, a leisiat natiang hile susia khawm ding ka hi.

HEBRAITE 9:26

Chuti hiloleh, khawvel kisiam tîl ah kipat tam veipi thuak ta ding ahi’n; himaleh, hun tawp lam ah hin gitlo sukmanna dingin ama ngei chu khatvei thu’n a hung kipe ta ahi.

THILSIAM THU 19:35

Zia jan ah chunle a pau chu uain a dawn khamsak kit tau ah; a naunu chu tho in, a pa kiang ah chun a valum ta’n: a pa chun a valup lam leh a thawdaw kit lam chule a he diak puai.