1 PETER 4:4 - PATHIAN LEKHABU THIANGTHO (BSI)

⁴ Ziate ah amau nopsak bawl gual ah la bawl tâklo uh hi mak a sau ah, a hun gensia sek uh ahi.

1 PETER 4:4 Referans Kwoze

1 PETER 3:16

Nunnem leh ja um tak ah um in, sia leh pha hetna chîm tak nei unla, nang uh hun gensete’n Khrista ah la umdan uh phat ziakin mualpho in au.

1 PETER 2:12

Jentelte lak in mêlpha tak in um un; chutichun, hi’khelna nei gual in hun gensia maleu, kanthâkna ni phat leh la thilbawl phat uh a mu ziak un, Pathian chawihoi in au.

NASEPTE 18:6

Amau hawn dodâl ah, a gensiat phat un, Paul in a puan ah kipat leivui thingtha’n, a kiang un, “La thisan uh chu la chung un um hen! Kei ka hileh ka thiang hi. Tu’ ah kipat hin Jentelte kiang in chia ta’ng ka,” a tia.

JUDA 1:10

Ahi’n la, zia mite hin chu a het lo taphot uh a gensiau ah, ngaituana nei lo ganchate gual ah hetna pianpi a neiteu chun a susia sek uh ahi.

NASEPTE 13:45

Ahi’n, Judate chun mipite chu a mu phât un, itsikna’n a hung dim tau ah, Paul thugente chu a hilo lam lam ah hun nialkãl in, a demsiau a.

2 PETER 2:22

Zia thupil hi a chung un a dik ma ma hi: “Ui a luak lam in a chia kit hi,” ti leh, “Vokpi kisil thiangsa le buanthuak lak ah, kibual dingin a chia kit hi,” ti hi.

2 PETER 2:12

Himaleh, ziate hin thil a hetloteu chu a gensia sek ui. Amau chu ngaituana bei gancha, mat ah hi’bei kit ziang ding gual chu a hiu hi; ganchate gual in mangthai in au.

ROMTE 13:13

Sûn ah khawsa gual ah pha tak in um hitiu; zudawn buai leh zukham ah umlo in, hûk leh kidoicha umlo in, kina’ leh kithangsia umlo in;

LUKA 15:13

Chomkhat zaw in, a chapa neuzaw chun a chan ding zosia lakhawm in, khual gamla tak in a chia ta’n; kinoptel tak in a um ah, a nei zosia chu a sumang zo tai.

EPHESA 5:18

Zukham in um kiu in; zia ah chun kisûm lona a um sek hi; zia sâng ah chun Thagau in dim zaw tau in.

MATTHAI 23:25

Nanghaw, lekhazikte leh Pharisai miphalêmte haw, la chung uh a gik hi! No leh kuangte a paw lam la nawt thiang ua, a sunglam chula du-âmna leh kisum lona’n a dim ngal a!