1 PETER 4:3 - PATHIAN LEKHABU THIANGTHO (BSI)

³ Jentelte doigual hinna: Hûkna, taksa nopna, zukhamna, zumun limna leh ki’dak um tak ah milim honate, tu’ma lam ah te kha hun ta hen.

1 PETER 4:3 Referans Kwoze

1 KORINTH 6:11

Nanghaw lak ah khenkhat zia gual mi chu la hisek un. Himaleh, Lalpa Jesu Khrista min leh, I Pathian Thagau ah chun silthian la hitau ah, hi’thiantho leh thiam chang la hitau hi.

EPHESA 5:18

Zukham in um kiu in; zia ah chun kisûm lona a um sek hi; zia sâng ah chun Thagau in dim zaw tau in.

1 THESSALONITE 4:5

Pathian helo Jentelte gual ah hûk pan lo in,

1 PETER 1:14

Cha thumangte gual in, la hetlo lai ua la nopnateu ah um talo in;

GALATIA 5:21

ênna, tualtha’na, zukhamna, kinoptelna leh zia tawhbang haw hi. Zia gual thilbawl chîngte chun Pathian gam lua pua’n au, tia ka hun hilkhol gual ah khan ka hun hil kit la hiu.

GALATIA 5:19

Tu’hin taksa nasepte chu a kilang tai; ziate chu zia hi ahi: Ângkawmna, tatsualna, buakna, hûkna,

EZEKIEL 45:9

Lalpa Pathian in zia gual hin a gen hi: Aw Israel lengte haw, a hun tai! Hiamngamna leh kihi’gentheina haisan unla, diktatna leh thudik in vaihawm tau in; ka mite a gam ua kipat nawdok ta kiu in, Lalpa Pathian in a tii.

JUDA 1:4

Mi kuate a hem a gûk in la lak un a hung lut un, amau chu malai ah kipat thiamlo chang ding ah guatsa, Pathian ngaisak lo mi, I Pathian uh hepina chu hûkna chansakte leh I Hotuu leh I Lalpau, Jesu Khrista kihiatlosakte a hiu hi.

NASEPTE 17:30

Pathian in I mawllai hunteu ah ei ngaithiam ah; ahi’n la, tu’hin gamtin ah mi zosia chu lunghei dingin thu a pia ta ahi;

EZEKIEL 44:6

Mi thukhelte Inkuan, Israel Inkuante kiang in zia gual hin gen in: Lalpa Pathian in zia gual hin a gen hi, ti’n la: Aw Israel Inkuante haw, la thilbawl ki’dak um takteu hi haisan tau in,

ISAI 28:7

Amau hinle uain a dawn kham un, zukha kham in a hoi dong dong ui; thiampu tawh jawlneite’n le zukha a dawn kham ui. Uain dawn ziakin a ngaituanau a buai zo ta’n, zukha dawn kham ziakin a hoi dong dong tau hi; a kilâkna muu le a dik ta pua’n, a thutannau in a kisui tau hi.

TITA 3:3

Eihawle malai ah khan mingol tak, thu awilo, thep zaw ah um, gilo leh mitthîp hatte, huat ah um leh kihawtua ah umte I la hiu a.

2 KORINTH 12:21

Ka hung kit phat leh ka Pathian in la lak un ei himualpho khan tin, tu’ma lam ah thilhikhialte lak ah thilbuak hi’te, jawntatte leh hûk chîng ah haisan gaw lo mi tam tak chu kâ khum kha’ng ka ti le ka lau hi.

1 KORINTH 12:2

Pathian awi lo la hi’lai uh khan, thep ah um in milim pau theilote lam ah puiman la hiu kha la hiau hi.

ROMTE 13:13

Sûn ah khawsa gual ah pha tak in um hitiu; zudawn buai leh zukham ah umlo in, hûk leh kidoicha umlo in, kina’ leh kithangsia umlo in;

MARKA 7:22

thanhuainate, du-âmnate, phatlonate, mithep nopnate, huknate, kisaktheinate, mi demsiat nopnate, ngolnate haw hi a hung pawt sek hi.

JEREMIAH 16:18

A milim ki’dak um takteu luang chun ka gam a pum ah a la sukpolche tak ziak uh leh, ka gochan chule a ki’dak umnau ah a la sundim tak ziak un, a khawlonau leh a gitlonau chu a le’ni in thuk ding ka hi.

ISAI 65:4

thân ah kitungden in, thoimual tincheng ah jan khawvak vak ah umte a hiu a; voksa a neu ah, a bêl sung un thil ki’dak um tincheng, a huan khawm sek un;

ISAI 5:11

E he, nang uh zudawn ding ah jingkal matak ah tho ah, nitâk jan sawtpi pi zudawnna chêngthuak den sekte;

2 KHANGTHU 15:8

Oded chapa Azariah thugente chu Asa in a het phat in a hung kihân sak ah; tichun, Judah leh Benjamin mite gam sung leh Ephraim Thingtâng gam ah khawpi a luanau zosia ah kipat in, milim ki’dak um haw zosia chu a chomdok thiang kei a. Chuleh, Lalpa In mai jawn ah Lalpa mâichâm a la chimsa chule a siampha kit tai.

1 LENGTE 21:26

Lalpa‘n Israelte masang ah a la nawdawsa Amor mite’n a la bawl gual un, ama’n milimte nung a zui ah, polche tak in thil a la bawl ta ahi.)

2 SAMUEL 13:28

Ziaphatchun, Absalom in a suakte chu thu a pia’n, “Amnon zukham ah lim tak ah a hung um hun chu a la entha zing unla; chuleh, keima’n la kiang ua, ‘Amnon chu sat un,’ ka hun ti phat leh ama chu la tha ziang diu ahi. Lau kiu in; keima thu hun piak hilo a hem? Hang tak leh kipawsalsak tak in um un,” a tia.

JEREMIAH 16:11

a kiang un zia gual hin la gen ding ahi: “La pu leh pateu in ei nusia in pathian dang zui in, a na sêm in, a la ho tau a; keima ei taisan in, ka dante le a zui ta puau hi, Lalpa‘n a ti’n;