1 PETER 4:17 - PATHIAN LEKHABU THIANGTHO (BSI)

¹⁷ Vaihawmna chu Pathian Inkuan ah pat a hun ta ngal a; eimau ah pat masak ahi chun, Pathian chanchinpha awilote tawpna chu bang gual a hita diam?

1 PETER 4:17 Referans Kwoze

JEREMIAH 25:29

En un, ka min pu khawpi ngei ah siatna tung ding chu ka pan ta hen, bangti’n gawtna pêl thei ding la hem? Gawt lo in suakcha pua’n la; lei chung zosia ah chêngte chung ah tung ding chemjam chu ka ko ta’ngal in, sepai honte Lalpa‘n a tii.

2 THESSALONITE 1:8

Pathian helo mi leh I Lalpa Jesu chanchinpha ginglote chung ah phuba a lâk ding chu;

EZEKIEL 9:6

A têk, a khang, numei leh naupang, a leng un that gam unla, tepte’na nei cheng vang khoikha kiu in. Ka mun thiangtho ah chun that pan un,” a hun ti’n. Tichun, tempul In mai tual ah upa vaihawmte lak in a hun that pan tau a.

1 PETER 2:8

Chuleh, “Zia suang chu a kipalnau leh, a kipûknau suangpi a hung suak tai”. Thu chu a matlo ziak un, a kipalpâi tau hi; zia gual ding mawng ah chu guat a la hi tangal a.

ROMTE 2:9

Thil gilo bawlte chung in lunggimna leh beidonna Judate chung ah tung masa’n tin, ziazaw chuleh Jentelte chung ah tung in a;

LUKA 23:31

Thinghing lai bawn zia gual tak ah hi a bawl ua leh, a keu vâng vâng chu bang bep a hun law ta ding awm?” a hun tia.

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

AMOS 3:2

Khawvel ah Inkuan zosia lak ah, nang uh bep hi ka het la hiu in, ziaziakchun, la dukdaklo’nau zosia ziakin hun gawt ding ka hi.

ISAI 10:12

Lalpa‘n Zion tâng leh Jerusalem chung ah a thilbawl ding cheng a bawl zaw phat leh, Assuria lengpa kisaktheina leh kiletsak takah a kilopisak ziakin hun gawt ding ka hi.

HEBRAITE 5:9

Chutichun, sukbukim ah um in, a thu awi tapote â dingin kumtuang hukdamna siampa,

HEBRAITE 2:4

Pathian in tepte’na leh thilmak chi chuam chuam leh, ama’n pha a sak dungzui ah Thagau Thiangtho thilpiakte chu a piakbe nalai a.

HEBRAITE 2:2

Vansawlchâkte mang ah thu kigen kha bawn a det ah, bawsiatna leh thu awi lona zosia thukna dik tak a mu têi sek ua leh,

GALATIA 5:7

Pha tak in la tai un; thutak chu zui lo ding ah kua’n a hun dâl a hem?

HEBRAITE 11:8

Ginna’n Abraham in a lua ding gam chu zuan dingin thu a awi ah; a zotna ding lam he masa lo in a kipandok ta’n.

GALATIA 3:1

Aw Galatia gam ah mingolte haw, kua’n a hun bum ngol ah a hem? La mit mu ngei un Jesu Khrista chu kichian tak ah khetden ah latsak ahi’siat tawh!

JEREMIAH 49:12

Zia gual hin Lalpa‘n a gen ngâl a: Gawtna tuak lo ding ah umte chunle gawtna tuak tei tei ding a hiu; nangmale gawt lo ah um dingin la kingaitua a hem? Gawtna chu pumpel ah, gawt lo in um diak lo ding la hi.

ROMTE 1:1

Paul, Jesu Khrista suak, sawlchâk hiding ah ko ah um leh, Pathian Chanchinpha gen ding ah se’chuam ah um hin,

GALATIA 6:10

Chutichun, hun lemchâng I nei dan dan un, mi zosia chung ah thilpha bawl chiat hitiu; ginna’ I Inkuanpiteu chung in bawl diak hitiu.

1 TIMOTHI 3:15

ka hung vâigei khâk leh, Pathian Inkuan ah bang gual ah um ding a hem ti la hetna dingin ahi; zia ngei chu Pathian hing kochuam, thutak khuam leh kulpi chu ahi.

HEBRAITE 3:6

Himaleh, Khrista chu vang ama Insung in Chapa hi’ in a ginum hi; ama I muan ngamnau leh ama ah I kinepnau ah kipakna chu I tukdet zing ua leh ama Insung mite chu I hiu.

1 PETER 2:5

nang uh le suang hingte gual in, thagau lam In ah lepto la hiu ah, Jesu Khrista ziakin Pathian kipakna lam, thagau lam kithoina lân ding ah thiampu thiangthote la hung hitheina ding un.