1 PETER 4:16 - PATHIAN LEKHABU THIANGTHO (BSI)

¹⁶ Ahi’n la, Khristian ahiziak in thuak taleh, zakcha ki’hen; zia min ziak ah chun Pathian chawihoi hen.

1 PETER 4:16 Referans Kwoze

PHILIPPI 1:29

A jangaina ziak ah Khrista la gin bep uh hilo in, ama ziak ah la thok uh le phal ahi.

1 PETER 4:19

Ziaziakchun, Pathian phasak dungzui ah thuakte chun thilpha bawl in, a Siampa ginum tak kiang ah chun kivopsak tau hen.

2 TIMOTHI 1:12

tu’ ah ka thoknate hile zia ziak chu ahi. Himaleh ka zak a cha puai, ka ginna ka ngakna pa chu ka hia’n; a kiang ah ka vopsak chu zia ni â ding ah chun a chingtup thei hi ti ka he ngal a.

NASEPTE 5:41

Vaihawm pawlte lak ah kipat a pawt daw phat un, zia min ziak ah mualphona thuak tâk ah ngai a hiziak ua chun, a kipak ma mau a.

PHILIPPI 1:20

Bang lam lam inle sukmualpho ah umlo in, hangsan tak ah thu ka gen ziakin Khrista chu ka taksa ah hin, ka thi inle ka hin inle, choihoi ah um zing ding ahi ti chu ka kinepna leh ka kingakna ahi.

ISAI 50:7

Lalpa Pathian in ei panpi hi; ziaziakchun, sukminsiat ah umlo ka hi; tichun, ka mai chu meisuang gual in, ka daw ngam ta’n, sukmualpho ah umlo ding ka hi ti ka hia’i;

NASEPTE 26:28

Agrippa chun Paul kiang in: “Hun sawt lo cha sung ah Khristian ei hi’sak ding gua la hi maw?” a tia.

ISAI 54:4

Lau kin, mualpho lo ding la hi’ngal a; lungthuai kin, zakcha lo ding la hi’ngal a; la khangdawng lai ah la mualphona zosia kha, hun hemil ta’n la tin, la meithâina ziak ah la zachatna zosia kha, he’pha talo ding la hi’ngal a.

ISAI 24:15

Ziaziakchun, sualam ah mite chun, Lalpa chu choihoina piau inla, tuisuagiat pangjul ah gamte’nle Lalpa, Israel Pathian min chu chawihoi tau in!

NASEPTE 11:26

a vamudaw phatin, Antiok lam in a hun pui a. Chuleh, zia kum tung kei ah chun kochuamte tawh kithua in kikhopnate nei in, mi tam tak a hil sek un; chuleh, Antiok khua chun nungzuite chu “Khristian,” a hun tipan tau hi.

NASEPTE 28:22

Himaleh, tu’hin, la ngaidan khenkhat hetnop um ka sau hi; zia pawlte chanchin hi a gensiatnau ka la hekha sek ngal un,” a tiu a.

JAKOB 2:7

Min chungnung la put uh hun demsia sekte chu amau haw chu hilo a hiu em?

1 PETER 2:12

Jentelte lak in mêlpha tak in um un; chutichun, hi’khelna nei gual in hun gensia maleu, kanthâkna ni phat leh la thilbawl phat uh a mu ziak un, Pathian chawihoi in au.

1 PETER 4:11

Kua’n le thu a gen chun, Pathian thute gual in gen hen; kua’n le na a sep chun, Pathian in hatna a piak gual jel in sêm hen; tichun, Jesu Khrista ziakin Pathian chu bangkim ah chawihoi in um thei in a. Lopina leh vaihawmna chu kumtuang in ama â ahi ngal a.

1 PETER 4:14

Khrista min ziak ah vau la hiu leh mi hampha la hiu; lopina leh Pathian Thagau chu la chung un a um tai.