1 PETER 3:21 - PATHIAN LEKHABU THIANGTHO (BSI)

²¹ Zia kibatpi baptisma chun, taksa buakna sukthianna bep hilo in, Pathian lam ah sia leh pha hetna sukthianna hizaw in, Jesu Khrista thawkitna ziakin tu’hin a hun hukhing tai.

1 PETER 3:21 Referans Kwoze

MARKA 16:16

Kuale a ging ah baptisma chang chu hukdam in um intin; himaleh, a ginglote chun thiamlo chang in au.

NASEPTE 2:38

Peter chun a kiang un, “La lung uh hei unla, Jesu Khrista min in baptisma chang leu chin, la gitlonau ngaidam hi’ntin; tichun, Thagau Thiangtho thilpiak hi chang in lau.

GALATIA 3:27

La lak ua Khrista ah baptisma chang tapote kha Khrista ah chun la kivan tangal un.

NASEPTE 22:16

Bang ding ah khawdâng la hem? Kipan inla, ama min in baptisma chang inla, la gitlonate sawp thian ah um in, a min chu ko ta’n, ei ti ta’n.

EPHESA 5:26

amau chu a sukthiantho theina dingin, a thu tui ah chun sil thiang in,

1 PETER 1:3

I Lalpa Jesu Khrista Pathian leh, Pa chu pâk in um ta hen! Ama chun a hepina lopi tak in, mithi lak ah kipat Jesu Khrista thawkitna jal in, kinepna hing mu dingin hinna thak ei pia’n.

1 KORINTH 12:13

Thagau pakhat ah I leng ua taksa pumkhat ah baptis I hitau a; Juda hi’n Jentel hi taleu, suak hi’n, suak lo hitaleu hinle; Thagau pakhat ah dawn khawm chiat ding ah siam I hiu.

KOLOSSA 2:12

baptisma ah ama tawh vui in la um tau a; zia ma ma ah chun mithi lak ah kipat Pathian nasep ginchâk ziakin, ama tawh kigual in kaithaw la hitau hi.

MATTHAI 28:19

ziaziakchun, chiau inla, namtin lak ah mi nungzui in siam unla, Pa leh Chapa leh Thagau Thiangtho min in baptis un;

HEBRAITE 9:24

Khrista chu khut ah sak Munthiangtho, a tak etsakna mai ah chun a lut pua’n; ei uh â ding ah Pathian umna van mun ah chun a lut zaw tai.

1 TIMOTHI 6:12

Ginna kidona pha chu do inla; kumtuang hinna chu tudet ta’n; zia ding ah chu ko leh, hiatpitu tam takte ma ah puandawna pha chu bawl ta la hi kha.

2 KORINTH 7:1

Suapi doitakte haw, zia thutiamte chu I nei ziak un, taksa leh thagau kisukbuakna zosia chu kisuthiangtho in, Pathian lau in thianthona ah bukim in um hitiu.

1 KORINTH 4:6

Suapite haw, la phatna ding un zia thute hi Apollo leh kei chung in ka bel ah, “A kiziksa tilo phot chu,” ti umdan tak hi keimau ah kipat la ziltheina ding un; chutichun, la lak ua kuama’n pakhat suang ah pakhat la tawden lona ding un.

NASEPTE 16:33

Zia jan ma ma chun a voknau beliamte chu a sil piak a; tichun, khawdâng lo in, ama leh a Inkuanpite chu baptisma a chang chiat tau hi.

NASEPTE 8:36

A kiton pek lai ua chun lui pakhat a tung ua, mi kigetpa chun, “Entia, zia tak ah hin tui a um hi, baptisma ka channa ding bang ei dâl a um em?” a hun ti’n.

ZEKARIAH 13:1

Ziaphat chuleh, David Inkuante leh Jerusalem ah chêngte zosia sualna leh, buakkaina zosia sil thiang dingin tuinâk hung pawt ta’n a.

ROMTE 5:14

Abang hileh, Adam ah kipat Mosi tiang in, Adam hi’khialna gual ah thil hi’khiallote chung ah le thina chun vai a hawm sek ah, Adam chu a hung um kit ding tawh te’kâk ahi.

HEBRAITE 11:19

Pathian in mithisa le a kaitho thei tak tak hi ti a ginchâk ziakin, a thisa thokit gual in a chapa chu a mu kit ta ahi.

2 KORINTH 1:12

Ka lung sung ua sia leh pha hetna dungzui ah ka suan uh chu zia hi ahi: Khawvel ah mite leh nangmau kiang ah hizaw diak in, taksa lam pilna hilo ah, Pathian thianthona leh titakna chun ka tawi uh ahi.

1 TIMOTHI 1:5

Ei un thuhil ding I kol pen uh hi ahileh, lunggil thiangtho leh sia leh pha hetna thiang leh ginna tak tak ah kipat pawt hepina ahi zaw ngal a.

HEBRAITE 9:14

Khrista thisan, Pathian kiang ah mêlhemna umlo, kumtuang Thagau jal ah kilân chun, nasep thisa ah kipat chun, a sia leh pha hetnau chu Pathian hing nasem dingin, bang gual bep in a hithiangtho zaw ta bep diam!

HEBRAITE 10:22

lungthim dik tak pu’n, ginna kihetchianna bukim chu nei in, I lunggil sia leh pha hetna chu suthiang in, I taksau le tui thiang ah sil in, ama chu nai hitiu.

HEBRAITE 13:18

Kei â dingin ei pauchap piak un; sia leh pha hetna thiang tak ka nei ui ti ka hechian un, bangkim in dik tak ah um ka guau hi.

1 PETER 3:16

Nunnem leh ja um tak ah um in, sia leh pha hetna chîm tak nei unla, nang uh hun gensete’n Khrista ah la umdan uh phat ziakin mualpho in au.

JOHAN 13:9

Ziaphatchun, Simon Peter in, “Lalpa, chutichu ahileh, ka keng bep hilo in, ka khut leh ka luchangle lam,” a ti kit a.

NASEPTE 8:37

Ziaphatchun, Philip in, “La lunggil zosia’ la gin leh chang thei inla,” a tia. Chun, ama chun a hun dawnhu a, “Jesu Khrista chu Pathian Chapa ahi, ti ka ging hi,” a tia.