1 PETER 3:14 - PATHIAN LEKHABU THIANGTHO (BSI)

¹⁴ Ahi’n la, dikna ziak ah la thok ua leh a hampha la hiu. Amau chu kicha kiu inla, lauthawng diak kiu in,

1 PETER 3:14 Referans Kwoze

MATTHAI 10:28

Taksa bep thatthei, thagau that theilo chu lau kiu inla; taksa leh thagau susia thei ah, gawt mun ah koithei nalai chu lau zawu in.

2 KORINTH 12:10

Ziaziakchun, Khrista ziakin hatlonate, hosiatnate, châtganate, sukgentheinate leh buainate ah hin ka kipak sek hi; ka hâtlo phat si’n leh ka hat sek ngal a.

JAKOB 1:12

Thepna thuak ham ham mi chu mi hampha ahi. Zia gual mi chun patepna chu a thuakzo ta’n, Lalpa‘n ama hepite â ding ah a tiam, hinna lallukhuk chu chang ding ahi.

JOHAN 14:27

Thamuanna ka nutsia piak la hiu; keima thamuanna ngei chu ka hun piak la hiu; khawvel in a hun piak gual in ka hun pia puai. La lungthim uh lungkham ki’hen la, lau le lau diak ki’hen.

JOHAN 14:1

La lungthim uh lungkham ki’hen, Pathian la ging ui, keima le ei ging tau in.

MARKA 10:29

Jesu’n a dawnhu, a kiang in, “Titakzet in ka hil la hi, kuale a In a hem, a suapipa a hem, a suapinu a hem, a nu a hem, a pa a hem, a ji a hem, a cha a hem, a gam a hem, keima leh chanchinpha ziak ah nusia chu,

MARKA 8:35

Kuale a hinna humbit chun chân intin, kuale keima leh chanchinpha ziak ah a hinna chân chun humbit ngei in a.

MATTHAI 19:29

Kuale ka min ziak ah In a hem, a suapipa a hem, suapinu a hem, a nu a hem, a pa a hem, a ji a hem, a cha a hem, a gam a hem nusia chun, a le, za’n mu’n tiu in, kumtuang hinna chang in au.

MATTHAI 16:25

Kuale a hinna humbit gua chun chân intin; kuale keima ziak ah a hinna chân chun humbit in a.

1 PETER 3:6

Sarah khan Abraham chu, Lalpa, ti’n a thu a mang hi. Thilpha hi ah, thep lau ah la umlo ua leh Sarah chate hi’n lau.

MATTHAI 10:39

Kua’nle ama hinna ding bep a ngaitua chun chân intin; kuale keima ziak ah a hinna chân chun mu’n a.

JEREMIAH 15:15

Aw Lalpa, nang in la hei, ei hezing inla, ei hung kantha’n; ei sugentheite chung ah phuba ei hung lâkpiak in. La thok-hatna ziakin ei lamang kin; nangma ziak ah hosiatna thuak ka hi ti hia’n.

JEREMIAH 1:8

Amau chu lau kin, nang hun hukdok dingin, la kiang ah ka um zing ngal a, Lalpa‘n a tii,” ti in.

ISAI 51:12

Kei, Keima hi ka hi nanghaw hun thamuanpa chu; a thi mang ziang thei mihing bep leh, hampa gual ah vul kit ziang ding haw hi, bang ding ah lau la hiu em?

PHILIPPI 1:29

A jangaina ziak ah Khrista la gin bep uh hilo in, ama ziak ah la thok uh le phal ahi.

MATTHAI 10:31

Ziaziakchun, lau kiu in, vachong tam tak sâng in la lûl zawu hi.

NASEPTE 9:16

ka min ziak ah bang gual gentheina a hem a thok ding, a kiang in hun hiatsak ding ka hi,” ti’n a dawnhu a.

EZEKIEL 3:9

Suanggial leh suang tâk pen sâng ah le tâk zaw’n la chalki ka siam piak tai; amau chu lau kin la, a mêl unle hun hi’lungthuai diak kiu hen, helmangte Inkuan ahi ngal un.

THUPILTE 3:25

Siatna hung tung phut ding leh, mi nunsiate siat bawlna chule lau diak kin;

JAKOB 5:11

Ahi, a thuak-hatte chu hampha I ti sek ui. Job thok-hat dan kha la hiau ah, Lalpa thil guanggal dan kha le la muu hi; Lalpa chu hepina leh jangaina dim ahi dan le la he tau hi.