1 PETER 3:10 - PATHIAN LEKHABU THIANGTHO (BSI)

¹⁰ “Hinna dawi leh ni phate mu nuam chun, thil phalo lak in a lei vêngpha hen la, a mûk le thepna thu gen lo dingin vêngpha ta hen.

1 PETER 3:10 Referans Kwoze

JAKOB 1:26

Kuale sakhua ngaisak ah kingai ngal ah, a leiteu veng lo ah, a lungthim ua kithêm zaw te chu, amau sakhua chu bangmalo mai ahi.

1 PETER 2:22

“Ama chun thil a hi’khial him him pua’n, a kam ah le juauthepna a um puai”.

1 PETER 2:1

Chutichun, êngsiatna zosia, gûkkhelna zosia, lepchiana zosia, ênna zosia leh gensiatna zosia haisan un.

THUPUAN 14:5

A kam ua pat chun juau a pawt pua’n, demna bei a hiu.

JOHAN 1:47

Jesu’n a kiang lam zuan ah Nathanael hung chu a la mu in, a chung thu a la gen a, “En tiam un, Israel mi tak, zuauthepna neilo mi saw!” a tia.

JOHAN 12:25

Kuale a hinna itcha chun chân intin; kuale, zia khawvel ah a hinna itcha lo chun, kumtuang hinna nei in a.

THUPILTE 8:35

Ei mu tapo chun hinna a muu a, Lalpa doisakna le a chang sek un;

THUPILTE 3:2

zia ka hilnate hin la damsung ni leh kumte sawtsak intin, vangphatna bukim le hun pia ding ahi.

MATTHAI 19:17

Ama’n a kiang in, bangatileh, a pha ei dong la hem? A pha pakhat bep a um a, zia chu Pathian ahi; hinna lut la nop leh thupiakte kha zui in, a tia.

THUPILTE 4:22

A mudokte â dingin hinna ahi’n; a taksa zosia â dingin hisêlna ahi ngal a.

THUPILTE 3:18

A tu’kha tapote â dingin hinna thing ahi’n; a tudet zingte â dingin limna ahi.

MARKA 8:35

Kuale a hinna humbit chun chân intin, kuale keima leh chanchinpha ziak ah a hinna chân chun humbit ngei in a.

SAM 49:19

a pu leh pateu kiang in kile’kit intiu in, bangtik inle vâk hi mu kit ta pua’n au.

SAM 27:13

Ka hin sung in hinna gam ah, Lalpa phatna mu ding ka kinem hi.

JOB LEKHABU 33:28

Thi’na ko’tang ah lut ding lai ei hukdok in, ka hinna hin vâk mu kit ding ahi tai,” ti’n La a sak khum hi.

JOB LEKHABU 9:25

Ka dam sung nite hi dâk thak, tai vel sâng in a chan-gang zaw’n, a tai mang un, thilpha him him a mu puau hi.

DAN LEKHABU 32:47

Zia hi thil mai mai hilo in, la hinnau ma ma ahi ngâl a; zia thu ziak hin Jordan luigâl la vakai ua, la luanau gam ah chun la dam sawt theina ding un,” a tia.

THUGENTU 2:3

Mihing dam sung chomcha sung ah hin, khawvel ah thil a bawl ding ua pha pen chu ka mudok masia’n, ka lungthim ah pilna hawl in, uain ah ka taksa kipaksak ding dan leh, ngolna tuktân ding dan theitawp in ka hawl sek a.

SAM 106:5

la mi doichuamte vangphatna chu ka muu ah, la chite kipakna chu ka limpi ah, la gochante chu ka kisuanpi theina dingin.

JOB LEKHABU 2:4

Ziaphatchun, Setan in Lalpa a dawnhu a, “Vun thasâng ah vun! Mihing in a nei zosia chu a hinna dingin pia phal ngei ding a paw em?