1 PETER 2:23 - PATHIAN LEKHABU THIANGTHO (BSI)

²³ Mi hosiat ah a um lai in a hosia thuk pua’n, a thok lai in a vau thuk diak puai; dik tak ah vaihawmpa kiang ah chun a kipe zaw ahi.

1 PETER 2:23 Referans Kwoze

ISAI 53:7

Ama chu tawden ah um in, sukgenthei in a um ta’n; maleh, kam khat ziang inle a dawnhu puai. Belam thâlup ding a kai gual un, belam a mulmetna a kidaw hiat hiat gual un, kam khat ziang le a gen puai.

1 PETER 4:19

Ziaziakchun, Pathian phasak dungzui ah thuakte chun thilpha bawl in, a Siampa ginum tak kiang ah chun kivopsak tau hen.

HEBRAITE 12:3

Lungthim lam ah la tha chawl ua, la basaplona ding un, migilote nialkãlna thuak ham hampa kha ngaitua tiam un.

SAM 37:5

La umdan ding chu Lalpa chung ah nga’n la; ama ging in, ama’n hun bawl piak sik sek na’n a.

NASEPTE 4:29

Tu’hin, Lalpa, a vaunateu hi en inla, la suakte hi hangsan tak in la thute chu gensak inla;

2 TIMOTHI 4:8

Tu’hin dikna lallukhuk chu kei â ding ah koisa’n a um ta’n, zia chu Lalpa, vaihawmpa dik tak chun zia ni chuleh ei pia ding ahi; kei kiang bep ah hilo in, a kilâkna ngâkte zosia kiang inle.

2 TIMOTHI 1:12

tu’ ah ka thoknate hile zia ziak chu ahi. Himaleh ka zak a cha puai, ka ginna ka ngakna pa chu ka hia’n; a kiang ah ka vopsak chu zia ni â ding ah chun a chingtup thei hi ti ka he ngal a.

LUKA 23:46

Zia hun ah chun Jesu chu aw ngai tak in a hung kiko a, “He Pa, la khut in ka thagau ka hun vopsak hi,” a tia. Zia chu a gen zaw in a thagau a tha tai.

SAM 31:5

La khut in ka thagau ka hun vopsak hi; Aw Lalpa, Pathian ginum, nang in lei hukdok tai.

SAM 10:14

Nang in la mu zing ngal ah! Mi nunsiate’n la khut ah kipat, buaina leh lungjinna a tuak dingteu chu la tepte hi; panpi ding neilote chun a hun bêl sek un; nauchaga panpitu la hi’ngal a.

THUPUAN 19:11

Chun, van a hung kihong ah, sakol kâng khat hung pawt ka mu; a chung ah chuang chu Ginum leh Dik a hia; ama chun dik tak in vai a hawm ah, gâl le a do sek hi.

1 PETER 3:9

Thil phalo chu thil phalo in leh, hosiatna chu hosiatna’n thuk kiu in, zia sâng ah chun, maljawl zawu in; zia gual ah chu maljawlna chang ding ah ko la hingal un.

2 THESSALONITE 1:5

Ziate chu Pathian gam â ding ah guat tâk la hi’theina ding ua, Pathian vaihawm dikna tepte’na kichian tak ahi, ziate ziak ah chu thuak la hiu.

EPHESA 6:9

Chuleh, nanghaw suak neite haw, nang uh chung ah le thunei a um ah, ama chun kuama doichuam neilo ahi ti hia’n, la suakteu chu vau thaw ta kiu in.

ROMTE 2:5

La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.

NASEPTE 17:31

ama’n ni a tep ziakin, ziaphat chuleh, a mi guat chu lei ah mite dik tak in vaihawm piak in a, Pathian in ama chu mithi lak ah kipat kaitho in, mi zosia kiang ah a hiatsak tai, a tia.

NASEPTE 9:1

Saul chun vang Lalpa nungzuite vau ah thalup a guat dan a gen zing ah; thiampu lianpen kiang in a chia a,

LUKA 23:9

Ama chu dotna tam tak a la dong a; himaleh, Jesu chun bangma cha’n a dawnhu puai.

SAM 96:13

Lalpa ma ah chun; ama a hung ngal a, lei chung vaihawm dingin a hung ngal a. Ama’n khawvel hi dik tak in vaihawm piak intin, mi zosia a thu tak in vaihawm piak ding ahi.

SAM 7:11

Pathian chu vaihawmpa dik tak ahi’n; nisi’n migilote chung ah lungdam ni neilo Pathian ahi.

THILSIAM THU 18:25

Nang lawm lawm in zia gual ah chun midikte chu migilote gual ah bawl mai ding leh, midikte chu migilote lak ah a thi khawm mai ding uh chu phal sam ding la hem? Lei chung zosia ah vaihawmpa chun dik tak in bawl lo ding la hem?” ti’n a dong a.

NASEPTE 7:59

Stephen chu suang ah a se’lai un, a pauchap ah, “Lalpa Jesu, ka thagau pui ta’n,” ti in.

LUKA 23:41

ei hi vang I chan ding him ahi’n, I thilhi man chu I mu ahi; ama hin vang bangma a hi’khial puai,” a tia.