1 PETER 2:21 - PATHIAN LEKHABU THIANGTHO (BSI)

²¹ Khrista’n a hun thok piak ziakin, zia gual hiding ah chun ko la hiu; a kengnung la zui ding ua a hun nutsia piak la hiu hi.

1 PETER 2:21 Referans Kwoze

1 JOHAN 2:6

Kuale ama ah ka um zing hi ti tapo chu, ama tawidan gual in a tawi ding ahi.

MATTHAI 16:24

Jesu’n a nungzuite kiang in, Kua’n le ei zui a nop leh ama kihemil in, ama kros kiput in ei zui hen.

JOHAN 13:15

La chung ua ka bawl gual ah nang unle la bawl ding dan uh la etton ding un ka bawl ahi.

EPHESA 5:2

Khrista’n ei hepi ah, ei uh â ding ah gimtui ah Pathian kiang ah thillat ah a kipiak gual khan, hepina nei zing tau in.

1 JOHAN 3:16

Zia hin hepina chu I hethei ui: ama’n ei uh â ding ah a hinna a piak tâk hi; ei unle midangte â ding ah I hinnau I piak diu ahi.

1 PETER 2:24

Gitlona thi’san ah, dikna ah I hin zawk theina ding un, ama ngei chun kros ah khan a taksa ah chun I gitlonateu a paw tai. Ama beliamte ziak ah sukdam in la um tau ahi.

1 KORINTH 11:1

Khrista ka etton gual in, keima ei enton un.

1 PETER 4:1

Chutichun, Khrista chun taksa ah a thok ziakin, nanghaw le zia gual lungthim ah chun kivan un; (taksa’ thuak ta chun gitlo a haisan tangal a.)

PHILIPPI 2:5

Zia lungthim Jesu Khrista ah um kha, nangmau ah le um ta hen:

MATTHAI 11:29

Ka ngawngkol hung puau in la, ka kiang in zil un: Lungthim ah nunnem leh kingaitawm ka hi; tichun, la thagau â ding un chawldamna mu’n lau.

ROMTE 8:29

Pathian chun, a Chapa chu unau tam tak lak ah cha piang masa pen ahi’theina dingin, a hetlawkte chu a Chapa gual hiding in a guatlawk a.

NASEPTE 14:22

“Sukgentheina tam tak thuak in, Pathian gam I lut ding him uh ahi,” ti’n nungzuite lungthim chu a hi’det un, ginna umzing dingin a tîlkho malam pek tau a.

1 PETER 3:18

Pathian kiang ah ei pui theina dingin, Khrista chun gitlo ziakin kumtuang dai dingin a thuak ta’n; midik chun midik lo thasâng in a thuak ahi. Taksa ah thalup in a um ta’n, thagau ah suk-hin in a um tai.

MATTHAI 10:38

Kuale a kros kiput ah ei zuilo chu ka mi hi tâk ahi puai.

1 PETER 3:9

Thil phalo chu thil phalo in leh, hosiatna chu hosiatna’n thuk kiu in, zia sâng ah chun, maljawl zawu in; zia gual ah chu maljawlna chang ding ah ko la hingal un.

JOHAN 16:33

Keima ah thamuanna la neitheina ding un, zia thute hi ka hun hil la hiu. Khawvel ah hin gim genthei thuak in lau. Himaleh, thamuang tak in um un; keima’n khawvel ka zo tai,” a tia.

THUPUAN 12:11

Belamno thisan ziak leh, amau thu hiatsakna ziak leh, a hinnau chu thi ngam ah îtcha lo ah a la pan ziak un, zawna chu a chang tau hi.

HEBRAITE 2:10

Ama ah thil bangkim um leh, thil bangkim ama ah umpa â ding ah chun, cha tam tak lopina a puilût ah, hukdamna mapuipa kha thoknate ziak ah a siam bukim chu a kilawm him ahi.

2 TIMOTHI 3:12

Ahi, kuale Khrista Jesu ah Pathian ngaisak ah um gaw tapo chu, sukgenthei hiding a hiu.

SAM 85:13

Dik tatna’n ma pui intin, a kalsuanna ding lampi siam in a.

1 PETER 1:20

Ama chu leilung siam masang ah guatlawk hisa, hun nunung lam ah nang uh ziak ah hilat ahi tai.

1 THESSALONITE 4:2

Lalpa Jesu ziakin bang thute a hem ka hun piak la he ngal ua.

1 THESSALONITE 3:3

Zia sukgentheinate ziak ah hin, kuama a kilîn lona ding un. Ziate hi thuak ding him ka hiu ti nangmau ngei in la he ngal un.

NASEPTE 17:3

Messiah chun gentheina thuak ah, thina ah kipat thodok ding him a hi’dan chu gunchu tak in a suidawpi ah, a hilchian pek a; “Zia Jesu, a chanchin la kiang ua ka gen hi Messiah chu ahi ngei hi,” ti’n a hil a.

NASEPTE 9:16

ka min ziak ah bang gual gentheina a hem a thok ding, a kiang in hun hiatsak ding ka hi,” ti’n a dawnhu a.

LUKA 24:26

Messiah chun zia thilte zosia chu thuak ah, a lopina lut ding him hilo a hem?” a tia.

1 PETER 4:13

Khrista thokna ah thokpite la hi dungzui un kipak zaw un; chutichun, a lopina a hung kilâk phât leh nang uh le lim tak in kipak thei in lau.