1 PETER 2:2 - PATHIAN LEKHABU THIANGTHO (BSI)

² Hukdamna la khanlet theina ding un, nausen piang limte gual in, thagau lam nawitui thiang chu ducha zing un;

1 PETER 2:2 Referans Kwoze

EPHESA 4:15

Himaleh, hepina thutak kigen in, I luchang uh Khrista ah chun bangkim in khanglian thei hitiu in;

2 PETER 3:18

I Lalpa leh Hukdampa Jesu Khrista hepina leh hetna ah chun khanglian zaw tau in. Tu’ leh kumtuang tiang in ama kiang in lopina um ta hen. Amen.

MARKA 10:15

Titakzet in ka hil la hiu, kua’nle zia naupangte gual ah Pathian gam a la lawp lo ahi chun, a sung ah lut lo hial in au,” a tia.

1 KORINTH 14:20

Suapite haw, ngaituana lam in chapang kiu in; phatlona lam in nausen hiu inla, ngaituana lam in piting hiu in.

THUPILTE 4:18

Midikte lampi chu vang jingkal khawvak, sûn a hung hi masia a vâk phat deu deu gual ahi.

JOB LEKHABU 17:9

Midik chun a lampi ngai ma a tuchak in, khut thiangtho neite chu vang hat deu deu in au.

2 THESSALONITE 1:3

Suapite haw, nangmau chung thu ah hin Pathian kiang ah kipak thu gen ding him ka hiu; zia chu hi’ding ah kilawm him ahi, la ginnau chu nasa tak ah khang in, la leng ua la kihepi tua chiatnau chu a khan belap zing ngal a.

MATTHAI 18:3

Titakzet in ka hil la hiu, la lung uh la hun hei ua, naupangte gual ah la umlo ua leh van-gam ah lut pua’n lau.

EPHESA 2:21

Ama ah chun suanglep chuam chuamte, kituak tak ah sutua in, Lalpa ah biak In thiangtho a hung suak tai.

ROMTE 6:4

Ziaziakchun, a thina baptisma chang in ama tawh vui in I um un; chutichun, Pa lopina chun mithi lak ah kipat Khrista a kaithaw gual ma chun, ei hawle hinna thak ah I hintheina ding un.

HOSEA 6:3

Lalpa chu hia’i tiu in, hetzing gaw tai tiu; a hung kilatna ding chu phalvak gual ah kichian ahi; ama chu I kiang un gawtui gual in hung intin, khâl gawtui in lei a chap no gual in hung tung in a.”

1 PETER 1:23

Mangthai ziang thei ding chi sethei lak ah hilo in, Pathian Thu hing zing leh um zing dungzui ah piangthak la hitau a:

2 SAMUEL 23:5

Pathian âng in ka Insung mi chu zia gual hi hilo a hem? Ama chun kei tawh kumtuang dai ding thuthung a siam ta’n, bangkim kitup leh det tak in a um tai. Ka thangai leh ka lungtup zosia chu, ama’n ei lawtinsak lo ding a hem?

HOSEA 14:7

Ka lîm nuai in hung chêng kit intiu in, huan gual in hung nîm dip dep in au; grep gual in hung no thak kit in, a gimtui uh chu Lebanon uain gual hung hi’n a.

HOSEA 14:5

Israelte â dingin jan daitui gual hi’ng ka tin; lili gual in hung pâk lûn intiu in; Lebanon gammâng thing gual in zung khaw in au.

MALAKI 4:2

Himaleh, nang uh ka min laute chung in vang dikna nisa tawh a thalîm ah sukdamna hung suak in a. Bawng In ah bawngno kichawm gual in kichawm dok ta’n lau.

MATTHAI 19:14

Himaleh, Jesu’n a het phat in, “Naupangte kha ka kiang in hung sak unla, a la zada kiu in; van-gam chu zia tawhbang mite â ding chu a hingal in,” a tia.

LUKA 18:17

Titakzet in ka hil la hiu, kuale zia chapangte’n Pathian gam a lop gual ua lawp lo tapo chu, a sung ah lut lo hial ding a hiu,” a tia.