1 PETER 2:16 - PATHIAN LEKHABU THIANGTHO (BSI)

¹⁶ Pathian suakte gual in, zalen tak in um un; himaleh, la zalennau chu diklo bawlna lemchâng in mang kiu in.

1 PETER 2:16 Referans Kwoze

GALATIA 5:13

Nanghaw, suapite haw, suak hilo ding ah ko la hiu a; himaleh, suak la hi’lonau chu taksa â ding ah lemchâng in mang kiu inla, hepina’n na kisep tua piak chiat zaw tau in.

ROMTE 6:22

Tu’hin vang chu gitlo ah kipat pawt in, Pathian suakte la hung hiu hin, phatchuamna la muu chu sukthianthona ahi; zia tawpna chu kumtuang ah hinna ahi.

1 KORINTH 7:22

Suak hikawm ah Lalpa‘n a ko chu, Lalpa ah mi zalen a hizing tho a; mi a zalen lai ah Khrista suak hi ding ah ko ah a um gual chu ahi.

ROMTE 6:18

gitlo ah kipat in la pawt tau ah, dikna suak la hung hizaw tau ahi hi.

GALATIA 5:1

Suak hilo dingin Khrista chun ei thâdok tai; ziaziakchun, ding det unla, suak ngawngkol in tâng kit ta kiu in.

JAKOB 1:25

Himaleh, kuale dan buting, zalenna dan chu pha tak ah en ah, thuak-hat tak ah, a ngaithâk zaw leh hemil kit ziang lo ah sêmdok zaw te chu, zia mite chu a thil hiu ah maljawl in um ding a hiu.

JAKOB 2:12

Ziaziakchun, la thugen leh thilbawl un, zalenna dan ah vaihawm piak dingte gual in hisek un.

EPHESA 6:6

mi kipakna ding mai ah, mitmei vêng bep ah sêm hilo in, Khrista suak gual jaw’n, lung sung ah kipat Pathian lung lam hawl in sêm zawu in.

2 PETER 2:19

Amau chu siatna suak hi kawm in, mite chu suak ah kipat pawtna ding thu a tiampiak un; mite chu zaw ah a umnau ma suak in a um sek ui.

KOLOSSA 3:24

La kipakman diu goluana chu chang ding la hiu ti la hiau a, Lalpa Khrista na chu la sêm uh ahi.

MATTHAI 23:13

Nanghaw, lekhazikte leh Pharisai miphalêmte haw, la chung uh a gik hi! Mi van-gam lut ding la dâl ua; nang uh la la lut puau ah a lut nuamte le la lutsak diak puau hi.

JUDA 1:4

Mi kuate a hem a gûk in la lak un a hung lut un, amau chu malai ah kipat thiamlo chang ding ah guatsa, Pathian ngaisak lo mi, I Pathian uh hepina chu hûkna chansakte leh I Hotuu leh I Lalpau, Jesu Khrista kihiatlosakte a hiu hi.

1 THESSALONITE 2:5

Bangtik lai inle kimaichang phatna thu a hem, huaihapna dawha a hem ka mang ngai puau hi ti la hiau a, Pathian chu ei hiatpipa ahi.

JOHAN 15:22

Keima hung lo in, a kiang un thu hung gen lo hileng chu, gitlona neilo hiding a hiu a; himaleh, tu’hin vang a gitlonau suanlam ding bangma a nei ta puau hi.