1 PETER 1:8 - PATHIAN LEKHABU THIANGTHO (BSI)

⁸ Ama chu mu lo maleu chun la hepiu a. Tu’hin mu lo maleu chun la ging ua, kipakna gen theilo khop ah lopi’n la kipak uh ahi.

1 PETER 1:8 Referans Kwoze

JOHAN 20:29

Jesu’n a kiang in, “Thoma, nang in lei mu ziak ah ei gingcha la hi maw? Mulo ah ei gingte chu mi hampha a hiu,” a tia.

2 KORINTH 5:7

Muthei ah chia lo in, ginna’n I chia zawu ahi.

ROMTE 15:13

Thagau Thiangtho thilhitheina ziak ah, kinepna la hau theina ding un, kinepna Pathian chun la gin ziak un kipakna leh thamuanna’n hun hi’dim ta hen.

HEBRAITE 11:1

Ginna hi thil kinepnate um ngei ah hetna, thil I mu nailote hetchianna ahi.

JOHAN 16:22

Zia gual ah chun, tu’hin nang uh le la lungngai tadiu ahi; himaleh, nang uh hung mu kit ding ka hi, zia tak chuleh la lungthim uh kipak ta’n a; kuama’n la kipaknau chu lak piak thei talo ding ahi ngal a.

2 KORINTH 4:18

Mutheite hilo in, mutheilote chu ka en zawu a; mutheite hi hun chomcha â ding ahi’n, mutheilote chu kumtuang â ding ahi ngal a.

1 PETER 1:6

Tu’hin, thepna chitin ziakin lungkham tadi maleu chinle, zia chun nasa tak in la kipak uh ahi.

HEBRAITE 11:27

Ginna’n lengpa lungnatna chu lau lo in, Aigupta chu a taisan ah, mutheilo Pathian chu a mu ziakin a thuak ham ham hi.

1 PETER 2:7

Ziaziakchun, nanghaw a gingte â ding ah chun man tam ahi, a ginglote â dingin vang: “Insate suang doilo chu, a kil ah suang phachuam pen a hung hi tai,” ti ahi ngal a.

PHILIPPI 4:4

Lalpa ah chun kipak un; ti kit ngen ing ka kipak un.

1 PETER 5:4

Tichun, Belampu Lianpen a hung kilat phat leh, lopina lallukhuk chultheilo chu mu’n lau.

EPHESA 6:24

I Lalpau Jesu Khrista chuai lo ah hepite chung in, a hepina chu um zing ta hen. Amen.

PHILIPPI 1:25

Chuleh, zia chu ka ginchâk ziakin, ginna ah la hung khanto ua, la kipakna ding un, la leng ua kiang ah um zing ding ka hi ti ka hia’i.

ROMTE 14:17

Pathian gam hi nêk leh dawn thu a hipua’n, Thagau Thiangtho ah dikna, thamuanna leh kipaknate a hizaw ngal in.

JOHAN 14:24

Kuale, keima ei hepi lo chun, ka thugente le a zui nuam diak puau hi; ka thugen la hiatteu hi kei â ahi puai, Pa ei sawlpa â ahi zawi.

JOHAN 8:42

Jesu’n a kiang un, “Pathian chu la pau hileh keima ei hepi ding la hiu in; Pathian ah kipat ka hung pawt ah, zia tak hi hung tung ka hi’n. Keima nop thu hung ka hipua’n, ama’n ei sawl ah hung ka hi.

PHILIPPI 3:3

Thagau ah Pathian ho in, Khrista Jesu kisuanpi ah, taksa ah kimuang lote hi zektan dik tak I hizaw ngal un.

GALATIA 5:22

Himaleh, Thagau ga chu, hepina, kipakna, chamna, dawtheina, nunnemna, phatna, ginumna,

GALATIA 5:6

Khrista Jesu ah chun zektan chu bangma a phachuam pua’n, zektanlo le bangma a phatchuamna a um puai; ginna ah hepina bep chu a phachuam ahi.

2 KORINTH 12:4

Paradis ah lâk to in a um ah, thu gendaw ngailo, mihing genthianlote a hia’i ti ka hia’i.

2 KORINTH 9:15

A thilpiak gen sên gual lo ziakin, Pathian kiang in kipak thu um ta hen.

2 KORINTH 1:22

Ama chun ei tepte ah, I lung sung un khâmlawkna Thagau ei pia ta ahi.

NASEPTE 16:34

Amau chu a In ah pui lût in, a an nêk ding uh a lui piak ah; a sunghawu ah Pathian a hun gin tâk ziak un a kipak ma ma tau hi.

JOHAN 14:21

Kuale ka thupiakte nei ah jawm chu, keima ei hepi ahi’n; kuale, keima ei hepi chu, ka Pa’n le hepi ding ahi, keima’nle ama chu hepi ing ka tin, a kiang ah kimusak ding ka hi, a tia.

JOHAN 14:15

Nang un lei hepiu leh ka thupiakte jawm in lau.

MATTHAI 10:37

Kuale a nu a hem, a pa a hem, keima sâng ah hepi zaw chu, ka mi hi tâk ahi puai; kuale a chanu a hem, a chapa a hem, keima sâng ah hepi zaw chule ka mi hi tâk ahi puai.

SOLOMON LÂ 5:16

A tongkam chu a thum pen ah, a ngaikâi suak kêi hi. Zia chu ka lawmpa leh, ka gualpha chu ahi; aw Jerusalem ah chanute haw.

1 KORINTH 16:22

Lalpa hepi lo taphot chun, hânsia dong uh hen. I Lalpau chu, a hung hi! Maranatha!

SOLOMON LÂ 5:9

Aw, numeite lak ah mêlpha pen, la lawmnu chu la jawl dangte sâng ah, bang gual chungchuanna nei a hem? La lawmnu chu la jawl dangte sâng ah, bang gual chungchuanna a nei ziak ah, zia gual ah chu ei vâithâk la hem?

SOLOMON LÂ 1:7

Ei hil in, aw ka hinna’n a hepi, la gan hon khoi ah la tatsak in, sûn leh khoi ah la kualsak sek em? Bang dingin em midangte gan hon lak ah, nang ka hung hawl ding?

EPHESA 3:19

Khrista hepina het zaw gual lo, Pathian bukimna zosia ah hi’dim ah la umtheina ding un ka pauchap hi.