1 PETER 1:7 - PATHIAN LEKHABU THIANGTHO (BSI)

⁷ Sana, mei ah patep nung ah le mangthai thei sekte sâng ah man phazaw, la ginnau chu Jesu Khrista hung kilâk phat leh, pâkna leh choihoina leh lopina a hung hi’theina dingin.

1 PETER 1:7 Referans Kwoze

JOB LEKHABU 23:10

Himaleh, ama’n ka lampi zui chu a henai; ei patep zaw phat leh sana gual in, hung pawtdok kit ding ka hi.

JAKOB 1:12

Thepna thuak ham ham mi chu mi hampha ahi. Zia gual mi chun patepna chu a thuakzo ta’n, Lalpa‘n ama hepite â ding ah a tiam, hinna lallukhuk chu chang ding ahi.

ISAI 48:10

En in, ka hun hâl thian la hi tai, dangka thîk hâl thian gual chu hilo in; sukgentheina meikuang lak in ka hun patep la hi tai.

1 PETER 4:12

Doitakte haw, la lak ua patepna nasa tak, nangmau patepna ding ah hung tung chu, thil lamdang la chung ua tung gual in maksa kiu in.

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

ROMTE 2:7

Kuale thilpha hi ah, dawthei tak ah umte chun, lopina leh choisânnate, thitheilona leh kumtuang hinna chu chang in au.

THUPILTE 17:3

Dangka thik chu bêl ah awmtui ah sukthian ahi’n, sana chu meipi ah hâl thiantho a hisek in; lungthim ngaituana chu vang Lalpa‘n a patep sek hi.

MALAKI 3:3

ama chu dangka thîk hâlthiangpa leh suthiangthopa gual in kitung intin, dikna thillatte Lalpa âng ah a hun choi kit masangsia’n, Levi suante chu sana leh dangka sukthiantho ahi gual in, hun suthiangtho ta’n a.

1 KORINTH 3:13

mitin nasep chu tâklat in hung um intin; zia ni chun, mei ah etchetna um ding ahi, mei chun mi tin nasep chu ahi gual takin hun tâklang ta’n a.

JUDA 1:24

Tu’hin, kipûk lo ding ah hun vengthei leh, a lopina ma ah demna bei leh kipak tak ah koi theipa,

JEREMIAH 9:7

Ziaziakchun, sepai honte Lalpa‘n zia gual hin a gen a: Tu’hin amau chu ka thît thiantho ah, ka patep lo ngal leh, zia ka mipi gilote chung ah hin, bang dang le bawl ding ka nei em?

2 PETER 1:4

Ziate ziak ah chun a thutiam lûl leh lopi takte chu ei pia’n; chutichun, nopna ziak ah khawvel ah siatna hung um hi taisan in, zia thutep lûl leh lopi takte ziak ah chun, Pathian nunchan kikoppi thei in lau.

1 PETER 2:4

Ama chu suanghing, mihingte doilo himaleh, Pathian têl leh man tam chu ahi;

MATTHAI 25:21

A pu chun a kiang in, la bawlpha na e! Suak pha leh ginum, tawmcha chung ah la ginum ziakin, tam tak chung ah vaihawm dingin hun koi ing ka; la pu kipakna’n lut ta’n, a tia.

THUPUAN 3:10

Ka thu, thok gunchuna chu la vop zing ziakin, khawvel ah mi zosia patepna hung tung ding ah hin, patep ah la um phât leh keima’nle hun humbit ding ka hi.

THUPUAN 2:10

La thil hun thok dingte hi lau kin; ngaitia, patep ah la umtheina dingin diabol in la lak ua khenkhat suangkul ah hun khum intin; ni sawm sung genthei thuak in lau. Himaleh, thi tiang in ginum in hung um ta’n; tichun, hinna lallukhuk hun pia ding ka hi.

THUPUAN 1:7

En un, ama chu sûmpi khi tawh hung ding ahi, mit zosia’n hun mu’n au, a nâk a la sunte ma ma khanle; chuleh khawvel ah nam zosia’n ama chu sûn in kâ in au. Ahi, Amen.

1 KORINTH 4:5

Chutichun, a hun masang in bangma genchian kiu in; Lalpa chun thim ah thil sêlgukte chu vâk ah hun tâkdok intin, lungthim ah tupnate le hilang in a. Ziaphat chuleh, mi zosia’n Pathian ah kipat pakchak law chiat ta’n au.

NASEPTE 8:20

Himaleh, Peter chun a kiang in, “La dangka tawh mangthai khawm ta’n, Pathian thilthawnpiak chu dangka sum ah chawk thaw ding la guat ziakin.

JOHAN 12:26

Kua’nle ka na a sep ding chun ei zui hen; keima umna chun ka nasemte chule a um diu ahi; kua’nle ka na a sep chun, zia mi chu ka pa’n chawihoi in a”.

JOHAN 5:44

Pathian bep ah pâkchâkna hawl ding ahi dan helo in, nangmau kipâkchâkna mai la hawl ua leh, bangti’n gingcha thei ding la hiu em?

LUKA 12:33

La thil neiteu chu zuak un la, gentheite kiang in piau in; Paisa dip lui theilo chu kingaituau inla, guchate’n le a nai theilonau, a nget inle a nêk siat theilona van ah chun khol khawm zaw tau in.

MATTHAI 25:23

A pu chun a kiang in, la bawlpha na e! Suak pha leh ginum, tawmcha chung ah la ginum ziakin, tam tak chung ah vaihawm dingin hun koi ing ka; la pu kipakna chun lut ta’n, a tia.

MATTHAI 19:28

Jesu’n a kiang un, “Titakzet in ka hil la hiu, Thil zosia siamthakna mun ah Mihing chapa a lopina Lal chutpha a chut tak leh nanghaw ei zuite hi, Israel nam sawm leh nite vaihawm piak dingin, lalchutpha sawm leh ni ah chu ding la hiu.

JEREMIAH 48:36

Ziaziakchun, Thithâk La, theile’ kimut gual in Moab gam chu ka lungthim in ka sûn ta’n; Kir-heres ah mite chu Thithâk La, theile’ kimut gual in ka sûn hi; a hausaknau zosia a mangthai ta’ngâl a.

THUGENTU 5:14

zia hausakna haw chu thil phalo in a peimang sek ah; cha leh nau nei maleu, a khut un bangma a nutsia piak ngai puau hi.

THUPILTE 16:16

Pilna nei hi sana nei sâng in a phazaw na lawm lawm e! Hetthiamna nei chu dangka sâng ah le têl zawk ding ahi.

THUPILTE 8:19

Ka ga chu sana thiang sâng in a phazaw’n, ka lamdaw chu sana leh dangka thiangtho pen sâng inle a pha zawi.

1 SAMUEL 2:30

Ziaziakchun, Lalpa, Israelte Pathian in zia gual hin a gen hi, ‘Nangma Inkuan leh la suantuteu Inkuan chu ka ma-âng ah kumtuang ah lut leh pawt in pansak dingin ka kitiam hi,’ ti’n; himaleh, tu’hin vang zia gual hin Lalpa‘n a gen tai: ‘Zia gual chu hilo hial ding a hi; keima ei chawisâng tapo chu chawisâng ing ka tin, ei musit tapo chu bangmalo ah koi ding ka hi.

THUPUAN 3:18

la hung hausak theina dingin, sana mei ah hâl thian leh, la ngawnchang hina a kilat lona ding, puan vâm tawh ka kiang ah hung chaw ding leh, la mutheina ding ah la mit nu’ ding damdawile hung kichawk dingin, ka hun thumop la hi.

2 PETER 1:1

Simon Peter, Jesu Khrista suak leh nungzui hin, Jesu Khrista I Pathian leh Hukdampa dikna ziak ah ginna man tam tak I chan gual changte kiang in:

1 PETER 2:7

Ziaziakchun, nanghaw a gingte â ding ah chun man tam ahi, a ginglote â dingin vang: “Insate suang doilo chu, a kil ah suang phachuam pen a hung hi tai,” ti ahi ngal a.

1 PETER 1:5

hukdamna hun nunung ah hung kilang ding ah guat zawsa chu mu dingin, ginna ziak ah Pathian thilhitheina ah vên la hiu hi.

ROMTE 2:29

A sunggil lam ah Juda mi hite bep chu a tak a hiu; chuleh, tak tak hilo in, lunggil lam thagau ah zektante bep chu zektan tak tak a hiu. Zia gual mite chun, mihing pachatna sâng in Pathian pachatna a law zaw sek ui.

SAM 17:3

Ka lungthim enchian in, jan in ei kantha’n, ei patep malechin, keima ah hin nunsiatna him mu pua’n la; ka kam inle a genkhial puai.

LUKA 17:30

Mihing Chapa a hung kit ni phat leh le zia gual chu hiding ahi.

ROMTE 2:10

ahi’n la, thilpha bawlte chung ah chun lopinate, choisânnate leh thamuannate Judate chung ah tung masa’n tin, ziazaw chuleh Jentelte chung inle tung in a.

ROMTE 8:19

Thilsiam zosia chun kinem tak in Pathian chate kilatna ding chu a ngakla ma ma tangal un;

1 PETER 1:13

Ziaziakchun, nasem dingin la lungthim uh kisazo unla, kisawizoi un; Jesu Khrista kilâk phat leh hepina hung tung ding chu lungthuai lo in kineppi zing un.

1 PETER 4:13

Khrista thokna ah thokpite la hi dungzui un kipak zaw un; chutichun, a lopina a hung kilâk phât leh nang uh le lim tak in kipak thei in lau.

1 PETER 5:1

Chutichun, la lak ua kochuam upate chu, keima la upatpiu, Khrista thoknate he pa, lopina chang dingpa hin, la lak ua upate chu ka hun tîl ahi.

2 PETER 3:14

Ziaziakchun, doitakte haw, zia gual thilte chu la kinep ziak un, buak bek lo, gensiat bei leh thamuang tak ah a hun mutheina ding in taimat sua unla;

KISIMNA LEKHABU 5:28

Himaleh, numei chu buakkâi lo ahi ah, a thiangtho ahi chun, a chung ah bangma tung pua’n tin, suan leh pâk le nei thei in a.

JOB LEKHABU 28:1

Dangka chawdawna khûk a um ngei ah, sana hâlthianna mun le a um hi.