1 PETER 1:6 - PATHIAN LEKHABU THIANGTHO (BSI)

⁶ Tu’hin, thepna chitin ziakin lungkham tadi maleu chinle, zia chun nasa tak in la kipak uh ahi.

1 PETER 1:6 Referans Kwoze

JAKOB 1:2

Ka suapite haw, patepna bang gual la tuak unle, kipakna lam bep in ngai un,

1 PETER 5:10

Chun, hepina zosia Pathian, a kumtuang lopina chang ding ah Khrista ah hun kopa ngei chun, sawt lo la thok zaw phat ua leh hun tungding in, hun hi’det in, hun hi’hat ding ahi.

ROMTE 12:12

Kinepna lam ah chun kipak tak ah um in; thokna lam ah chun thuakzo tak in; gunchu tak in pauchap zing un.

ROMTE 5:2

Ama ziak ma in, zia lungsiatna I din detnau ah hin I lut tau in, Pathian lopina kinepna chun kipak tak in I um ui.

MATTHAI 5:12

Lim unla, kipak tak in um un; van ah la kipakman ding uh chu a lopi ngal in; zia gual ma chun la mau ah jawlneite kha le a sukgenthei uh ahi kha.

ISAI 61:3

Zion ah lusûnte â ding ah, leivui thasâng ah pakchavui pia ding leh, lusûn ah nguina thasâng ah, kipakna sathau pia ding leh, lungthim ngaituana sawlsam thasâng a, pakchatna puan pia ding in ei sawl ka hi. Tichun, a lopina etsak ding ah dikna gangpi thing, Lalpa thingkung phute ti hung hita’n au.

JOHAN 16:33

Keima ah thamuanna la neitheina ding un, zia thute hi ka hun hil la hiu. Khawvel ah hin gim genthei thuak in lau. Himaleh, thamuang tak in um un; keima’n khawvel ka zo tai,” a tia.

JOHAN 16:22

Zia gual ah chun, tu’hin nang uh le la lungngai tadiu ahi; himaleh, nang uh hung mu kit ding ka hi, zia tak chuleh la lungthim uh kipak ta’n a; kuama’n la kipaknau chu lak piak thei talo ding ahi ngal a.

SAM 34:19

Haksatna tam tak mi dik in a tuak ding a um in, himaleh, zia zosia pat chun, Lalpa‘n a hukdok sek hi.

SAM 119:28

Ka hinna lungngai ziakin a chautha zo ta’n; la thu dungzui in ei hi’hat kit in.

MATTHAI 11:28

Nanghaw sêmgim leh puakgik paw zosiate haw, ka kiang ah hung un, keima’n a la chawldam sak ing ka.

ROMTE 5:11

Zia bep chule ahi puai, kichamna, tu’ ei musakpa I Lalpau Jesu Khrista jal ah hin, Pathian chu I suang tau ahi.

NASEPTE 14:22

“Sukgentheina tam tak thuak in, Pathian gam I lut ding him uh ahi,” ti’n nungzuite lungthim chu a hi’det un, ginna umzing dingin a tîlkho malam pek tau a.

LUKA 10:20

Thithate la thu thuu ah a um ziak un kipak ziang kiu inla, van ah la min uh zik ahi ziakin kipak zaw tau in,” a tia.

1 PETER 4:7

Himaleh, thil zosia tawpna chu a nai tai, ziaziakchun, la pauchap theina ding un lungthim dik tak pu’n chingthei un.

SAM 95:1

Aw hung unla, Lalpa chawihoi in La sa’i tiu; I hukhinnau suangpi chawihoi in, lim tak in kiko hitiu!

JAKOB 4:9

Lungngai unla, lusûn in kap un. La nuinau chu lungngaina chang hen la, la kipaknau chu nguina chang hen.

2 KORINTH 4:17

Ka thokgimnau neucha, mit phet kâl bep ding hin, lopina nasa tak, kumtuang â ding ei siam piak ahi.

JAKOB 1:9

Gingtu, dinmun niam tak ah um chu choisa’n ahi tâk ziakin kipak hen la,

1 SAMUEL 2:1

Hannah in zia gualah gen in a pauchapah: Ka lunggil hi Lalpa ah chun a kipak hi; ka hatna chu ka Pathian ah choisa’n in a um tai, Ka gualzaw’na ka kipak ziakin, ka kam in ka mêlmate ka engho tai.

PHILIPPI 3:3

Thagau ah Pathian ho in, Khrista Jesu kisuanpi ah, taksa ah kimuang lote hi zektan dik tak I hizaw ngal un.

2 KORINTH 6:10

lungngai gual in, himaleh kipak zingin; genthei gual in, himaleh mi tam tak hihausa ngal in; bangma neilo gual in, himaleh bangkim nei bukim ngal in ka um zawu hi.

1 THESSALONITE 1:6

Thu chu sukgentheina thuak kawm in, Thagau Thiangtho ah kipak tak in la pom ua, kei uh leh Lalpa umdan zuitute la hitau hi.

PHILIPPI 4:4

Lalpa ah chun kipak un; ti kit ngen ing ka kipak un.

GALATIA 5:22

Himaleh, Thagau ga chu, hepina, kipakna, chamna, dawtheina, nunnemna, phatna, ginumna,

ROMTE 9:2

Ka lunggil sung ah hin lungngaina leh lunggimna bei theilo ka nei zing hi.

SAM 119:75

Aw Lalpa, la thutannate a dik hi ti leh, la ginumna’n lei hi’genthei sek ahi, ti ka hechian tai.

SAM 69:20

Mi ei gensiatna ziakin ka tha a sia’n, nasa tak in ka lungkham hi. Ei hepi ding ka hawl in, khat chale a um puai; ei thamuan ding ka hawl in, khat chale ka mu zo puai.

SAM 35:10

Ka gu leh châng zosia hin: “Aw Lalpa, nang in migenthei chu, a la’n zaw guallote lak ah kipat in la hukdok in, genthei leh tasamte amau hi’gampa lak ah hukhingpa, nangma gual kua a hem um ngai,” hun ti’n au.

SAM 9:14

nangma pâkna zosia chu hiatsak ing ka tin; Zion chanu kotkhakte ah chun, lei hukdawna ziak ah ka lim theina dingin.

PHILIPPI 2:26

a damlo thu la la het ziak un a lungkham ma ma ziang ah, nanghaw zosia a hun thangai ma ma ziang hi.

LUKA 2:10

Vansawlchâk chun a kiang un, “Lau kiu inla, ngai tiam un, mi zosia â ding ah chanchin kipak um tak ka hun tut hi.

LUKA 1:47

“Ka hinna hin Lalpa a chawihoi ah; ka thagaule ka Hukdampa Pathian ah chun, a kipak ma ma hi;

MATTHAI 26:37

Ahi’n, Peter leh Zebedai chapa panite chu a pui ah, hung lungngai in a lunggim ma ma a.

ISAI 61:10

Lalpa ah chun nasa tak ah kipak in, ka pumpi’n ka Pathian chawihoi ing ka; ama’n hukdamna puan in ei thuam in, dikna puan ei khû ta’n, pâkkhi vui ah mopa a kithuam gual leh, mo chu sana kijem gual in, ei jem ta’ngal a.

1 PETER 3:17

Thil phalo hiziak ah thok sâng in, Pathian phasak lam ahi chun, thilpha hiziak ah thok chu a pha zawi.