1 PETER 1:2 - PATHIAN LEKHABU THIANGTHO (BSI)

² thu mang ding leh, Jesu Khrista thisan thêkhum ding ah Thagau in a sukthian, Pa Pathian hetlawk gual ah têlte kiang ah, la chung un hepina leh chamna um ta hen.

1 PETER 1:2 Referans Kwoze

2 THESSALONITE 2:13

Lalpa ah suapi doitakte haw, Thagau Thiangtho leh thutak ging ah hi’thiantho ah hukdam ah um dingin, a tîl ah kipat Pathian in a hun têl ziakin, la chung thuu hin vang Pathian kiang ah kipak thu gen zing ding him ka hiu.

1 PETER 1:22

Thutak mat ziak ah la hinnau la sukthiantho tâk ziak un, kihepituana dik tak la nei thei tau a; lunggil tak in kihepitua chiat tau in.

HEBRAITE 12:24

chuleh, thuthung thak palai Jesu, Abel thisan sâng ah thu phazaw gen ding ah thisan kithe’na kiang lam ah hung khawmte la hizaw ngal un.

ROMTE 11:2

Pathian in a hetlawkte a hiziak un, a mite chu a pâmpai puai. Elijah khan Israel chung thu ah Pathian kiang ah thu a tutna thu, Pathian Lekhabu’n a gen kha helo la hiu em?

2 PETER 1:2

Pathian leh I Lalpau Jesu Khrista hetna ah chun, la chung un hepina leh chamna hi’pun in um ta hen.

NASEPTE 2:23

zia pa ngei, Pathian in a gêl zawsa leh a hetlawkna dungzui ah la khut ua piakdaw ah um chu nanghaw’n dan pawlam ah umte khut in kros ah khenden in, la that tau a.

ROMTE 16:26

ahi’n la, tu’hun ah hung kipuangdok leh kumtuang Pathian thupiak dungzui ah, jawlneite’n lekha zik mang ah, ginna thuzopna um dawsak theina ding a ti, Jentelte kiang ah hiatsak ah um, a hun hi’hat thei Pathian–

2 TIMOTHI 2:10

Ziaziakchun, têlte ziak ah chun bangkim in ka thuak zo hi; chutia, amau inle Khrista Jesu ah hukdamna chu, kumtuang lopina chu tawh a mutheina ding un.

1 KORINTH 6:11

Nanghaw lak ah khenkhat zia gual mi chu la hisek un. Himaleh, Lalpa Jesu Khrista min leh, I Pathian Thagau ah chun silthian la hitau ah, hi’thiantho leh thiam chang la hitau hi.

MARKA 13:27

Ziatak chuleh a vansawlchâkte hun sawl intin, a mi têlte kawl kil li sung ah umte chu lei langkhat ah kipat in van tawp tiang in hun lakhawm in a.

MARKA 13:20

Lalpa‘n zia hun chu hi’chom lo vang leh, mihing him him dam in suakcha pua’n au; himaleh, ama’n a têldawte ziakin a hun chu a sukchom ahi.

HEBRAITE 10:22

lungthim dik tak pu’n, ginna kihetchianna bukim chu nei in, I lunggil sia leh pha hetna chu suthiang in, I taksau le tui thiang ah sil in, ama chu nai hitiu.

ROMTE 16:19

La thu mat dan uh mi zosia lak in a kithang tangal a. Ziaziakchun, nangmau chung thu ah ka kipak hi; ahi’n, thilpha lam ah la pil ua, thil phalo lam ah la mawl uh ka dawi hi.

ROMTE 8:33

Pathian mitêlte chu kua’n hêk thei ding a hem? Thiam chansakpa chu Pathian ahi ngal a.

LUKA 18:7

Pathian chun, a mi têlte sun leh jan ah ama kiang ah thûm leh mau ah umte chu, phuba lâkpiak lo in jaidaw zing ding a hem?’ a tia.

MATTHAI 24:24

Messiah lêmte leh jawlnei lêmte hung pawt intiu in, melchikna leh tepte’na thupi tak tak le hun etsak in au; hithei vang leh têlchuamte hial le thep zaw hun gua’n au.

MATTHAI 24:22

Zia ni chu sukchom hilo vang leh, mihing kuama a suakcha umlo ding ahi; himaleh, têlchuamte ziakin zia ni chu sukchom hiding ahi.

DAN LEKHABU 7:6

Lalpa la Pathian uh â dingin nam thiangtho la hiu ah; Lalpa la Pathian uh gochan bîk leh a mipi hi ding ah khawvel nam zosia lak ah kipat a kitêl chuamte la hi’ngâl un.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

HEBRAITE 11:28

Chatil thatpa chun, Israelte chatil haw a sukkhak lona ding in, ginna ziak in Chiakân kût chu mang in thisan a the’ hi.

ROMTE 15:16

Chanchinpha ah thiampu nasepna lam ah chun, Jentelte kiang ah Jesu Khrista nasêmpa ka hi’theina dingin; chutichun, Jentelte kipiakna chu pom tâk leh, Thagau Thiangtho ah sukthiantho a hitheina ding in.

ROMTE 8:13

Taksa dan ah la um zing uh chun thi ngei ding la hiu; himaleh, Thagau ah chun taksa thilhi’te la thâ zing ua leh vang hing in lau.

ROMTE 1:7

Rom khua Pathian doichuam tak, mithiangthote hiding ah ko zosiate kiang a chun: Pathian, I Pau leh Lalpa Jesu Khrista kiang ah kipat hepina leh chamna la kiang un um ta hen.

ROMTE 1:5

Ama ziakin hepina leh sawlchâk hi’na chu, a min ah namtin lak ah ginna thu awina ziakin I nei chiat tau ahi.

NASEPTE 15:18

zia zosia chu khawvel siam lim ah kipat, Pathian in a la hiatsak ahi tai,’ ti’n a la gen hi.

DANIAL 4:1

Lengpa Nebukadnezar in khawvel pumpi ah mi zosia, nam zosia leh pau zosia kiang in: Nasa tak ah maljawl in um tau in!

ISAI 65:22

Midangte chênna ding bep in Insa ta pua’n au; midangte nêk ding bep in thâi chîng ta pua’n au; ka mipite dam kum chu thing dam chan hita’n a; tichun, ka mi têlchuamte chun a khut sepgimna man uh, sawt tak tak chên ta ding ahi ngal un.

JUDA 1:2

jangaina leh chamna leh hepina chu buting tak in um ta hen.

HEBRAITE 5:9

Chutichun, sukbukim ah um in, a thu awi tapote â dingin kumtuang hukdamna siampa,

KOLOSSA 3:12

Chutichun, Pathian mi têl, mithiangtho leh doitakte gual in lainatna lungthimte, hepinate, kingaitawmnate, thunuaigolnate leh thok-hatnate chun kivan tau in;

2 KORINTH 10:5

Lungthim ah ngaitua kawm ah mi nialna leh Pathian do-na ah kigêl thilsâng tak te chu suchim in, lungthim ngaituana zosia chu suak ah pui in Khrista thu ka nunsak sek ui.

ROMTE 11:28

Chanchinpha lam thu ah chun, nangmau ziakin amau chu Pathian mêlma a hung hiphot un; himaleh têl hi’na lam thu ah chun, a pu le pateu jal in vang a doitakte a hiu hi.

NASEPTE 20:32

Chuleh, tu’hin chu Pathian leh a hepina thu, a sukthianthote zosia lak ah hun siam piting thei leh golua ah hun siam ding, zia thu chu vopdet zing dingin ka hun kolsak la hiu.

TITA 1:1

Paul, Pathian suak leh Pathian ngaisakna lam ah thutak hetna leh Pathian mi têl, ginna dungzui ah Jesu Khrista sawlchâk chun,

1 KORINTH 1:30

Nanghaw vang ama ziakin Khrista Jesu ah chun la um un; ama chu Pathian kiang ah kipat ei uh â ding ah pilna, dikna, sukthianthona leh tatna ah siam ahi.

MARKA 13:22

Messiah lêmte leh jawlnei lêmte chu hung um intiu in, tepte’na leh thilmak lamdang tak tak hun mu sak intiu in, thei vang leh teldawte natiangle thep zaw gaw ding a hiu.

MATTHAI 24:31

Pengkul gi nasa tak tawh, a vansawlchâkte hun sawldok intin, kawl kil li ah kipat, van tawp langkhat lam ah kipat a langkhat lam tiang in, a mi têlchuamte chu hun lakhawm in au.

ISAI 55:7

mi nunsia chun a siatna lampi chu haisan hen la, mi diklo chun a ngaituana phalo haisan ta hen; Lalpa lam ah hung kile’kit hen, a chung ah ja’ngai in a. I Pathian kiang lam un hung kit uh hen, ama’n a la ngaidam ma ma ding ahi ngal a.

2 JOHAN 1:13

La suapinu têl chate hin chibai a hun bûk ui.

2 JOHAN 1:1

Upa chun, têlchuam ah um Numei leh a chate, thutak jal ah ka ngainat, keima bep hilo ah, thutak he zosiate’n a ngainat uh kiang ah chun:

DANIAL 6:25

Ziaphatchun, Lengpa Darius in, khawvel pumpi mi zosia, nam zosia leh pau zosiate kiang in lekha a zik ta’n: La lak un vangphatna sukpun in um ta hen!

ISAI 65:9

Jakob ah kipat suan leh pâk pian dawsak ing ka tin, Judah ah kipat in ka mualte lua ding siam ing ka; ka têlchuamte chun go chu lua in, ka suakte chu zia tak ah chun chêng ta’n au.

THIAMPUTE LEKHABU 1:5

Bawngchal chu Lalpa ma ah thalup hi’ntin; chuleh, Aron cha thiampute chun a thisan chu chawi in, biakbûk kotbul ah mâichâm chu a the’khum ding uh ahi.

1 PETER 1:14

Cha thumangte gual in, la hetlo lai ua la nopnateu ah um talo in;

1 PETER 1:19

belamno dem kâilo leh buak kâilo gual ah, Khrista thisan lûl ah tat la hiu, ti la he ngal un.

1 PETER 1:20

Ama chu leilung siam masang ah guatlawk hisa, hun nunung lam ah nang uh ziak ah hilat ahi tai.