1 PETER 1:13 - PATHIAN LEKHABU THIANGTHO (BSI)

¹³ Ziaziakchun, nasem dingin la lungthim uh kisazo unla, kisawizoi un; Jesu Khrista kilâk phat leh hepina hung tung ding chu lungthuai lo in kineppi zing un.

1 PETER 1:13 Referans Kwoze

1 PETER 5:8

Pilvâng tak in chingthei un; la mêlmau Diabol chu sakeibaknei kitum gual in a nêk ding hawl in a vâk vêl vêl hi.

LUKA 12:35

La kawng uh gâk unla, la thaumei uh vâksa’n um un;

1 PETER 4:7

Himaleh, thil zosia tawpna chu a nai tai, ziaziakchun, la pauchap theina ding un lungthim dik tak pu’n chingthei un.

1 PETER 3:15

la lunggil un Khrista chu Lal in koi un. Nangmau ah um kinepna chu min a hung dot ua leh, dawnhu thei ngal dingin, thunuaigol leh ja tak kawm in kisazo zing un.

HEBRAITE 9:28

Ziaziakchun, Khrista chu mi tam tak gitlona ziakin khatvei piak in a um ta’n; a niveina’n gitlo paw ding hitalo in, ama a la ngâkte hukdam dingin hung kilang kit ding ahi.

1 JOHAN 3:3

Kuale, zia kinepna nei taphot chu ama a thiantho gual in a kisuthiangtho sek ui.

2 TIMOTHI 4:8

Tu’hin dikna lallukhuk chu kei â ding ah koisa’n a um ta’n, zia chu Lalpa, vaihawmpa dik tak chun zia ni chuleh ei pia ding ahi; kei kiang bep ah hilo in, a kilâkna ngâkte zosia kiang inle.

EPHESA 6:14

Ziaziakchun, ding unla, la kawng uh chu thutak in gâk unla, diktatna awmphaw chun kithuam un.

1 KORINTH 1:7

I Lalpa Jesu Khrista kilâkna ngak zing kawm in, thilpiak him him ah la tasam puau hi.

LUKA 17:30

Mihing Chapa a hung kit ni phat leh le zia gual chu hiding ahi.

HEBRAITE 10:35

Ziaziakchun, la kingaknau chu haisan kiu in; kipakman nasa tak a um ngal a.

HEBRAITE 6:19

Zia kinepna chu hinna kuang tukdetna in I nei un, muan um leh det tak ahi, zia chu puanjak sung inle a lut tai.

HEBRAITE 3:6

Himaleh, Khrista chu vang ama Insung in Chapa hi’ in a ginum hi; ama I muan ngamnau leh ama ah I kinepnau ah kipakna chu I tukdet zing ua leh ama Insung mite chu I hiu.

2 TIMOTHI 4:5

Nang vang chingthei tak in umzing in, haksatnate thuak inla, chanchinpha gen in pang zing inla, la nasepna chu mualsua ta’n.

1 KORINTH 13:13

Tu’hin, zia pathum: Ginna, kinepna leh hepinate hi a um zing un; ziate lak ah thupi pen chu hepina ahi.

ROMTE 13:13

Sûn ah khawsa gual ah pha tak in um hitiu; zudawn buai leh zukham ah umlo in, hûk leh kidoicha umlo in, kina’ leh kithangsia umlo in;

JOB LEKHABU 40:7

Pawsalpha gual in la puan chêng pha’n la, hun dong ing ka tin, ei dawnhu in.

2 THESSALONITE 1:7

Lalpa Jesu van ah kipat vansawlchâk hat takte tawh meikuang ah a hung kilâk phat leh, nang uh gimthuak ah umte chu kei uh tawh chawldamna ei piak ah,

JEREMIAH 1:17

Nang vang, la kawng gâk in kisa zo in tho inla; la kiang ah ka thupiak zosia kha a kiang un vagen in. Amau chu ki’cha kin la, achutiloleh, a ma-âng un hun sudawilok ding ka hi.

ISAI 11:5

Dikna chu a kawnggâk hi’ntin, ginumna chu tâigâkna’n mang in a.

1 LENGTE 18:46

Himaleh, Lalpa chun Elijah a hun suhat ah; a kawng a gâkchak ah, Ahab tunma’n Jezreel khua lutna chan a la tai tung tai.

PAWTDAWNA THU 12:11

Zia gual ah hin la ne diu ahi: la kawng uh gâksa, kengtaw butsa, khut ah tiangkhut chawisa’n, an chu kin tak ah la nêk diu ahi; zia hi Lalpa Chiakân Kût chu ahi.

JOB LEKHABU 38:3

Kipawsalsak tak in la kawng hun gâk inla, hun dong ding ka hi’n, lei dawnhu ding ahi.

2 LENGTE 4:29

Gehazi kiang ah chun, “La kawng gâk det in, ka tiangkhut kha chawi in la, chia in. Mi la kituakpi leh le chibai bawl malam kin, mi khatto in chibai a hun bûk guat leh le limsak kin; chuleh ka tiangkhut hi naupang mai chung ah vazam in,” a tia.

LUKA 17:8

Zia chu timalak sâng in, ‘Ka nêk ding ei bawl piak inla, puan chêng inla, ka nêk ka dawn zaw masia ei zen in, ziazaw chuleh ne’n la dawn na’n la’ kua a hem tilo ding?

ROMTE 8:19

Thilsiam zosia chun kinem tak in Pathian chate kilatna ding chu a ngakla ma ma tangal un;

KOLOSSA 3:4

Khrista I hinnau chu a hung kilat phat leh, nang uh le ama tawh lopi in kilang ding la hiu.

1 PETER 1:10

Zia hukdamna, hepina la kiang ua hung tung ding a la genlawk jawlneite khan a la sui in, gun tak in a la hawl tau hi.

1 PETER 5:12

Ka suapi ginum tak ah ka ngainat, Silvana khut in, nang uh tilkhau ah, zia chu Pathian hepina tak tak ahi ti hia’n, chomcha la kiang un ka hun zik hi; zia chun ding det un.

MATTHAI 20:4

ziate kiang ah chun, nang uh le grep huan ah vakuan unla, a kilawm kham hun pena’ng ka, a tia. Amau chule a vakuan tau a.