Biblia Todo Logo
Bib sou entènèt

- Piblisite -




1 PETER 1:12 - PATHIAN LEKHABU THIANGTHO (BSI)

12 Amau â ding hilo in, nang uh â ding ah sêmgim a hiu ti hiatsak a hiu hi. Zia thute chu van ah kipat sawl Thagau Thiangtho jal ah chanchinpha hun hilte’n a hun hil tau hi; zia thilte chu vansawlchâkte’n le a het nop uh ahi.

Gade chapit la Kopi




1 PETER 1:12
56 Referans Kwoze  

Himaleh, Genpiakpa, Pa ah kipat ka hun sawl ding, thutak Thagau chu a hung tun phat leh, keima chanchin ma hi hun taklang ding ahi.


Chutia, Pathian pilna zosia chu van mun ah lalna leh thuneinate kiang ah, kochuamte mang ah tu’hun ah hiatsak ahi’na dingin.


Zia chu Pathian in a Thagau ah chun I kiang un a tâklang tai; Thagau chun bangkim a hawldok sek ah; ahi, Pathian thugil takte le.


Chanchinpha a kiang ua gen ahi gual ma khan eihaw kiang ah le gen ahi ngal a; himaleh, a hiatteu chu a ginnau tawh a zop lo ziak un, a kiang ua thu kigente chu a phatchuampi puau hi.


Tichun, a kiang un, “Khawvel zosia’n chiau inla, thilsiam zosia kiang in chanchinpha vagen un.


himaleh, Lalpa thu ahileh vang, kumtuang in a um zing hi,” ti zik gual ah khan. Zia thu chu la kiang ua chanchinpha hung kigen kha ahi.


Chun, ka et leh, lalchutpha leh thilhingte leh upate kîmvêl ah chun, vansawlchâk tamtakte aw ka he; a tam dan uh chu a sîng ah sîng mun sâng tam tak leh, a sâng a sâng mun sâng tam tak a hiu a.


thianthona, hetna, dawtheina, chitna, Thagau Thiangtho leh hepina tak tak ah te;


Ama chun ei tepte ah, I lung sung un khâmlawkna Thagau ei pia ta ahi.


Pathian Thagau thilhitheina leh, thilmakte leh tepte’na lopi takte chu mang in, Jerusalem ah kipat in Ilirikam leh a tuamvêl ah chun Khrista chanchinpha chu ka gen suak tai.


Ziaziakchun, tu’hin ama chu Pathian khut changlam ah choisa’n ah um in, Pa ah kipat Thagau Thiangtho hun sawlna ding thutiam chu chang in, a hun sawl tha ta’n, zia chu tu’ ah la muu leh la het uh hi ahi.


Himaleh, nang vang, a tawp tiang in chia inla, chawldam ta’n; zia mite a bei nung ah hin la kipakman sâng dingin hung thokit ding la hi’ngal a,” ti’n ei hun ho tai.


Ama’n ka kiang in, “Danial, chia mai ta’n; zia thute hi huntawp lam masia îm ah châlbit tâk di phot ding ahi.


Pathian in tepte’na leh thilmak chi chuam chuam leh, ama’n pha a sak dungzui ah Thagau Thiangtho thilpiakte chu a piakbe nalai a.


Jentelte lak ah a chanchinpha ka gen theina dingin, a chapa chu lungdam tak ah keima ah a kilatsak lai khan, taksa leh thisan tawh kiho hilo in,


Mihing ah kipat ka mu le ahi diak pua’n, mi ei hil le ahi diak pua’n, Jesu Khrista kilâkna ziak ah ka mu a hi zawi.


Sawl a hilo ua leh bangti’n thu gen thei ding a hiu em? “Chanchinpha hun tuntute keng chu a mêlpha na lawm lawm e!” ti zik gual ah khan.


Zia chun, Pathian dikna chu ginna ah kipat ginna ma ah taklat in a hung um tai: “Midik chu ginna’n hing in a,” ti zik gual ah khan.


Ka hil la hiu, zia gual ma chun, Pathian vansawlchâkte ma ah chun migilo pakhat lungheina ziakin kipakna a um sek ahi, a tia.


Ziazaw chun, Jesu’n a pa kiang in, “Aw he Pa, lei leh van Lalpa, mi pilte leh mi thiamte kiang in la thu hi la îm ah, mi mawlte kiang ah la gen zawk ziakin ka kipak hi.


A dik tak in Lalpa Pathian in a suak, jawlneite kiang ah thugûk hil masa lo in, bangma a bawl ngai puai.


Bawsiatna sukbutinna ding, gitlo’na sukbeina ding, bawlkhialna thoidamna ding, kumtuang ah dikna lâklutna ding, kilâkna leh thugenlawkna tepte’na ding leh mun thiangtho pen sathaunu’na ding in, la mipite leh la khawpi thiangtho chung ah hapta sawmsagi sung guat ahi.


Suapite haw, ka sepgim dan uh leh ka chawl dan uh la hezing ui; la lak ua kuama â dia puakgik ka guanlona ding un, sûn leh jan ah na sêm in, Pathian chanchinpha ka hun hil uh ahi.


Tichun, a kipandok ua, chanchinpha chu gen malam pek in khuate chu a fang un, mun tin in damlote a hi’dam malam pek tau hi.


Lalpa Messiah chu a mu masangsia thilo ding ahi dan, Thagau Thiangtho chun a la hiatsak a.


Jesu’n a kiang in, Simon, Jonah Chapa, la hamphai! Taksa leh thisan in a hun hiatsak a hipua’n, van ah ka Pa’n a hun hiatsak ahi zawi.


Tu’hin, ka Pa chun thil bangkim ei kolsak hi. Pa longal in kuama’n Chapa hi a hepuau in: Chapa tilo ngal kuama’n Pa chu a he diak puau hi. Ziaziakchun, chapa’n a taklatnate bep in Pa chu a hiau hi.


Chun, David Inkuan ah mite leh Jerusalem ah chêngte chung in, lainatna leh thûm piakna thagau buntha’ng ka tin; tichun, a la sut uh a mu phât ua leh, min a chapa neisun a sûn gual leh, a chatil a kâ khum gual un sûn ta’n au.


Persia Lengpa Kuras a lal kum thumna’n, Danial, Belteshazzar a tiu kiang in thu khat taklat in a hung um a. Zia chu thudik tak, kidona nasa tak hung um ding thu ahi. Mulawkna thute hiatthiamna neisa ahi ziakin, zia thu chu a hechian ma ma ziang hi.


Ziaphatchun, mithiangtho khat in thu a hun gen ah, zia thugenpa kiang ah chun, a dang khat in a hun dawnhu kit chu ka hia’n: “Hâlmang thillat thu leh thil phalo bawl ziak ah nutsiana leh mun thiangtho leh van hotu tawdenna la mu kilâkna hi bang chan hiding a hem?” a hun tia.


Lengpa chun Danial kiang in, “La Pathian chu pathiante zosia Pathian leh, leng zosiate chung ah Lalpa leh thugûk zosia taklangpa chu ahi ngut ngei hi, nang in zia thugûk chu la hun tâklang thei ta mai in!” a tia.


Thugil leh kisêlgute a tâklang in, thim ah umte le a hia’n, a kiang in vakna a um hi.


Ziaphatchun, jan mang in Danial kiang ah zia thugûk chu hiatsak in a um ta’n; tichun, Danial in van Pathian chu a chawihoi tai.


chung lam ah kipat Thagau but khum I hung hi masangsiau, gamkeu gam chu gampha hung suak intin, gam phatna munte chu gammâng ah ngai hung hi’n a.


Ka hilna thu hi ngaisak un; ka lungthim la lak un hun gendok ing ka tin, ka thute chu hun hiatsak ing ka.


Cherubte chu ki-ângngat in ja’ngaina chutpha chu a thau ah lia in, a chung ah chun jak khum gêl in au. Ja’ngaina chutpha lam chu Cherubte chun a âng ngat gêl ding uh ahi.


Ziate zosia chu ginna nei in, thil tiam vang mu man lo in a la thi tau a; himaleh, zia chu gamla tak ah thîl in, a la thi tau hi. Lei ah hin malzin leh khualzin mai a hiu ti a hiatsak zo tau in;


Ka thu gensawn uh kua’n a taksang awm? Chuleh, kuate kiang in Lalpa khutbân chu, tâklat in a um em?


Chutichun, keima ah um gual in nang uh Rom khua mite kiang ah le chanchinpha ka theitawp ah gen dingin ka kisa zo zing ahi.


Zia kilâkna chu a hun mu phât in, Lalpa‘n chanchinpha gen ding ah zia lam ah chun ei ko ahi ngei hi, ti ka het tâk ziak un, Makedonia lam ah gâl kâi dingin ka kisa tau a.


Peter in zia thute a gen zing lai ah chun, a thugen ngaitha zosiate chung in Thagau Thiangtho a hung tung ta’n.


Chun, amau chun Lalpa thu chu a hiatsak ua, a gen zaw phat ua chun Jerusalem khua a chia kit un; Samaria gam ah mite khua tam tak in chanchinpha a gen pek ui.


A pauchap zaw phat ua chun, a kikhopkhawmnau mun chu a hung kilîng ah; a leng un Thagau Thiangtho in a hung dim tau a, hangsan tak in Pathian thu a gen tau hi.


Ziaphatchun, Peter chu Thagau Thiangtho ah dim in, a kiang un, “Mipi vaihawmte leh upate haw,


Ziazaw nung ah chun, mi zosia chung in ka thagau buntha’ng ka tin; la chapateu leh la chanuteu in hillawk intiu in; la têkseteu in mang in mat intiu in, la tangvalteu in kilâkna mu’n au.


Nial gual lo hial in, I ginnau thugûk uh chu a lopi hi: “Ama chu taksa ah suklat, thagau ah thiam chansak, vansawlchâkte mu ngei, Jentelte lak ah tângkopi, khawvel pumpi ah taksan, lopina ah lâk to ah um ahi,” ti hi.


Ziaziak hin ahi, tu’ ah thisate kiang ah chanchinpha a la gen uh, taksa ah um mihingte gual ah vaihawm in a um ua, thagau ah vang Pathian gual ah a hintheina ding un.


Swiv nou:

Piblisite


Piblisite