1 PETER 1:11 - PATHIAN LEKHABU THIANGTHO (BSI)

¹¹ Khrista Thagau amau ah um chun, Khrista thokna ding leh, zia zaw ah lopina hung um dingte chu a la hiatsak lawk lai ua khan, a ni leh hun ding hetdaw a la guau a.

1 PETER 1:11 Referans Kwoze

2 PETER 1:21

Thu genlawk him him hi mihing thu pawt ahi ngai pua’n; mite’n Thagau Thiangtho sawl in, Pathian ah kipat a muu ah a gen uh ahi zaw sek hi.

ROMTE 8:9

Nanghaw vang taksa um la hita puau in, Thagau ah um la hizaw tau hi; ziaziakchun, nangmau ah chun Pathian Thagau chu a chêng hi. Kua’nle Khrista Thagau a neilo chun ama mi ahi puai.

ZEKARIAH 14:9

Chun, leilung pumpi’n Lalpa chu leng hung hita’n a; zia hun chuleh Lalpa leh a min bep chu biak hita’n a.

THILSIAM THU 49:10

Laltiang chu Judah lak ah mang pua’n tin, vaihawmna laltiang chu a kêngkâl ah kipat bei diak pua’n a;

THILSIAM THU 3:15

nang leh numei hun kidosak ing ka tin, ama suan leh nangma suanle kidosak ing ka; ama’n la luchang vaw thidup intin, nang in a akkhawmit chu thidup in la,” a ti tai.

THUPUAN 19:10

Ziaphatchun, a kengbul ah bok khup ah biak ding gua’n ka nai leh ama’n, “Hi’kin, keima le Jesu hiatsakna thu nei ah, la suapi leh la suak chanpi ka hi; Pathian bep chu bia’n; Jesu thu hiatsak chu thagau ah thugen hi ahiziak in,” a tia.

GALATIA 4:6

Chuleh, chate la hi tâk ziak un Pathian in a Chapa Thagau chu, “Abba, He pa,” ti ah kiko in, I lung sung un a hun sawl ta ahi.

JOHAN 12:41

Zia thute hi Isai in a lopi dan a mu’n, a kiang ah thu a gen lai ah kha a la zik ahi.

LUKA 24:44

Chuleh, a kiang un, “La lak ua ka um lai ah thu ka gen sekte kha zia thute hi ahi, Mosi dan leh Jawlneite leh Pâkna La te ah ka chungchâng thu a la kizik gual ah, bangkim hung guitung ding ahi, ka ti te kha,” a tia.

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

ISAI 49:6

Israelte lak ah a suakcha sunte tundin kit ah, Jakob namte photdin kitna ding ah, ka suak ah la pan hi thil bailam ahi puai; kawlkil tiang ah mite kiang chan ah, ka hukdamna a tun theina dingin, namtin salvâk dingin hun siam ding ka hi.

ZEKARIAH 13:7

“Aw chemjam, hung tho inla, ka belampu leh keima ei kithuapipa chu hun sât in,” sepai honte Lalpa chun a ti ahi. Belam honte a taijak theina ding un belampu chu sât inla; a note chung ah ka khut tha ta’ng ka.

MATTHAI 26:24

Mihing Chapa hi a chung thu kizik gual gual ah um ding him ahi; himaleh, Mihing Chapa matsak dingpa chung hi a gik hi! A la piang lo hileh ama â dingin pha zaw’n a,” a tia.

NASEPTE 16:7

Musia gâl lam a tun phat un, Bithunia gam ah lut a guau a; himaleh, Jesu Thagau in a phal pua’n;