1 LENGTE 2:1 - PATHIAN LEKHABU THIANGTHO (BSI)

¹ David thi’na ding a nai phatin, a chapa Solomon chu thu a hil ah, a kiang in:

1 LENGTE 2:1 Referans Kwoze

THILSIAM THU 47:29

Israel thi’na ding hun a nai phatin, a chapa Joseph a ko ah, a kiang in, “Tu’hin, la doisakna ka chan ahi chun, ka malpi nuai ah hin la khut hun gol inla, ginum tak leh dik tak ah ei enkol dingin thu tiam in, Aigupta gam ah hin ei vui kin la;

DAN LEKHABU 31:14

Lalpa‘n Mosi kiang in: “La thi ni ding a nai tai; Joshua ko inla, mawpuakna ka piak theina dingin, kikhopna biakbûk ah hun pui in,” a tia. Tichun, Mosi tawh Joshua chu kikhopna biakbûk ah chun a vachia tau a;

2 TIMOTHI 4:6

Kei vang tu’hin le latdaw ah um zing ka hita’n; ka chia hun a hung tung tai.

2 TIMOTHI 4:1

Pathian mit mu leh Khrista Jesu, a thite leh a hingte vaihawm piak ding pa mit mu leh, a hung kilâkna ding leh a lenggam chu minsial in, ka hun tîl la hi:

1 TIMOTHI 6:13

Pathian, thil bangkim hinna pepa leh Khrista Jesu, Pontia Pilat ma ah puandawna pha puangpa âng in thu ka hun pia ahi:

1 TIMOTHI 1:18

Ka chapa Timothi, la chungchâng ah genlawknate tawh kituak in zia thuhilnate hi ka hun pia ahi; tichun, ziate chu la zui ah, kidona pha chu la do theina dingin.

DAN LEKHABU 31:23

Chuleh, Lalpa‘n Nun chapa Joshua chu mawpuakna a pia’n, a kiang in: “Hat tak leh hangsan tak in um in. Israel mipite hi a kiang ua ka kipautiamna gam ah chun pui lût ding la hi’ngâl ah; hun umpi zing ding ka hi,” a tia.

DAN LEKHABU 3:28

Himaleh, Joshua hi thu pia’n la, tîl hangsan in. Ama hin zia mipite hi pui gâl kâi in, la mu ding gam zosia chu luasak ding ahi ngâl a,” a ti’n.

KISIMNA LEKHABU 27:19

ama chu thiampu Eleazar tawh mipi zosia ma-âng ah chun dinsak in; a leng ua mit mu in thu pia’n.

DAN LEKHABU 33:1

Pathian mi matchâk Mosi in a thi masang in zia a nuai ah maljawlna gual hin Israelte chu a maljawl a:

2 SAMUEL 7:12

La dam sung nikhua a hung butin ah, la pu leh pate kiang ah la i-mut tak leh, la nung ah um ding suan leh pâkte hun pia’ng ka tin, nangma khâlbe ma ma ah kipat hung piang chun a lenggam hun sudet ding ahi.

1 LENGTE 1:53

Lengpa Solomon in mâichâm ah kipat vapuidok dingin mi a sawl ah. Ama chun Lengpa Solomon chu ja’na a hun pia; Solomon in a kiang in, “La In lam ah chia ta’n,” a ti tai.

1 KHANGTHU 22:6

Ziaphatchun, David in a chapa Solomon chu a ko ah, Israelte Pathian, Lalpa In sak piak dingin thu a pia tai.