1 KHANGTHU 5:2 - PATHIAN LEKHABU THIANGTHO (BSI)

² Judah chu a suapite lak ah chungnung pen leh ama ah kipat leng chi pawtdok maleh, u’pa hi’na vang Joseph a chang tai.)

1 KHANGTHU 5:2 Referans Kwoze

MATTHAI 2:6

‘Aw, nang Judai gam ah Beth-lehem khua, Judai gam ah thuneite lak in neupen pua’n la; la sung ah kipat in vaihawmpa hung pawt ding ahi ngal in, ka mi Israelte chingpa ding chu,’ ti hi,” a tiu a.

MIKAH 5:2

Himaleh, nang Ephrath ah Beth-lehem, Judah phungneute lak ah khat himale chinle, nangma ah kipat in Israelte vaihawm piak ding, mi pakhat hung pawt ding ahi ngal a; a hung kipatna chu nidang lai ah, khanglui hun ah kipat ahi.

HEBRAITE 7:14

I Lalpau hi Juda nam ah mi ngei ahi, ti a kilang a; zia nam lak ah hin Mosi’n thiampu hi’na ding thu a gen khâk lo ziak ahi.

SAM 60:7

Gilead gam chu kei â ahi’n, Manasseh gam le kei â ahi; Ephraim chu ka thîk lukhuk ahi’n, Judah chu ka lal tiang ahi.

SAM 108:8

Gilead gam kei â ahi’n, Manasseh le kei â ahi; Ephraim chu ka thîk lukhuk ahi’n, Judah chu ka lal tiang ahi.

THUPUAN 5:5

Ziaphatchun, upate lak ah pakhat chun, “Kap kin, Juda nam ah mi, sakeibaknei, David phunggui ah mi chun, lekhabu tepte’na chu tham ding leh phêt thei dingin zawna a chang tai,” a hun tia.

ROMTE 8:29

Pathian chun, a Chapa chu unau tam tak lak ah cha piang masa pen ahi’theina dingin, a hetlawkte chu a Chapa gual hiding in a guatlawk a.

2 SAMUEL 8:15

Tichun, David in Israelte zosia chung in vai a hawm ta’n; chuleh, David in a mipi zosiate chung ah thudik leh doichuam nei lo in vai a hawm a.

1 SAMUEL 16:12

Tichun, a kosak ah, a hun puilût ua leh; ama chu dam mêlpu tak, mit chîm tak leh mêlpha tak ahi. Lalpa‘n Samuel kiang in, “Zia pen hi ahi; kipan inla, sathaunu’ in,” ti’n a hun hil a.

1 SAMUEL 16:10

Jesse in a chapa pasagite chu Samuel kiang in a sawl chiat ah, Samuel in Jesse kiang ah chun, “Ziate lak ah khat cha hile Lalpa‘n a têl a um puai,” a tia.

1 SAMUEL 16:1

Samuel kiang ah Lalpa chun, “Saul hi Israelte leng a hi’na kipat ka paithâk ziak ah bang chan lungngai ah um ding la hi em? La sathau bûk ah sathau sungdim in la kipan in; Beth-lehem khua Jesse kiang ah hun sawl ing ka tin, a chapate lak ah kei â ding ah leng ah pang ding ka mudok ta’ngâl in,” a hun ti tai.

VAIHAWMTE 1:2

Lalpa‘n a kiang un, “Judah kuan to hen; ngaitia, a gam chu ama khut in ka pia ta ahi,” a tia.

JOSHUA 14:6

Ziaphatchun, Judah Inkuante chu Gilgal mun ah Joshua kiang in a vachiau ah; Keniz Inkuan ah mi, Jephuneh chapa Kaleb chun a kiang in, “Kadesh-barnea ah Pathian mi Mosi kiang ah khan Lalpa‘n keima leh nangma chung thu ding a gen kha la henai.

KISIMNA LEKHABU 7:12

Phung tin ah luchang zosia’n a kibang chiat ah kithoina thillat, a bân bân in zia gual hin a hun choi tau a. A thillatteu chu: Mun thiangtho ah kimang shekel dungzui ah te’ in, shekel za leh sawmthum ah gik dangka thîk kuang khat chiat, shekel sawmsagi ah gik dangka thîk kuangdal khat chiat, an thillat ding chângbuang nêl pha tak, sathau tawh helsa a dim chiat tawh; chuleh, shekel sawm ah gik sana kuangdal khat chiat, a dim ah gimtui um tawh; chuleh, hâlmang thillat ding bawngchal khat tawh kêlchal khat chiat; kum khat ah upa belamno khat chiat tawh; gitlo thoina ding kêlchal pakhat chiat tawh; kichamna thillat ding bawngchal pani chiat, belamchal panga chiat, kêlchal panga chiat; kum khat ah upa belamno panga chiat tawh, zia gual hin a bân bân in a hun chawi tau a: A ni, phung min, puitu min leh a pateu min chiat chu:

KISIMNA LEKHABU 2:3

Sualam, nisa sua’na lamkai ah chun Judah phung ah mite’n, a pawl pawl in giamun a bawl diu ahi. Judah phung ah lamkai ding chu Amminadab chapa Nahshon hi’ntin,

THILSIAM THU 49:26

La pa maljawlnate hi ei suante maljawlnate sâng in, kumtuang Tângsipte leh, kumtuang tângte gamgi maljawlna sâng in a nasa zaw ahi: ziate chu Joseph luchung in um hen la, a suapite lak ah khendan ah umpa liangko ah chun um ta hen.

THILSIAM THU 35:23

Leah chate chu: Reuben (Jakob cha upa pen,) Simeon, Levi, Judah, Issakhar tawh Zebulun a hiu a;

THILSIAM THU 25:31

Jakob in, “Cha upa la hi’na ei chawksak phot in,” a tia.

THILSIAM THU 48:5

Ziaziakchun, la chapate ni, Aigupta gam ah la kiang ah ka hung ma’ la neite hi kei â a hiu: Ephraim tawh Manasseh hi, Reuben tawh Simeon gual ma in kei â a hiu a;

1 KHANGTHU 28:4

Ahi’n la, Israelte Lalpa Pathian chun, ka pu leh pate Inkuan zosia lak ah kipat in, kumtuang ah Israelte chung ah leng hiding in ei la têl ta’n; ama chun Judah phung lak ah chunle ka pa Inkuan a têlchuam ah, ka pa Inkuan lak inle Israelte zosia chung ah leng hi dingin a chate zosia lak in keima ei têlchuam kit nalai hi.

DAN LEKHABU 21:17

A doi lo zawknu tawh a chapau himaleh, a chapa upa pen ahi ziakin, a nei zosia lak ah a chan uh le’ni in a chan chuang ding ahi; a cha masa pen hi’na ziakin upa hi’na chu a chang him him ding ahi.

DAN LEKHABU 33:17

Ama chu bawngchal piang masa pen gual ah ja’um hita hen! A kîte chu jangsial kî gual hi hen la, a kîte chun nam tin phil hen la, khawvel gam tin ah thejâk ta hen. Ephraim suan ah mi a sîngtêl leh, Manasseh suan ah mi a sangtêlte thil chan hi hen.