1 KHANGTHU 4:10 - PATHIAN LEKHABU THIANGTHO (BSI)

¹⁰ Jabez in Israelte Pathian min a ko ah, “Ei maljawl in la ka gamgi ei kêklet piak in; chuleh, la khut in ei umpi zing hen la, ei hi’na thei lak ah kipat in ei veng ta hen!” ti’n a don a, tichun, Pathian in a dotna chu a lawtinsak tai.

1 KHANGTHU 4:10 Referans Kwoze

THUPILTE 10:22

Lalpa maljawlna chun a hihausa sek in, lungngaina a belap ngai puai.

JEREMIAH 33:3

Ei ko in, chutileh hun dawnhu ing ka tin, la het ngai lo thil thupi takte leh kisêlgute hun hil ding ka hi.

ISAI 41:10

lau him him kin, ka hun umpi zing hi; lung lau kin, la Pathian ka hi’ngâl a. Hun hi’hat ing ka tin, hun panpi ding ka hi; ka zaw’na khut changlam in, hun domsâng ding ka hi.

EPHESA 3:20

Tu’hin, eimau ah sêm sek thilhitheina gual in, I dot leh I ngaituana zosiau khêl ah lopi zaw ah hitheipa kiang ah chun,

SAM 119:173

La khut chu ei panpi ding ah kisa zosa’n um hen, la thununna thute chu ka têl ta ngal a.

2 TIMOTHI 4:18

Lalpa chun thil phalo ei dote zosia lak ah ei hukdok intin, a van-gam chu bit tak in ei tun in a. Ama kiang ah chun lopina kumtuang in um ta hen. Amen.

JOHAN 10:28

Chuleh, a kiang un kumtuang hinna ka pia’n, bangtik chan inle mangthai pua’n au. Kuama’n ka khut ah kipat ei lâkpiak pua’n au.

EPHESA 1:3

I Lalpau Jesu Khrista Pa leh Pathian chu pâk in um ta hen. Ama chun van mun ah te’n thagau lam maljawlna chitin in Khrista ah chun ei maljawl a,

SAM 21:4

Ama’n hinna a don ah, kumtuang, kumtuang ah dam sawtna la pia tai.

ISAI 41:17

Migenthei leh chagate’n tui a hawl phat uh leh, bangma a mu ding uh umlo ah, dangchâk ziakin a lei uh chu a keu zaw tak leh; Keima Lalpa hin dawnhu ing ka tin, Keima Israelte Pathian hin amau chu nusia lo ding ka hi.

SAM 55:16

Ke’n vang Pathian ka ko ah, Lalpa‘n ei hukdok ding ahi.

1 KORINTH 1:2

Korinth khua Pathian kochuam, Khrista Jesu ah sukthianthote, mi thiangtho hiding ah ko hite leh mun tin ah I Lalpau, eimau Lalpa leh amau Lalpa, Jesu Khrista min lam tapote kiang in:

THILSIAM THU 33:20

Zia tak ah chun mâichâm a siam ah, a min in, El Elohe Israel a sak tai.

THILSIAM THU 12:2

Nam lopi tak in hun siam ing ka tin, hun maljawl ing ka tin, la min hi’lian ing ka; tichun, nangma chu maljawlna hi’n la;

THILSIAM THU 48:16

siat theina zosia lak ah ei humbitpa vansawlchâk chun, naupangte hi maljawl ta hen; keima min tawh, ei suante Abraham tawh, Isak min chu amau ah kipat in het zing in um ta hen; lei chung ah hin nasa tak ah hung khang in, hung pung tau hen,” a tia.

SAM 99:6

A thiampute lak in Mosi leh Aron a pang un; a min lamte lak in Samuel le a pang hi. Lalpa a ko un, a hun dawnhu tai!

SAM 72:17

A min chu kumtuang ah het zing in um hen la, nisa a um sungsia a minthanna chu um zing hen. Nam zosia ama ah chun maljawl in um uh hen la; nam zosia’n ama chu mi hampha hun tiu hen.

THILSIAM THU 32:28

Ama chun, “La min Jakob hita pua’n tin, Israel hizaw ta’n ah, Pathian tawh mihing la buan gêl ta’n, la thazo ta’ngal in,” a ti’n.

SAM 65:2

Aw, pauchapna ngaithapa! La kiang ah mi zosia hung tau hen.

THILSIAM THU 32:26

Ama chun, “Ei tha in, khua vak ding a hita hilam,” a tia. Jakob chun, “Lei maljawl lo leh tha’lo hial ding ka hi,” a tia.

THUPILTE 30:8

Ka mantheilona leh, zuautheina him him ei lâk mang piak inla; chatgana a hem leh neinunna, a khoi zawk zawk hile ei pe kin; ka mamaw jat an chun ei vak zaw’n;

SAM 51:8

Limna leh kipakna ei hiatsak inla, ka gu la gawtnawite hi lim kit tau hen.

JOB LEKHABU 12:4

Ka gualte nuizatbûk ka hi; keima, Pathian ko ah a dawnhu sek, midik leh demna bei hi’ngâl in, mi nuizatbûk ka hi tai.

1 SAMUEL 1:17

Ziaphatchun, Eli in, “Thamuang tak in chia ta’n; Israelte Pathian in la dotna chu a hun lawtin tai,” ti’n a dawnhu a.

THILSIAM THU 12:8

Zia kipat chun Bethel sak lam tâng tiang in a kichawn ah, zia tak ah chun a puanbûk a jak ah, tumlam ah chun Bethel a um ah, sualam pang ah chun Âi khua a um hi; zia tak ah chun Lalpa â dingin mâichâm a siam kit ah, Lalpa min chu a ko tai.

SAM 51:12

La hukdam limna chu ei pia kit inla, la thu mang zing thei dingin ei vop in.

ROMTE 12:9

Hepina chu dawha panglo hihen la. Thil phalo chu huau inla, a pha chu tudet tau in.

NASEPTE 3:26

Pathian in a suak chu a tundaw lai in, la bawsiatnateu la hun haisan ua, a hun maljawl kit theina dingin, nanghaw kiang in a hun sawl masa ahi, ti’n a gen a.

ROMTE 16:19

La thu mat dan uh mi zosia lak in a kithang tangal a. Ziaziakchun, nangmau chung thu ah ka kipak hi; ahi’n, thilpha lam ah la pil ua, thil phalo lam ah la mawl uh ka dawi hi.

MATTHAI 6:13

Gilo ding ah thepna hun in ei puilût kin la, gilo lak in ei hukdok zaw’n: Gamte, thil hi’theinate, lopinate, kumtuang in nang â ahi, Amen,” ti in.

1 KHANGTHU 16:8

Aw Lalpa kiang ah kipak thu gen in, a min thiangtho chu ko unla; nam tin lak ah a thil bawlte hiatsak tau in.

THUPUAN 3:19

Ka lungsiatte chu ka gai sek ah, ka thunun sek hi; ziaziakchun, phatchuamngai inla, la lung hun hei ta’n.

EPHESA 4:30

Ahi’n, Pathian Thagau Thiangtho chu hi’lungngai kiu in; tatna ni ding ah chun ama ah chun tepte la hi tangal un.

JOHAN 21:17

A thumveina chun, “Simon, Johan chapa, nang in kei lei hepi em?” a ti kit a. Peter chu, a thumveina, “Nang in lei hepi em?” a ti ziak ah chun a lungthim a na ta’n; a kiang in, “Lalpa, nang in bangkim la he hen, ka hun hepi hi ti le la hia’i,” a tia. Jesu’n a kiang in, “Ka belamte vâk in;

LUKA 19:42

“La thamuanna ding ah thil hung tung chu, tuni bêk ah hin he ta mai lechin aw! Himaleh, tu’hin la mit ah kipat sêlmang in a um tangal in.

MATTHAI 26:75

Ziazaw chun, Peter chun, Jesu thugen, “Âk khua’n ma’n nang in thumvei ei kilepsan ding la hi,” a ti kha a hun hedok ah; a pawt in, ha kâ in a vakap tai.

1 KHANGTHU 4:9

Jabez chu a suapite lak in a ja’um pen ah; a nu’n, “Nat gimpi tak ah ka hin ahi,” a ti ziakin, Jabez min chu a phuak ahi.

1 KHANGTHU 4:11

Shuhah suapipa Khelub in Mekir a hing ah, ama chun Eshton a hing hi.

THILSIAM THU 28:20

Jakob in, “Pathian ka kiang in a um ah, zia ka chiana lampi hi ei vên ah, nêk ding vaithum leh sil ding puansil Lalpa’n ei piak ahi chun,

THILSIAM THU 28:21

ka pa In lam ah lungmuang tak ah ka chia kitna dingin, Lalpa chu ka Pathian hi’ntin;

THILSIAM THU 32:27

Ama chun, a kiang in, “La min bang a hem?” a tia. Ama’n, “Jakob ahi” a tia.

1 SAMUEL 1:20

A hun tak in Hannah in nau a hun vopah, chapa a hun hing tai. A nu chun, “Lalpa kiangah ka dotdaw ahi,” a ti ziakin a min in Samuel a sa tai.

1 SAMUEL 1:26

Chuleh, a nu chun, “Aw he pu! Ka Lalpa hinna sâl in ka ti ahi; kei hi Aw Lalpa, zia tak ah la kiang ah hung ding ah Lalpa kiang ah pauchap kha ka hi.

1 SAMUEL 1:27

Zia naupang hi donah pauchap ka la hi’ngâlah; chuleh, Lalpa‘n a kiang ah ka dotna chu ei law tinsak ta ahi.

SAM 121:7

Lalpa‘n thil phalo lak ah kipat in hun vêng intin; la hinna voptup in a.

SAM 145:19

Ama laute lungtup chu a lawtin sek in; a kiko thawm uh hia’n a hukdok sek hi.