1 KHANGTHU 21:3 - PATHIAN LEKHABU THIANGTHO (BSI)

³ himaleh, Joab chun, “Lalpa‘n a mipite chu a le za khat in hi’pung ta hen! Ka Lalpa lengpa, a leng un ka Lalpa suakte ngen hilo a hiu em? Bang ding ah ka Lalpa‘n sim gua a hem? Bang ding ah Israelte chungah thiam mawna chuksak gua la hi em?” ti’n a dawnhu tai.

1 KHANGTHU 21:3 Referans Kwoze

DAN LEKHABU 1:11

Lalpa, la pu leh pateu Pathian chun a le sâng mun sâng ah tam zaw in hun hi’pung hen la, a hun tiamsa dungzui in mal hun jawl ta hen!

ISAI 48:19

la hin la choite chu piaunêl gual ah tam in, la suan leh pâkte chule suangchang jat hita’n au; a min uh thaimang in um ngai pua’n tin, ka ma-âng ah kipat hi’mangthai in, umlo ding hive’n.

ISAI 26:15

Aw Lalpa, nang in namte la hi’pung ah, namte nang in la hi’pung tai; nangma chu chawihoi in la um tai; nang in gamgi zosia la kêklian tai.

THUPILTE 14:28

Mipi tamna chu lengte lopina ahi’n; mipi a um lo chun leng chate chu a mangthai ui.

SAM 115:14

Lalpa‘n hun hi’pung hen la, nang leh la chate le.

1 KHANGTHU 19:13

Hangsan tak in pang unla, I mipiteu leh, I Pathian uh khawpite humbitna dingin theitawp sua in pang hitiu; Lalpa‘n a chung un a nop dan dan in bawl mai ta hen,” ti’n a gen tai.

1 LENGTE 14:16

Israelte gitlo sak in gitlona a bawl ui; Jeroboam gitlonate ziakin Israelte chu thipsan ta ding ahi a tii, a tia.

1 SAMUEL 2:24

Ahipuai, ka chate haw; Lalpa mipite lakah la chanchin uh kithang ka la hiatte hi a pha puai.

PAWTDAWNA THU 32:21

Mosi chun Aron kiang in: “Zia mipite hin la chung ah bang a bawl ziak ua, zia gual lawm lawm ah gitlona huaisia hi a chung ua la tunsak ziang a hem?” a tia.

THILSIAM THU 20:9

Chuleh, Abimelekh in Abraham a ko ah, a kiang in, “Ka chung ua la thilbawl hi bangtidan a hem? La chung ah bang bep ka hi’khial ah, kei leh ka mipite chung ah hin thil phalo tak la hun tut a hem? Bawl lo ding chi tak ka chung ah la bawl ahi tai,” a ti’n.

1 KHANGTHU 21:4

Himaleh, lengpa chun Joab chu a nial zo ta’n, tichun, Joab chu a kuandok ah, Israelte zosia lakah chia zo in Jerusalem a hung tung kit tai.

PAWTDAWNA THU 30:12

“A min uh khum ding ah Israelte la sim phat leh, Lalpa âng ah mi tin in kitatna, min khum hun ah chun a bawl chiat ding uh ahi; a min uh khum ahiziak ah a chung ua natpi a tunlona dingin.

JOSHUA 22:15

Gilead gam ah Reubente, Gadte leh Manasseh phung kimkhatte kiang a hung tun phat un, a kiang un,

2 LENGTE 12:7

Ziaziakchun, Lengpa Jehoash in thiampu Jehoiada chu thiampu dangte haw tawh a ko lut ah, a kiang un, “Bangziak ah, In chu siamphalo la hiu em? Ziaziakchun, dangka hun pete ah kipat la ta kiu in, In siamphatna dingin pedok zaw tau in,” a tia.