1 KHANGTHU 21:1 - PATHIAN LEKHABU THIANGTHO (BSI)

¹ Israelte kilanpi dingin Setan a hung kipan ah, Israel mipi bulu dingin David a hun chokphûl ta’n.

1 KHANGTHU 21:1 Referans Kwoze

ZEKARIAH 3:1

Chuleh, thiampu lianpen Joshua, Lalpa vansawlchâk âng ah ding leh, ama dodâl ding Setan chule a changlam ah ding chu ei etsak a.

JOB LEKHABU 2:1

Ni khat chu, Pathian chate chu Lalpa kiang in a hung kilâk tau ah, Setan chule Lalpa kiang ah kilâk dingin a hung a.

THUPUAN 12:10

Chun, van ah kipat aw ngai tak ka he: “Tu’hin a hung tung tai; I Pathian Hukdamna, thilhitheina leh, a Khrista thuneina’n; I suapite hêkpa, I Pathian ma ah sûn leh jan ah amau hêkpa kha, paithâk in a um tangal in.

HEBRAITE 10:24

Hepina leh nasep pha ah kitîlhat in kikhoksak tua chiat hitiu.

NASEPTE 5:3

Peter chun, “Ananiah, Thagau Thiangtho thêm ding leh gam zok man hun tiang chu îm ding ah, bang ziak ah Setan in la lungthim hi’dim a hem?

JOHAN 13:2

Chuleh, jan an a nêk lai un, diabol in Simon chapa Juda Iskariot lung sung in ama matsakna ding lungthim a la koi zo ta’n.

LUKA 22:31

Lalpa chun, “Simon, Simon, ngaitia, Setan in bungel ah a hun ngel theina ding a hawl hi,

LUKA 11:53

A chia daw phatin, lekhazikte leh Pharisaite chun nasa tak in a hun lang bawl tau a; ama nialna ding thu tam tak a hun ngaitua tau a,

MATTHAI 4:3

Thêmpa chu a hung ah, a kiang in, “Pathian Chapa la hileh zia suang hi vaithum suak dingin thu pia ta’n la,” a tia.

JAKOB 1:13

Kuama’n patepna a tuak lai in, “Pathian in ei thep ka hi,” ti ki’hen; Pathian chu gitlona thep gual a hipua’n, ama’nle kuama a thêm ngai pawngal a.

1 KHANGTHU 20:8

Ziate lawi hi, Gath khua miliante suan haw lakah mi a hiu a; David leh a sepaite khut ah thalup in a um sik sek tau hi.

1 KHANGTHU 27:24

Zeruiah chapa Joab in mipi chu sim a gua’n, himaleh, a sim suak zo puai; ahiziak in, zia chungchâng ah hin Israelte chung ah lungnatna a hung kuanjak tak ziakin, Lengpa Chanchin zikna lekhabu ah chun ziklut in a um ta puai.

PAWTDAWNA THU 30:12

“A min uh khum ding ah Israelte la sim phat leh, Lalpa âng ah mi tin in kitatna, min khum hun ah chun a bawl chiat ding uh ahi; a min uh khum ahiziak ah a chung ua natpi a tunlona dingin.

1 KHANGTHU 7:40

Ziate haw hi Asher suante lak ah a pu leh pateu Inkuan tin ah hotute, mi hat leh gâldo hangsan ah têldaw chuam ah umte, a hotuteu lak ah le a min nei deute chu a hiu ah. A khanggui kizikna dungzui ah, gâlkuan ziang thei ding ah umte chu sîng ni leh sang guk a hiu hi.