1 KHANGTHU 19:6 - PATHIAN LEKHABU THIANGTHO (BSI)

⁶ Ammonte chun David huat lam tak ah thil a la bawl tau ti a kihet phat un, Hanun tawh Ammonte chun Mesopotamia, Aram-maakah leh Zobah ah mite sakol kângtalai leh sakol sepaite gawina dingin dangka thik talent sang khat a thot tau hi.

1 KHANGTHU 19:6 Referans Kwoze

1 KHANGTHU 18:9

Hamath khua lengpa Tou in, Zobah khua lengpa Hadadezer sepai zosia chu David in a zo tai ti thu a het phat in,

1 KHANGTHU 18:5

Zobah khua lengpa Hadadezer panpi ding ah Damaska khua Aram mi hung kuante chu David in Aram mi ngen sîng ni leh sang ni a that hi.

2 SAMUEL 10:6

Ammonte chun a chung un David a lungdam puai ti a het phat un, Ammonte chun Beth-rehob leh Zobah ah Aramte keng sepai sîng ni tawh, Maakah lengpa sepai sang khat tawh, Tob mite sepai sîng khat leh sang ni a chial tau a.

THILSIAM THU 34:30

Jakob in Simeon tawh Levi kiang in, “Nang un zia gam ah chêng, Kanaan mite tawh, Periz mite huat ah ei umsak in, lei hi’lunggim ma mau hi. Ka mite hi tawmcha bep ahi ngal un; ei do dingin hung pung khawm taleu, ei that gam ziang ding ahi ngal un: kei leh ka Inkuante sukmanthai in um mai ding ka hi’ngal un,” ti’n a gen a.

1 THESSALONITE 4:8

Ziaziakchun, a khawksa lo chun mihing khawksa lo a hipua’n, Pathian, nangmau ah Thagau Thiangtho pepa chu khawksa lo ahi zawi.

LUKA 10:16

Kuale nang uh thu ngai tapo chu keima thu ngai hi’n tiu in; nang uh hun musit chu keima ei musit hi’n au; kuale keima ei musit chu ei sawlpa musit ahi, a tia.

SAM 46:9

Ama’n kawl kîmvêl tiang in kido’na a hi’thip a; thalpi lawi bong in, cheicha a thiakbong ah; phawte chu mei in a hâl tum hi.

SAM 14:3

Lam dik ah kipat in a pêt mang suak tau a, a leng un a pêt mang chiat tau hi; kuama thilpha bawl a um ta puau a, pakhat chale a um ta puau hi.

2 KHANGTHU 27:5

Ammon lengpa a do ah, a zo ngâl hi. Ammonte chun zia kum sung ma ma chun dangka talent za khat tawh, gehu bu kor sîng khat tawh, barli bu kor sîng khat a piau hi. A kum ni’na leh a kum thumna tiang in zia gual chun Ammonte chun a pezui nalai ui.

2 KHANGTHU 25:6

Ziate bân ah chun, Israel gam ah mihat minthang le nuai khat zet chu dangka talent za khat in a goi hi.

2 KHANGTHU 18:9

Zia lai tak ah chun Israelte lengpa tawh Judai gam ah Lengpa Jehoshaphat chu a leng puan ua kithuam in, lalchutpha’n a kichu gêl un; Samaria kul kotkhak zawn tak ah mun thawveng khat ah kichu a hiu ah. A ma-âng un jawlnei zosia chun thu a genlawk chiat un.

2 KHANGTHU 18:5

Tichun, Israelte Lengpa chun jawlneite chu a ko khawm ah, mi za li a hung khawm tau ah; a kiang un, “Ramoth-gilead do ah vakuan to ding I hiu em, kuan lo ding?” ti’n a dong a. Amau chunle, “Kuan to in, lengpa khut ah Pathian in hun pia ding ahi ngâl a,” ti’n a dawnhu tau a.

2 KHANGTHU 18:3

Israelte Lengpa Ahab in Judai gam ah Lengpa Jehoshaphat kiang ah chun, “Ramoth-gilead lei hung do pi diam?” ti’n a chialah. Ama chunle, “Kei leh nang, ka mite leh la mite chu pumkhat I hiu hilam. Gâl chu do khawm ding I hi puau em!” ti’n a dawnhu a.

2 SAMUEL 8:3

David in Euphrates luipi lam ah a gam tepte’na tungding kit ding ah a kuanna lam in, Zobah gam ah Rehob chapa, Leng Hadadezer chule a do malam hi.

1 SAMUEL 27:12

Akhish in David chu a taksang ma ma ah, “A chipi Israelte â ding ah huat um tak ah a kisiam tâk ziakin, ka suak in um den ta ngei in ah,” ti’n a ngaitua tai.

1 SAMUEL 14:47

Saul in Israelte chung ah leng hi’na a chan phat ah chun, a lang a lang ah a mêlmateu a do ta’n; ziate chu: Moab, Ammon, Edom, Zobah lengpa leh Philistinte a hiu ah; a kiheina lam lam in a zo pek a.

1 SAMUEL 13:4

Saul in Philistin gâlveng sepaite chu a zo tai, ti leh, Israelte chu Philistinte â ding ah muda um tak a hitau ti a het phat un, mipi zosia chu Gilgal ah Saul panpi dingin a kodok tau hi.

PAWTDAWNA THU 5:21

A kiang un, “Lalpa’n hun en hen la, la chung un vaihawm ta hen; Pharaoh leh a suakte mit mu ah huat um tak in lei siam tâk ziak un: a khut ua kei uh thâna ding chemjam la choisak ta’ngal un,” a tiu a.

1 KHANGTHU 19:5

amau chu a hung kit tau ah. A chanchin uh David a hil phat un, amau chu a zakcha ma ma a hiu ti a het phat in lengpa chun mi a sawl ah: “La khamul uh a sau kit masia Jeriko khua’n hung um tadiu in la, ziazaw chuleh hung bep un,” ti’n a gen tai.