1 KHANGTHU 17:9 - PATHIAN LEKHABU THIANGTHO (BSI)

⁹ Ka mipi Israelte â ding mun ka guat piak ah a chên det tak uh leh, tu’ma gual ah khan thil phalo bawlte’n subuai in tawden ta pua’n au.

1 KHANGTHU 17:9 Referans Kwoze

THUPUAN 21:4

Tichun, Pathian in a mit ua kipat mitthite chu, thiak hul ta’n tin; thina um ta pua’n tin, lungngainate, kânate, natnate le um ta pua’n a; thil lui zosiate chu a bei tai,” a tia.

EPHESA 5:6

Kuama’n thu manlo in hun thêm kiu hen; ziate ziak ah hin thu awilo chate chung ah Pathian lungnatna a tung sek hi.

EZEKIEL 28:4

la pilna leh hetthiamna ziakin, hausakna chitin, sana leh dangka la gobawm dim in la kikhol khawm hi.

SAM 44:2

la khut in nam dangte la deldok a, amau la phu ta’n; namdangte la hi’genthei ah, amau vang la maljawl hi:

PAWTDAWNA THU 2:23

Chomkhat zaw in Aigupta lengpa chu a thi ta’n. Israel chate chu a saltânnau ah chun a thûm un, a kap tau a. A saltânnau ah a kâ thawmteu chu Pathian kiang a tung ta’n.

AMOS 9:15

A gam un phu ing ka tin, a gam ding uh ka piak ah kipat chun bawdaw kit hita pua’n au, ti’n Lalpa, la Pathian un a gen hi.

EZEKIEL 37:25

La pu leh pateu a la chênnau, ka suak Jakob kiang ah ka piakna gam ah chun chêng intiu in; a kum a khua’n amau leh a tu leh a chateu tiang in chêngden ta’n au; chuleh, ka suak David chu kumtuang in a lal uh hita’n a.

EZEKIEL 34:13

Namtin lak ah kipat in puidok ing ka tin, gam tin ah kipat pui khawm in, amau gam ma ma ah pui tung ding ka hi; tichun, Israel tângte leh tui luanna mun leh, mihing chênna mun zosia’n amau vâk ta’ng ka.

JEREMIAH 32:41

Amau â ding ah thilpha bawl chu ka lung lam hita’n a; tichun, zia gam ah hin ka lungthim leh ngaituana zosia tawh, ginumna’n phudet ta’ng ka.

JEREMIAH 24:6

Amau chu a phatna ding un entha zing ing ka tin; chuleh, zia gam ah hin hun puitung kit ding ka hi. Tungding kit ing ka tin, suchim kit talo ding ka hi; phu’det ing ka tin, botdok ta pua’ng ka.

ISAI 61:3

Zion ah lusûnte â ding ah, leivui thasâng ah pakchavui pia ding leh, lusûn ah nguina thasâng ah, kipakna sathau pia ding leh, lungthim ngaituana sawlsam thasâng a, pakchatna puan pia ding in ei sawl ka hi. Tichun, a lopina etsak ding ah dikna gangpi thing, Lalpa thingkung phute ti hung hita’n au.

ISAI 60:18

La gam sung un thagum sua’na hetphâk hita pua’n tin, kisuksiatna leh siat kibawlna him him, la gamgi sung un hetphâk hita pua’n a; la kulbâng uh chu Hukdamna, la kul kotkhakteu chu Pakchatna hun ti ta’n lau.

ISAI 49:17

Nang hun hi’sete sâng in, a hun sa’thakte chu a hatzawu a; tichun, nang hun chomnâmte chun, a hun taisan tau hi.

SAM 92:13

Amau chu Lalpa In ah kiphut a hiu in, I Pathian biak In huang sung ah chun, no let lut in au.

SAM 89:22

A mêlmate’n tuk pua’n tiu in; mi nunsiate’n le a tawden ngai puau hi.

1 KHANGTHU 17:8

la chiana lam lam in ka hun umpi pek ah, la âng ah la mêlmate zosia ka tha gam piak pek in; chuleh, khawvel ah mi minthang te lak ah la min chu pakhat hisak ding ka hi.

1 KHANGTHU 17:10

Tichun, ka mipi Israelte chung ah vaihawm ding ka koi ah kipat in, la gâlteu zosia hun zo dim dem ding ka hi tai. Zia bep chule hilo in, Lalpa‘n nang a dingin In hun sak piak ding ahi tile ka hun hil hi.