1 KHANGTHU 16:3 - PATHIAN LEKHABU THIANGTHO (BSI)

³ numei hi’n pawsal hileh, Israel mipi zosia lak ah chun, kibang chiat in vaithum pei khat chiat, sabâk khat chiat leh grep-ho ah vaithum kisiam tangkhat chiat a hawm tai.

1 KHANGTHU 16:3 Referans Kwoze

EZEKIEL 45:17

Israel Inkuante â ding ah nibîk zosia, kût nite, tha thak nite, sabbath nite ah hâlmang thillat ding, thâi thillat ding, dawnchi thillat ding zosia chu, vaihawm lengpa mawpuakna ahi. Ama’n a gitlo thoina ding, thâi thillat ding, hâlmang thillat ding leh kichamna thillat ding zosia tuak in, Israel Inkuante zosia kitatna a bawl ding ahi.

NEHEMIAH 8:10

Chuleh, a kiang un, “Chiau inla, an tui pen ne’n, uain thum tak chu dawn unla; bangma neilote â dinginle a chanvo ding uh thot piak un; zia ni hi I Lalpau â ding ah ni thiangtho a hi’ngâl in; lungngaina’n mang kiu in, Lalpa kipakna chu la hâtnau ahi ngâl in,” ti’n a gen a.

1 PETER 4:9

Phunchiak lo in kizintun tuau inla;

2 KHANGTHU 30:24

Judai gam ah Lengpa Hezekiah in mipi kikhawmte kithoina thillat ding in: bawngchal sang khat tawh, belam sang sagi a pia’n; a khawnbawlte chun mipi kikhawmte â dingin bawngchal sang khat tawh, belam sang sagi a piau hi. Thiampute le tam tawk tak chu a hung kisuthiangtho tau hi.

1 KHANGTHU 16:2

David in hâlmang kithoina leh kichamna kithoina a lat zaw phatin, Lalpa min in mipite chu a maljawl a;

1 KHANGTHU 16:4

Chuleh, Levite lak ah mi khenkhatte chu Lalpa thuthung thingkuang enkol ding, kipak thu gen ding leh Israelte Pathian, Lalpa pakcha ding in a guat chuam hi.

SOLOMON LÂ 2:5

Grep ho in ei hi’no inla, epul in ei hi’hal kit in; jawlgûk ngai ah damlo ka hi ve’i.

ISAI 16:7

Ziaziakchun, Moab patau hen la, mitin in Moab sûn in, patau chiat tau hen. Kir-hareseth khawpi grep ho ah vaithum kisiam a nêk lai niteu kha, lungthim ngui tak in sûn uh hen; lungdonna tawp khawk a tuak tau hi.

HOSEA 3:1

Lalpa‘n ka kiang in, “Chia inla, Israel mite’n pathian dang kiang lam ah ei kiheisan in, grep ho vaithumte ngaina ziang maleu, Lalpa‘n amau a hepi tei tei gual in, jawlsai leh ângkawm lai numei pakhat vahepi in,” a ti kit a.

1 LENGTE 3:15

Solomon a hung thawdaw phatin, a mang lam a la hita’n. Jerusalem in a hung ah, Lalpa thuthung thingkuang âng ah chun a ding ah, hâlmang thilatte leh chamna thillatte a la’n ah, a suakte zosia â dingin luaithe’na a siam piak tai.