1 KHANGTHU 11:5 - PATHIAN LEKHABU THIANGTHO (BSI)

⁵ Jebus khua mite chun David kiang in, “Zia khua hi la hunglut lo ding ahi,” ti’n a la nang un, himaleh, David chun tu’hun ah David khawpi kiti Zion kulpi chu a lak piak tei tei a.

1 KHANGTHU 11:5 Referans Kwoze

THUPUAN 14:1

Ka et leh, Belamno, Zion tâng ah ding leh, A min leh a Pa min a chal ua kizik, mi nuai khat sîng li leh sang li te tawh ding ka mu’n.

HEBRAITE 12:22

Himaleh, Zion tâng, Pathian hing khawpi, van Jerusalem, vansawlchâk simsênlote umna;

ROMTE 9:33

“Ngai in, Zion ah kipalna suang leh, dâlna suangpi ka koi in, kuale ama ging tapo chu mualpho pua’n au,” tia kizik gual khan.

SAM 132:13

Lalpa chun Zion a la têl ta ngal a; ama chênna mun dingin a dawi ziakin:

SAM 122:5

Zia tak ah chun, vaihawmna dingin, lal chutphate chu daw ahi hen; David Inkuante lal chutpha ngei chu ahi.

SAM 87:5

Zion chungchâng thu ah chun zia gual hin gen in au: “Zia pa hi tawh zia pa saw zia tak ahi piang a hiu,” ti’n au. Chungnung Penpa chun zia chu a phudet ahi ta’ngal a.

SAM 87:2

Lalpa‘n Zion kotkhakte chu, Jakob chênna mun zosia sâng inle a ngaina zawi.

SAM 78:68

Judah nam chu a têl zaw ta’n, a ngainat ma ma Zion tâng ngei chu.

SAM 48:2

A tâng thiangtho sândan chu a kilawm in, zia chu khawvel pumpi kipakna, Lal lopi tak khawpi Zion tâng chu mallam pek in a um hi.

SAM 9:11

Zion ah um Lalpa chu pâk in La sau in. A thilbawlte nam tin kiang ah puangjak un.

SAM 2:6

“Keima ngei in ka tâng thiangtho Zion ah, ka lal chu ka chutsak ta ahi,” ti in.

2 KHANGTHU 5:2

Ziaphatchun Solomon in, Israel upate leh phung tin ah hotute leh Israel mipite lak ah a pu leh pateu dungzui ah phung u’pate zosia chu, David khawpi Zion ah kipat Lalpa thuthung thingkuang vapawdok dingin Jerusalem khua chun a ko khawm in,

1 KHANGTHU 11:7

David chu kulpi sung ah chun a chêngden ta’n; ziaziakchun, David khawpi a kiti khawlaw ta’n ahi.

1 LENGTE 8:1

Ziaphatchun, Solomon in Israel upate leh phung tin ah luchangte zosia leh, Israel phung upa Inkuante lak ah hotute chu, David khawpi Zion ah kipat Lalpa thuthung thingkuang vala to dingin, Jerusalem ah Lengpa Solomon ma-âng in a ko khawm a.

2 SAMUEL 6:12

Pathian thuthung thingkuang ziakin Obed-edom chanaute leh a nei a lamteu chu Lalpa‘n a malzawl hi, ti Lengpa David kiang ah a hil tau a. Tichun, David chu a kuan ah, Obed-edom In ah kipat Pathian thuthung thingkuang chu David Khawpi ah kipak tak in a vapaw ta’n;

2 SAMUEL 6:10

Tichun, Lalpa thuthung thingkuang chu David khawpi sung ah a puak lut nop lo phatin Git mi Obed-edom In ah chun a koi zaw tai.

2 SAMUEL 5:9

David in kulpi chu a lua den ta’n, a min inle David Khawpi a sak tai. Millo ah kipat in khawpi sung tiang huap in David in khawpi kul ding chu a siam tai.

1 SAMUEL 17:36

La suakpa hin sakeibaknei leh savom bang jat a hem that ta ka hi; zia zektanlo Philistin mipa hile, Pathian hing sepaite a cho dan tak hi, ziate gual ah chun bawl ding ka hi,” ti’n a dawnhu a.

1 SAMUEL 17:26

David in a kiang ah dingpa kiang ah chun, “Aleh, zia Philistin mipa, Israelte simmawpa hi that thei mi kiang ah chun, bang bawl piak ahi diam? Zia Pathian hing sepaite chopa hi khoilam zektanlo Philistin mi a hia hem?” ti’n a dong a.

VAIHAWMTE 19:10

Himaleh, mipa chu zia jan chu a giak nuam ta pua’n; a kipan ah, a chia ngâl ta’n, Jebus (zia chu Jerusalem ahi) khua jawn chu a tung tau a. A sabiltung te’ni tawh, a thâikêmnu a kipui a.

1 KHANGTHU 11:4

David tawh Israelte zosia chu a gam ah a la chêng Jebushte chênna khua Jebus, Jerusalem khua lam in a chia tau a.

1 KHANGTHU 11:6

David in, “Kuale Jebuste that masa pen chu a lal pen leh sepai hotu lian ah pansak ding ka hi,” ti’n a la gen a. Tichun, Zeruiah chapa Joab chu a kuan to masa pen in a pan ziakin a thunei pen in a pang tai.