1 JOHAN 5:19 - PATHIAN LEKHABU THIANGTHO (BSI)

¹⁹ Pathian chate I hiu ti leh, khawvel pumpi hi migilopa thunuai ah um ahi, ti I hiau hi.

1 JOHAN 5:19 Referans Kwoze

2 KORINTH 4:4

Khrista Pathian kibatpi, a lopi dan chanchinpha vâk in a salvâk theilona dingin, amau chu ahileh zia khawvel pathian hin ginglote lungthim chu a sukthûm piak ahi.

EPHESA 2:2

malai khan zia khawvel dan gual hin la um un, beingawn ah thuneina lal, thu awilo chate sung ah sêm zing pa thagau dan gual ah chun la um ui.

GALATIA 1:4

Ama chun I Pathian leh I Pau doigual ah, tu’lai khawvel gilo tak lak ah kipat ei hukdaw theina dingin, I gitlonateu ziakin ama ngei chu a hung kipiak tâk ziak in,

JOHAN 12:31

Tu’ ma ma hin zia khawvel hin vai a hawm hi; tu’hin zia khawvel vaihawmpa hi paidaw ah um ding ahi tai.

THUPUAN 12:9

Dragon lian, zia gulpitêk Diabol, Setan kiti, khawvel ah mi zosia thêmpa chu lei lam ah a nawtha tau a; chuleh, a sepaite le a nawtha khawm tau hi.

JOHAN 16:11

vaihawmna thu’n thiamlo chang in au, zia khawvel vaihawmpa hi a dik lo ziak in.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

1 JOHAN 5:13

Kumtuang hinna la nei ui, ti la hettheina ding un, nang uh Pathian Chapa min gingte kiang in zia thute hi ka hun zik ahi.

JAKOB 4:4

Ângkawmte haw! Khawvel tawh kijawlna chu Pathian mêlma hi’na ahi ti la hepuau em? Ziaziakchun, kuale khawvel tawh kijawl nuam chu Pathian mêlma a hisek hi.

JOHAN 14:30

Tu’khêl vang la kiang un thu tampi gen ta pua’ng ka; zia khawvel vaihawmpa hi a hung tâk ziak in; ahi’n la, ama chun keima chung in thu neina a nei puai.

1 JOHAN 5:10

Pathian Chapa gingte’n hetpina chu a lunggil un a nei chiat tau hi. Pathian ginglote’n vang ama chu juauthei a chansak tau hi, Pathian in a Chapa chanchin a hiatsak chu a gin lo ziak un.

1 JOHAN 3:24

A thupiakte zawm zosia chu ama ah a um zing un, ama le amau ah chun a um zing hi. A Thagau ei piak ah hin ama chu eimau ah a um zing hi ti I hethei ui.

THUPUAN 20:3

Lei kawkhûk tawp nei lo ah chun a pai lut ah, kot a khak khum ah, a châl det tai; tichun, namtin a thep kit lona dingin kum sang khat a tin masia um den dingin a nusia a. Zia zaw chuleh, hun sawt lo cha sung â ding bep ah thâdaw kit hiding ahi.

1 JOHAN 5:18

Kuale, Pathian hinte chun gitlona a bawl zing ta puau hi, ti I hiau hi. Pathian ah piangte chu Ama’n a vêng zing ah, migilo in amau chu a khoi thei ta puai.

2 KORINTH 5:1

I umnau lei ah In hi suksiat himaleh, van ah In, khut ah sak lo kumtuang ah um ding Pathian sak chu I nei ui ti I he ngal un.

ROMTE 8:16

Thagau ngei chun eimau thagau tawh kizom in Pathian chate I hitau hi ti ei hiatsak hi;

1 JOHAN 3:14

I kihepitua ziak ua hin, thina kipat hinna I gâl kâi tau hi ti I hiau hi. Kuale hepina neilo chu thina um zing ahi.

TITA 3:3

Eihawle malai ah khan mingol tak, thu awilo, thep zaw ah um, gilo leh mitthîp hatte, huat ah um leh kihawtua ah umte I la hiu a.

2 TIMOTHI 1:12

tu’ ah ka thoknate hile zia ziak chu ahi. Himaleh ka zak a cha puai, ka ginna ka ngakna pa chu ka hia’n; a kiang ah ka vopsak chu zia ni â ding ah chun a chingtup thei hi ti ka he ngal a.

2 KORINTH 1:12

Ka lung sung ua sia leh pha hetna dungzui ah ka suan uh chu zia hi ahi: Khawvel ah mite leh nangmau kiang ah hizaw diak in, taksa lam pilna hilo ah, Pathian thianthona leh titakna chun ka tawi uh ahi.

LUKA 4:6

diabol chun a kiang in, “Zia zosia chung ah thuneina leh a lopina hi hun pia’ng ka, ka kiang ah piak ahi tangal a, ka nop tapo kiang in ka pia thei hi.

JOHAN 17:15

Khawvel ah kipat amau ladok dingin ka don pua’n, himaleh, gitlona lak ah kipat vêng bit dingin ka don zaw ahi.

1 JOHAN 5:15

Tichun, I dot taphot uh ei ngaithâk piak hi ti I het leh, a kiang ah I dotteu chu I mu tau hi, ti I hiau.