1 JOHAN 4:4 - PATHIAN LEKHABU THIANGTHO (BSI)

⁴ Naute haw, Pathian ah kipat la hiu a, ziate chu la zo tau hi; nangmau ah um chu khawvel ah um sâng ah chun a hatzaw ngal a.

1 JOHAN 4:4 Referans Kwoze

ROMTE 8:31

Zia thute ah chun bang gen ding I hitau em? Pathian ei lam ah a pan chun kua’n ei do thei ding a hem?

1 JOHAN 5:4

Pathian ah piang tapo in khawvel hi a nuaisia sek ngal in. Chun, khawvel nuaisia ah zawna chu zia hi ahi: I ginnau hi.

ROMTE 8:37

Ei khen zo lo e! Zia zosia ah chun ei haw ei hepipa zal ah chun gâl zo te sâng ah chungnung zaw I hiu.

1 JOHAN 4:16

Tichun, Pathian in ei hepina chu I hiau ah, I gingcha tau hi. Pathian chu hepina ahi’n, kuale hepina ah um chu Pathian ah um ahi’n, amau ah le Pathian a um hi.

1 KORINTH 2:12

Thagau I chan uh hi khawvel ah kipat a hipua’n, Pathian ah kipat Thagau chu ahi zawi; tichun, Pathian ah kipat a thawn ah piak ah um, zia thilte ngei chu I hethei uh ahi.

1 JOHAN 5:19

Pathian chate I hiu ti leh, khawvel pumpi hi migilopa thunuai ah um ahi, ti I hiau hi.

1 JOHAN 4:13

Ama’n a Thagau ei piak tâk ziakin, ei uh ama ah um in, ama le eimau ah a um hi, ti I hethei ui.

EPHESA 6:10

A tawp pen in ka suapite haw, Lalpa leh a hâtna thilhitheina ah chun hat tak in um unla.

EPHESA 3:17

chuleh, hepina ah zung kai leh kinga in, Khrista chu ginna ziak ah la lunggil sung ua a chêntheina ding in.

THUPUAN 12:11

Belamno thisan ziak leh, amau thu hiatsakna ziak leh, a hinnau chu thi ngam ah îtcha lo ah a la pan ziak un, zawna chu a chang tau hi.

1 JOHAN 3:24

A thupiakte zawm zosia chu ama ah a um zing un, ama le amau ah chun a um zing hi. A Thagau ei piak ah hin ama chu eimau ah a um zing hi ti I hethei ui.

JOHAN 12:31

Tu’ ma ma hin zia khawvel hin vai a hawm hi; tu’hin zia khawvel vaihawmpa hi paidaw ah um ding ahi tai.

JOHAN 17:23

Kei amau ah, nangma keima ah la um gual in, amau pumkhat ah a hung bukim theina ding un; nang in keima khawvel ah lei sawl ahi ti leh, keima lei hepi gual ah amau le la hepi hi, ti a hettheina ding in.

1 JOHAN 4:6

Ei uh vang, Pathian ah kipat I hiu hi. Pathian he taphot chun I gen uh a ngai un, Pathian ah kipat hilote chun I gen uh a ngai nuam puau hi. Zia hin Thagau dik leh thagau dik lo chu I hekhen thei ui.

2 KORINTH 6:16

Milimte leh Pathian biak inle bang a hem kituakna a nei uh? Ei uh chu Pathian hing biak In I hingal un: Pathian chun: “Amau ah chun chêng in, a lak un vâkvêl ing ka tin, a Pathian uh hi’ng ka tin, amau le ka mite hi’n au.

1 JOHAN 2:13

Pate haw, ama a lim ah kipat um zing chu la het ziak un, la kiang un ka hun zik ahi. Tangvalte haw, migilo chu la zaw tâk ziak un, la kiang un ka hun zik ahi.

1 KORINTH 6:13

“An chu gilpi â ding ahi’n, gilpi chu an â ding ahi”; ahi’n, Pathian in hi’mangthai gêl gêl in a. Taksa hi tatsualna ding a hipua’n, Lalpa â ding ahi zawi; Lalpa chule taksa â ding ahi.

EPHESA 2:2

malai khan zia khawvel dan gual hin la um un, beingawn ah thuneina lal, thu awilo chate sung ah sêm zing pa thagau dan gual ah chun la um ui.

JOHAN 16:11

vaihawmna thu’n thiamlo chang in au, zia khawvel vaihawmpa hi a dik lo ziak in.

2 KORINTH 4:4

Khrista Pathian kibatpi, a lopi dan chanchinpha vâk in a salvâk theilona dingin, amau chu ahileh zia khawvel pathian hin ginglote lungthim chu a sukthûm piak ahi.

JOHAN 14:30

Tu’khêl vang la kiang un thu tampi gen ta pua’ng ka; zia khawvel vaihawmpa hi a hung tâk ziak in; ahi’n la, ama chun keima chung in thu neina a nei puai.

1 JOHAN 2:1

Ka chate haw, thil la hi’khial lona ding un zia thilte hi ka hun zik ahi. Ahi’n la, kua’n le thil a hi’khial chun, Pa kiang ah ei gen piak ding Jesu Khrista midik chu I nei ui.

1 JOHAN 3:20

Pathian chu I lungthim sâng un a lian zaw’n, bangkim a he suak ngal a.