1 JOHAN 4:21 - PATHIAN LEKHABU THIANGTHO (BSI)

²¹ Ama ah kipat zia thupiak hi I nei uh ahi: Pathian hepi taphot in a suapiteu le a hepi diu ahi, ti hi.

1 JOHAN 4:21 Referans Kwoze

THIAMPUTE LEKHABU 19:18

Phuba him him la lâk lo ding uh ahi, la mipite lak ah le thangsiatna gûk la vop him him lo ding uh ahi: Nangma la kihepi gual in la Invêngte la hepi ding a hizawi: Keima hi Lalpa chu ka hi.

1 JOHAN 3:11

Zia hi a lim ah kipat thu la het uh chu ahi: I kihepi tua chiat diu ahi, ti hi.

1 THESSALONITE 4:9

Ahi’n, suapite, hepina thu ah chun zik piak la ngai puau, kihepitua chiat dingin nangmau ngei Pathian in a hun hil tangal a.

1 PETER 3:8

A tawp pen in, la leng un lungthim munkhat nei in, kilainattua leh suapite kihepina leh thunuaigolna nei in um un.

GALATIA 5:14

“Nangma la kihepi gual in la vengte la hepi ding ahi,” ti thu kam khat hin, dan thu zosia chu a khaikhawm ahi.

JOHAN 15:12

Zia hi ka thupiak chu ahi: Keima’n ka hun hepi gual hin, nangmaule kihepi tua chiat un, ti hi.

1 JOHAN 3:23

A thupiak chu zia hi ahi: A chapa Jesu Khrista min ging in, ama’n thu ei piak gual in kihepi tua chiat leu hing, ti hi.

1 JOHAN 3:14

I kihepitua ziak ua hin, thina kipat hinna I gâl kâi tau hi ti I hiau hi. Kuale hepina neilo chu thina um zing ahi.

1 PETER 4:8

Bangcheng sâng in, phatchuamngai tak in kihepi tua chiat unla; hepina’n gitlo tam tak a khû sek ngal a.

LUKA 10:37

Ama chun, “A chung ah jangai penpa chu,” a tia. Ziaphatchun Jesu’n a kiang in, “Ahileh, chia inla, nang inle zia gual chun vabawl ta’n,” a tia.

1 JOHAN 4:11

Doitakte, Pathian in zia gual lawm ah ei hepi chun, eihaw le I kihepitua chiat diu ahi.

GALATIA 5:6

Khrista Jesu ah chun zektan chu bangma a phachuam pua’n, zektanlo le bangma a phatchuamna a um puai; ginna ah hepina bep chu a phachuam ahi.

1 JOHAN 3:18

Naute haw, a thu leh kam sung bep in kihepi puai tiu in, thu tak leh thilhi in hizaw hen.

MATTHAI 5:43

La vêngte hepi inla, la mêlmate huan, a tiu la he tau hi.

1 JOHAN 2:7

Doitakte haw, thupiak thak la kiang un ka hun zik pua’n, thupiak lui, a lim ah kipat la neisau kha ka hun zik zaw ahi. Zia thupiak lui chu la hiatsau ahi.