1 JOHAN 2:6 - PATHIAN LEKHABU THIANGTHO (BSI)

⁶ Kuale ama ah ka um zing hi ti tapo chu, ama tawidan gual in a tawi ding ahi.

1 JOHAN 2:6 Referans Kwoze

1 PETER 2:21

Khrista’n a hun thok piak ziakin, zia gual hiding ah chun ko la hiu; a kengnung la zui ding ua a hun nutsia piak la hiu hi.

JOHAN 13:15

La chung ua ka bawl gual ah nang unle la bawl ding dan uh la etton ding un ka bawl ahi.

1 KORINTH 11:1

Khrista ka etton gual in, keima ei enton un.

1 JOHAN 3:6

Kuale ama ah um chun gitlo a bawl zing puai; kuale gitlo bawl zing chun ama a mu puau ah, het le a hepuau hi.

EPHESA 5:2

Khrista’n ei hepi ah, ei uh â ding ah gimtui ah Pathian kiang ah thillat ah a kipiak gual khan, hepina nei zing tau in.

MATTHAI 11:29

Ka ngawngkol hung puau in la, ka kiang in zil un: Lungthim ah nunnem leh kingaitawm ka hi; tichun, la thagau â ding un chawldamna mu’n lau.

1 JOHAN 2:4

A thupiakte zawm lo ah ama ka hia’i, tite chu mi juauthei a hi’n, thutak chule ama ah chun a um puai.

1 JOHAN 2:28

Tu’hin, chate haw, ama ah chun um zing tau in; tichun, ama hung kilâk phat leh, a ma-âng ah zakcha lo leh hangsan tak ah I umtheina ding un.

SAM 85:13

Dik tatna’n ma pui intin, a kalsuanna ding lampi siam in a.

JOHAN 15:10

Ka thupiakte la zop zing ua leh ka hepina’n um zing in lau; keima’n le ka Pa thupiakte ka jawm ah, a hepi ah ka um zing gual hin.

1 JOHAN 3:24

A thupiakte zawm zosia chu ama ah a um zing un, ama le amau ah chun a um zing hi. A Thagau ei piak ah hin ama chu eimau ah a um zing hi ti I hethei ui.

1 JOHAN 4:17

Zia hin hepina chu eimau ah a bukim tai: vaihawmna ni ah I hân san theina ding un, ama gual ah khawvel ah I um ziak un.