1 JOHAN 2:3 - PATHIAN LEKHABU THIANGTHO (BSI)

³ A thupiakte I zop ua chun ama chu I hiau hi ti zia chun I hethei ui.

1 JOHAN 2:3 Referans Kwoze

JOHAN 14:15

Nang un lei hepiu leh ka thupiakte jawm in lau.

JOHAN 15:10

Ka thupiakte la zop zing ua leh ka hepina’n um zing in lau; keima’n le ka Pa thupiakte ka jawm ah, a hepi ah ka um zing gual hin.

1 JOHAN 5:3

Pathian hepina chu zia hi ahi, a thupiakte I zop uh hi. A thupiakte le a haksa puai.

LUKA 6:46

Ka thugente jawm lo ah bangatia: Lalpa, Lalpa, ei ti la hiu em?

JOHAN 15:14

Ka thupiak tapo la bawl ua leh ka gualte hi’n lau.

1 JOHAN 4:13

Ama’n a Thagau ei piak tâk ziakin, ei uh ama ah um in, ama le eimau ah a um hi, ti I hethei ui.

HEBRAITE 5:9

Chutichun, sukbukim ah um in, a thu awi tapote â dingin kumtuang hukdamna siampa,

SAM 119:32

La thupiak lampi del ing ka tin, ka hiatthiamna lei suklet piak ta’ngal a.

1 JOHAN 3:19

Chuleh, I lungthim un thiamlo ei chan phat leh le, thu tak ah um I hi’dan leh, a ma-âng ah le lauthawnglo ah ei umsak thei ziakin, eimau I kihechian thei sek uh ahi;

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

1 JOHAN 5:19

Pathian chate I hiu ti leh, khawvel pumpi hi migilopa thunuai ah um ahi, ti I hiau hi.

1 JOHAN 3:14

I kihepitua ziak ua hin, thina kipat hinna I gâl kâi tau hi ti I hiau hi. Kuale hepina neilo chu thina um zing ahi.

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

THUPUAN 22:14

Hinna thing chung ah thu a neitheina ding uh leh, khawpi kul kotkhak ah a lût theina ding un, a pua’n uh sawp thiangte chu a hamphau hi.

ISAI 53:11

A thokgimna kipat in vâk mu’n a; a hetna ziakin lungkimna nei ta’n a. Mi diktat, ka nasêmpa chun, mi tam tak diktatsak intin, a dukdaklo’nau zosia ama’n paw ta’n a.

SAM 119:6

La thupiak zosia ka ngaikhawk phat leh, mualpho lo hial ding ka hi.

1 JOHAN 2:13

Pate haw, ama a lim ah kipat um zing chu la het ziak un, la kiang un ka hun zik ahi. Tangvalte haw, migilo chu la zaw tâk ziak un, la kiang un ka hun zik ahi.

1 JOHAN 3:6

Kuale ama ah um chun gitlo a bawl zing puai; kuale gitlo bawl zing chun ama a mu puau ah, het le a hepuau hi.

1 JOHAN 4:7

Doitakte haw, kihepi tua chiat hitiu; hepina hi Pathian ah kipat a hingal a; kuale hepina nei chu Pathian ah piang ahi’n, Pathian chu a hia’i.

1 JOHAN 5:2

Zia hin Pathian chate I hepi dan uh I hiau hi; Pathian I hepiu ah, a thupiakte I zop ua hin.

THUPUAN 12:17

Tichun, dragon chu numei chung in a lungna deu deu ah, a suante, Pathian thupiak zui ah, Jesu Khrista hiatsakna pom a la um nalaite chu do dingin a kipandok tai.

THUPUAN 14:12

Zia hin mithiangtho, Pathian thupiakte zui leh Jesu â ding ah ginum zingte, gunchuna nei ding ah chialna a um hi.