1 JOHAN 2:24 - PATHIAN LEKHABU THIANGTHO (BSI)

²⁴ A lim ah kipat la het uh kha nangmau ah umsak zing un. A lim ah kipat la het uh chu nangmau ah a um zing chun, Chapa leh Pa ah um zing in lau.

1 JOHAN 2:24 Referans Kwoze

JOHAN 14:23

Jesu’n a dawnhu ah, min keima ei hepiu chun ka thu jawm intiu in; zia tak chuleh ka Pa’n amau chu hepi in a; chuleh, a kiang un hung ing ka tiu in, amau ah chun hung chêng ding ka hiu.

1 JOHAN 4:13

Ama’n a Thagau ei piak tâk ziakin, ei uh ama ah um in, ama le eimau ah a um hi, ti I hethei ui.

1 JOHAN 4:16

Tichun, Pathian in ei hepina chu I hiau ah, I gingcha tau hi. Pathian chu hepina ahi’n, kuale hepina ah um chu Pathian ah um ahi’n, amau ah le Pathian a um hi.

THUPUAN 3:3

La thil mu dan leh het dante kha hezing in vop pha’n la, la lung hun hei ta’n. La kivên lo chun gucha gual in hung ing ka tin, bangtik hun ah ka hun phawn ding helo la hi.

1 JOHAN 2:7

Doitakte haw, thupiak thak la kiang un ka hun zik pua’n, thupiak lui, a lim ah kipat la neisau kha ka hun zik zaw ahi. Zia thupiak lui chu la hiatsau ahi.

1 JOHAN 1:3

Kei un ka musau leh ka hiatsau ma chu la kiang unle ka tâklang uh ahi: Tichun, nang unle kei uh tawh kipawl khawmna la neitheina ding un; I kipawl khawmnau chu, Pa tawh, Chapa Jesu Khrista tawh ahi.

JOHAN 15:7

Nanghaw le keima ah la um zing ua, ka thute le nangmau ah a um zing chun, la dawi dawi uh don un, zia chu hi’piak in um in lau.

THUPUAN 3:11

Hung vak ziang ding ka hi; kuama’n la lallukhuk ding chu a lâkpiak lona ding in la neisate kha pha tak in vopdet zing ta’n.

KOLOSSA 3:16

Khrista thu chu tam tak in nangmau ah umsak un, pilna chitin ah kizilsak leh, kihiltua ah um in, kipakna lungthim tawh Pathian kiang in, pâkna La te, Pathian La te, thagau lam La te sa in;

SAM 119:11

La chung ah thil ka hi’khial lona dingin, la thu ka lunggil in ka khol khawm hi.

1 JOHAN 1:7

Himaleh, ama chu vâk ah a um gual in, eimau le vâk ah I um uh chun, I kipawl khawm zing un, a chapa thisan in I gitlonau zosia ei silthian piak jel hi.

HEBRAITE 3:14

A tîl ah kipat I ginnau kingakna kha a tawp tiang ah I tûkdet ua chun, Khrista kikoppite chu I hitau hi.

PHILIPPI 4:15

Chuleh, nanghaw Philippi mite haw, chanchinpha tun lim lai ah Makedonia gam ah kipat ka hung pawt lai ah khan, nangmau beplo ngal, kochuam pawl kuama’n thilpiak leh lak thu ah bangma ei bawl piak puau hi ti la hiau hi.

3 JOHAN 1:3

Suapite khenkhat a hung tung un, thutak ah la ginum dan leh, thutak ah la um zing dan ei hil un, ka kipak ma ma hi.

2 JOHAN 1:2

Thutak eimau ah um zing leh I kiang ah kumtuang ah um zing ding ziak ah chun,

HEBRAITE 2:1

Ziaziakchun, nakhang ah I thu hiatteu kha I ngaikhawk zaw diak ding uh ahi; chutilochun, kitawlmang san kha tawl hitiu.

JOHAN 8:25

Ziaphatchun, amau chun, “Nang hi kua la hem?” a tiu a. Jesu chun, “Bang ding ah hun gen kit nalai ding ka hem?

LUKA 1:2

a lim ah kipat amau mit ngei ah a la mute leh, zia thu nasem ah a la pangte ngei chunle ahi dan gual tak in a la zik tau a.

THUPILTE 23:23

Thu tak chu chawn la, zuakdok kit ta kin; pilna, hilna leh het thiamnate hi kichawk in.

LUKA 9:44

“Zia ka thugen hi la nakhang un lut ta hen: Mihing Chapa hi mite khut ah matsak in um ding ahi,” a tia.

JOHAN 6:56

Kua’nle, ka taksa hi a nêk ah ka thisan a dawn chun, keima ah chêng ahi’n, keima le ama ah chun ka um ahi.

1 JOHAN 3:24

A thupiakte zawm zosia chu ama ah a um zing un, ama le amau ah chun a um zing hi. A Thagau ei piak ah hin ama chu eimau ah a um zing hi ti I hethei ui.

1 JOHAN 4:15

Jesu chu Pathian chapa ahi, ti dinpite kiang in Pathian a um a, amau le Pathian ah a um ui.

2 JOHAN 1:9

Kuale Khrista thuhilna ah um zing lo ah, zia chu a belap chun, Pathian a nei puai; kuale zia thuhilna chu a umzing chun Pa leh Chapa a nei gêl gêl hi.