1 JOHAN 2:22 - PATHIAN LEKHABU THIANGTHO (BSI)

²² Jesu chu Khrista ahi ti gingcha lo khêl ah mi juauthei kua a hem um? Pa leh Chapa gingcha lo chu Khrista dodâl ahi.

1 JOHAN 2:22 Referans Kwoze

2 JOHAN 1:7

Jesu Khrista chu taksa ngei ah hung ahi ti dinpi lo, thêmtu tam tak khawvel ah hin a hung pawt tau a; zia gual mi taphot chu thêmtu leh Khrista dodâl chu a hiu!

1 JOHAN 4:3

chuleh, Jesu Khrista dinpi lo thagau zosia chu Pathian ah kipat ahi puai. Zia chu Khrista dodâl thagau chu ahi, zia chu hung ding ahi ti la hiatsau ahi’n; tu’hin le khawvel in a um tai.

1 JOHAN 2:18

Chate haw, hun nunung chu ahi tai! Khrista dodâlte chu hung ding a hiu ti la hiatsa gual un, tu’hin Khrista dodâl tam tak a hung tau hi. Zia ah kipat hin hun nunung ahi, ti I hethei ui.

JUDA 1:4

Mi kuate a hem a gûk in la lak un a hung lut un, amau chu malai ah kipat thiamlo chang ding ah guatsa, Pathian ngaisak lo mi, I Pathian uh hepina chu hûkna chansakte leh I Hotuu leh I Lalpau, Jesu Khrista kihiatlosakte a hiu hi.

1 JOHAN 4:20

Kuale, “Pathian ka hepi hi,” ti ah, a suapiteu hua chu juauthei a hiu; a muzing a suapiu bawn hepilote chun, a mu lo uh Pathian chu a hepi thei puau hi.

1 JOHAN 2:23

Kuale Chapa ging lo chun Pa chu a nei puai; Chapa ging taphot chun Pa le a nei hi.

1 JOHAN 1:6

Thim lak ah um ngal in, ama tawh ka kivop zing ui, tileu hin, juau gen I hiu a, thutak le I zui puau hi.

1 JOHAN 2:4

A thupiakte zawm lo ah ama ka hia’i, tite chu mi juauthei a hi’n, thutak chule ama ah chun a um puai.

JOHAN 8:44

La pau diabol mite la hiu in, la pau doigual bawl la nuam ui. Ama chu a lim ah kipat tualthat ahi’n, thu tak in a um ngai puai; ama ah chun thu tak him him a um puai. Zuau a gen tak leh ama mizia dungzui in a gen sek a; ama chu zuauthei ahi’n, zuauthei te pa le ahi.

THUPUAN 3:9

Juda tak hilo pi, juau thu Juda kitite, Setan lawi kikhopna pangsekte kha ka hun pia ahi; amau hun sawl ing ka tin, la kengbul ah kûn sak ing ka, ka hun hepi dan hi a hetna ding un.

MATTHAI 24:5

Ka min in mi tam tak in, Khrista chu ka hi, ti’n mi tam tak hun pui mang intin uh.

MATTHAI 24:24

Messiah lêmte leh jawlnei lêmte hung pawt intiu in, melchikna leh tepte’na thupi tak tak le hun etsak in au; hithei vang leh têlchuamte hial le thep zaw hun gua’n au.

1 JOHAN 5:1

Jesu chu Khrista ahi ti ging zosia chu Pathian ah piang a hiu; chuleh, a hingtu hepi zosia’n a hinte le a hepi sek ui.