1 JOHAN 2:15 - PATHIAN LEKHABU THIANGTHO (BSI)

¹⁵ Khawvel leh a sung ah thil umte haw hile thangai diak kiu in. Kua’n le khawvel a thangai chun, Pa hepina chu ama ah chun a um puai.

1 JOHAN 2:15 Referans Kwoze

JAKOB 4:4

Ângkawmte haw! Khawvel tawh kijawlna chu Pathian mêlma hi’na ahi ti la hepuau em? Ziaziakchun, kuale khawvel tawh kijawl nuam chu Pathian mêlma a hisek hi.

ROMTE 12:2

Zia khawvel dan gual ah hin um kiu inla, Pathian doi gual, a pha leh pom tâk leh a bukim chu la hettheina ding un, la lungthim uh siamthak ah um in, hung danglam zaw tau in.

MATTHAI 6:24

Kuama’n hotu pani na a sêmkop thei puai; pakhat muda in pakhat ngaina’n, pakhat â di’n gunchu intin, pakhat simmaw in a. Pathian leh sum na sêmkop thei pua’n lau.

LUKA 16:13

Suak kuama’n hotu pani na a sêmkop thei puai; pakhat muda in pakhat hepi intin; pakhat kiang ah kitulût intin, pakhat chu dangdâk in a. Pathian leh sum na sêmkhawm thei pua’n lau, a tia.

JOHAN 15:19

Nanghaw khawvel mi hileuchin, khawvel in ama mite chu hepi in a; khawvel mi la hita pawngal un, khawvel ah mi ka têldaw la hizawu ah, ziaziakchun, khawvel in a huat la hiu.

1 JOHAN 3:17

Kua’nle khawvel sum leh pâi nei in, a suapi tasam chu mu ngal in, panpi nuamlo ta leh, Pathian hepina ama ah bang ti’n a um thei diam?

1 TIMOTHI 6:10

Dangka sum ngainat hi gitlona chitin bul ahi ngal a; khenkhat in hausak nopna ziakin ginna chu jamsan in, amau leh amau lungngaina tam tak a kisunkhum sek uh ahi.

GALATIA 1:10

Ahileh, tu’hin mihing doisakna a hem ka hawl, Pathian doisakna? Ahiloleh, mihing kipaksak gua ka hem? Mihing kipaksak mai ka hi zing chun, Khrista suak hi pua’ng ka.

1 JOHAN 4:5

Amau chu khawvel ah kipat a hiu in; ziaziakchun, a thugen uh chu khawvel ah kipat ahi’n, khawvel in a ngai nuam ui.

EPHESA 2:2

malai khan zia khawvel dan gual hin la um un, beingawn ah thuneina lal, thu awilo chate sung ah sêm zing pa thagau dan gual ah chun la um ui.

1 JOHAN 5:10

Pathian Chapa gingte’n hetpina chu a lunggil un a nei chiat tau hi. Pathian ginglote’n vang ama chu juauthei a chansak tau hi, Pathian in a Chapa chanchin a hiatsak chu a gin lo ziak un.

MATTHAI 4:8

Chuleh, diabol chun tâng sâng tak in a pui kit a, khawvel gam zosia leh a lopina chu a etsak a.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.