1 JOHAN 2:14 - PATHIAN LEKHABU THIANGTHO (BSI)

¹⁴ Naute haw, Pa chu la het tâk ziak un, la kiang un ka hun zik ahi. Pate haw, ama a lim ah kipat um zing chu, la het ziak un, la kiang un ka hun zik ahi. Tangvalte haw, nanghaw chu la hat un, Pathian thu nangmau ah a um zing ah, migilo chu la zaw tâk ziak un, la kiang un ka hun zik ahi.

1 JOHAN 2:14 Referans Kwoze

SAM 119:11

La chung ah thil ka hi’khial lona dingin, la thu ka lunggil in ka khol khawm hi.

1 JOHAN 2:13

Pate haw, ama a lim ah kipat um zing chu la het ziak un, la kiang un ka hun zik ahi. Tangvalte haw, migilo chu la zaw tâk ziak un, la kiang un ka hun zik ahi.

KOLOSSA 3:16

Khrista thu chu tam tak in nangmau ah umsak un, pilna chitin ah kizilsak leh, kihiltua ah um in, kipakna lungthim tawh Pathian kiang in, pâkna La te, Pathian La te, thagau lam La te sa in;

JOHAN 15:7

Nanghaw le keima ah la um zing ua, ka thute le nangmau ah a um zing chun, la dawi dawi uh don un, zia chu hi’piak in um in lau.

EPHESA 6:10

A tawp pen in ka suapite haw, Lalpa leh a hâtna thilhitheina ah chun hat tak in um unla.

JOHAN 8:31

Jesu’n ama gingcha Judate kiang in, “Ka thu la um zing ua leh, ka nungzui dik tak hi’n lau;

JOHAN 5:38

Chuleh, a mi sawl hi la ginchâk lo ziak un, a thule nangmau ah a um puai.

THUPUAN 2:7

Thagau in kochuamte kiang ah thu a gen hi, nakhang nei taphot chun he tau hen. A zo tapo chu Pathian paradis ah a nêk dingin hinna thingga pia ding ka hi, a tii, ti in.

3 JOHAN 1:3

Suapite khenkhat a hung tung un, thutak ah la ginum dan leh, thutak ah la um zing dan ei hil un, ka kipak ma ma hi.

2 JOHAN 1:2

Thutak eimau ah um zing leh I kiang ah kumtuang ah um zing ding ziak ah chun,

HEBRAITE 8:10

‘Zia nite zaw chuleh, Israel Insung mite tawh kikâl ah ka thuthun ding chu, zia hi hi’n a,’ Lalpa‘n a ti’n: ‘A lungthim un ka dan chu koi ing ka tin, a lung sung un zik ing ka; chuleh, a Pathian uh hi’ng ka tin, amau chu ka mite hita’n au.

KOLOSSA 1:11

Kipak tak ah bangkim thuak-hat tak ah la umtheina ding un, a thilhitheina nasa tak ah kipat hung pawtdok chun, bangkim in hun suhat hen la,

2 TIMOTHI 2:1

Chutichun, nang ka cha, Khrista Jesu ah hepina ah chun hat tak in um inla,

PHILIPPI 4:13

Ei hi’hatpa Khrista jal ah chun bangkim bawlthei ka hi.

THUPUAN 2:3

Thok le la thuak ta’n, himaleh, la thuak zo jel hi; ka min ziakin la sêmgim ta’n; himaleh, la chau diak puai.

1 JOHAN 1:10

Thil ka hi’khial puai I tiu chun, ama chu juauthei in I siam un, a thu le eimau in a um puai.

JOHAN 8:37

Nang haw hi Abraham suante la hiu ka henai; himaleh, ka thu hin nangmau ah mun a neilo ziakin, nang un tha lei guat uh ahi.

1 JOHAN 1:1

Hinna thu, a lim ah kipat a la umsa, kei un ka la het uh, ka mit ua ka muu, ka la et zing uh, ka khut ua ka khoi uh zia hinna chu a hung kilang ta’n, ka la mu tau a;